1 Samyuele 18:18 - Anatunya Buku Baepole Ole Testamene Pii Lapo dee Nuu Tesamene

¹⁸ Dapitimi isingi lao, Namba koo kandale. Nambana ree palu dupwa pendewa dokona namba api lao kiŋinya imwange ingyarose? leya.

1 Samyuele 18:18 ပူးပေါင်းရင်းမြစ်များ

2 Samyuele 7:18

Kiŋi Dapiti baa Kamongona komau anda dokona kolando pao banya lenge kambu dokona isa pisipala ateŋa lao lao, Kamongo Mupwa Andake Wakasa doko, embame wambo nambana lao yulu pipinyi dupwa nambape dee nambana ree palu dupwa yulu keyange pimwandena pipinde daa.

Ekesetase 3:11

Dokopa Moseseme Anatu lamaiyuo, Namba apyakalendeme Perao petamo dokona papala Isaraele wambu dupwa kiiramo nyuo Isipi yaki nyerose? leya.

Jeremaya 1:6

Dopa leyamosa nambame isingi lao, Kamongo Mupwa Andake Wakasa, namba wane ene. Namba pii lalana saka nange, leyo.

Uruti 2:10

Dokopa Urutimi ponga napala yuunya lenge kambu suu lapala Bawase lamaiyuo leya. Namba yuu naneta range doko akipamo namba kando rae maiyuo rau lao pii letene? leya.

1 Samyuele 18:23

Dopa leyamo dokopa nakamame Dapiti pao lamaiyami. Lamaiyaminyi dokopa baa isingi lao, Mendeme kiŋinya wanenge nyeramo doko wambu dupwame kandapala banya kingi ketae pyambwarami. Namba pendewa koo dokome kapa nyero ingya nalyamo, leya.

1 Samyuele 9:21

Leyamo dokopa Soleme isingi lao, Namba akali Benjamenena rara dokona Isaraele wambunya rara dupwana doko rara kuki ingyuo singi dee nambana ree palu wambu dupwa rara dokona mee kuki isa pele lao palenge. Dokona akipamo embame namba kando pii dopale langilisi? leya Soleme.