1 Samyuele 18:23 - Anatunya Buku Baepole Ole Testamene Pii Lapo dee Nuu Tesamene

²³ Dopa leyamo dokopa nakamame Dapiti pao lamaiyami. Lamaiyaminyi dokopa baa isingi lao, Mendeme kiŋinya wanenge nyeramo doko wambu dupwame kandapala banya kingi ketae pyambwarami. Namba pendewa koo dokome kapa nyero ingya nalyamo, leya.

1 Samyuele 18:23 ပူးပေါင်းရင်းမြစ်များ

Jenesese 29:20

Doko sepala Jekopeme ee kana yanda ipingi dusipana yulu pyakamiyamopape wanake dokona wakasa mona reteyamo dokome mee lama ingyuo peya.

Jenesese 34:12

Bange rae mailyaminyili pyuo langyuo dee yapakaro dupwa kamame ketae nembo lalana masilyaminyili pyuo mee lalapape. Dokopa namba baa nyii larami ramo doko bange kingi palyarami dupwa kaeya nao mee jero, leya.

Samu 119:141

Namba embapa manda daa dokona nakamame namba kando ipyarami ingilya kande. Dopa pipyamopape embena mana piikuki ingyuo retenge dupwa yaki nyii nalyo.

1 Jone 3:1

Rakange Anatu namwa renge kuiyuo mona reteyamo dokome namwa banya wane wanakepe leya dokona suu pyaokondali pipwape. Namwa mee dopa rapisa lao wane wanakepe laa nange. Namwa banya wane wanakepe angingyuo karamano. Dokona isa yuunya suu pingi wambu dupwame Anatu apa pyuondeme pyuo karamo lao soo pakana palya nayami doko suu pyao namwa apa pyuondeme pyuo karaminyi lao soo pakana palya nalyaminyiko.

1 Samyuele 18:18

Dapitimi isingi lao, Namba koo kandale. Nambana ree palu dupwa pendewa dokona namba api lao kiŋinya imwange ingyarose? leya.

1 Samyuele 18:22

Soleme banya akali mupwa dupwa epena lapala lao, Nakamame Dapiti yalu pyuo lamaiyuo, Dakepa kiŋi dokope dee banya akali mupwa dupwa peparaepe emba kando rae mailyaminyi dokona emba banya wanenge kapa nyere lena, leya.

1 Samyuele 18:24

Akali mupwa dupwame Dapitimi pii leyamo doko pao Sole lamaiyami.

1 Samyuele 9:21

Leyamo dokopa Soleme isingi lao, Namba akali Benjamenena rara dokona Isaraele wambunya rara dupwana doko rara kuki ingyuo singi dee nambana ree palu wambu dupwa rara dokona mee kuki isa pele lao palenge. Dokona akipamo embame namba kando pii dopale langilisi? leya Soleme.