1 Samyuele 18:12 - Anatunya Buku Baepole Ole Testamene Pii Lapo dee Nuu Tesamene

¹² Dopa piyamopa Kamongo dokome Sole yaki nyepala Dapiti keta kareyamosa Sole baame Dapiti kando pakaya.

1 Samyuele 18:12 ပူးပေါင်းရင်းမြစ်များ

2 Samyuele 5:10

Kamongo Anatu Porai Wakasa doko baapa role kareyamosa Dapiti baa yuu gii peparae porainya renge paleyamopa ando porai ingyuo kareya.

Samu 51:11

Namba embena arapu dokona pyao neta nemba nao embena Imambu Poo Pyasi namba keta rekya lao nyuo pii nare.

Matyu 25:41

Lapala banya kingi kyairena kararami dupwa lamaiyuo dopa lara. Nakama koo keta palirami dupwa, namba yaki nyepala pao isare rao karalu karene dokona Satanemoo banya aŋala koo dupwa pipya kararami dokona pupwa.

Make 6:20

Erote baame Jone akali rolae poo pyasi ingilyamo lao suu pyapala pako kareya. Karapala pyarami ingya nalyamo daa leya. Jonena pii doko Erote dokona mona piyamopape Eroteme Jonena pii doko sipuli lao suu pyao peteya.

Luku 8:37

Dokopa yuu Gekesa kipwa kipwa dupwana range dupwa peparaeme pakame kumapala baa kaepala pupyali yaka lao lamaiyuokondali piyami. Dokopa bote dokona pyakambwapala kapu kyuo peya.

APOSELENA YULU 24:25

Dokopa Pole baa yulu rolae dokonape dee papa lapala langa pii nange yulu dokonape Anatumi kote lara dokonape lao rolo lao kareyamo dokopa Pilikisa pakapala dopa leya. Epapu kaepala puu. Yulu mende kingi minya naramo dokopa emba dee ipu laro.

APOSELENA YULU 7:9

Enakana akali kyawa dusipame yangonge Josepe yango palyiyami. Yango palyapala baa nyuo Isipi wambu dupwana kendemande inginya lao maipala kana mone nyiyami. Dopa piyaminyipape Anatumi baa nyiso kareya.

Jasi 16:20

Enda baame pii ama ketae palyuo lao, Samasone, Pilisitia dupwa epelyaminyi, leya. Dokopa Samasone baa roya pisipala namba panju pingi doko suu pyao mee parolyamo lao suu piya. Doko Kamongome baa kyawa yaki nyiyamo doko see naya.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 16:4

Kamongome leyamuli pyuo Samyuele baa yuu taone Beteleme dokona peya. Peyamo dokopa akali mupwa dupwame baa walu lao kando nyepala dopa lao piso soo, Poropeta, emba mona kyuu lao sera mendena epelepe? leyami.

1 Samyuele 18:15

Sole Dapitinya yulu keyange piyamo doko kandapala dokopa kamame wakasa pako kareya.

1 Samyuele 18:20

Maiyaminyipape Solena wanenge mende Maekele lenge dokopa Dapitipa ama mona wakasa reteyambinyi dokona Sole soo rae maiya.

1 Samyuele 18:29

Yuu gii dokopa Sole baame Dapiti kando kamame wakasa pakame kumuya. Dee baa palyuo kareyamo yuu gii dusipana banya nyisu petenge ingiya.

1 Samyuele 20:13

Rakaneme emba pyalena suu pyao kipwa goe lalu lao laramopa nambame emba kyawa lete nyuo nyisa nembo langi nao laro ramo doko Kamongo dokome namba pyao kumakana. Kamongo nambana rakane role kareyamo doko emba role karena.

1 Samyuele 28:15

Samyueleme Sole lamaiyuo, Akipamo namba uki minyuo lene? Namba akipamo kamba kapu kyuo ipu letene? leya. Soleme isingi lao, Namba randa nyuo mona kendalyo. Doko Pilisitia wambu dupwame nambamoo yanda pimwailyaminyi dokopa Anatumi namba kyawa yaki nyilyamo. Yaki nyipyamosa baa pisapu dokopa poropeta dupwa ketape dee kombeyamepe pii mende isingi langya nalyamo. Dopa pipyasa namba mende pirunu dupwa langilase lapala piso sipu, leya.

1 Samyuele 3:19

Samyuele ando oteyamo dokopa Kamongo doko baa keta role pyao kareya. Role pyao karapala Samyueleme pii leyamo dupwa angi kinyi dokonako pinya lao piyasa angiko pyuo peya.