1 Samyuele 17:43 - Anatunya Buku Baepole Ole Testamene Pii Lapo dee Nuu Tesamene

⁴³ Golayateme Dapiti piso, Pangali dokome apa piripi? Namba suwa daa. Lapala banya mee bange anatu dokome epo Dapiti randa mainya lao kee leya.

1 Samyuele 17:43 ပူးပေါင်းရင်းမြစ်များ

Jenesese 27:29

Wambu dupwa peparaeme embena yulu pyakao kararami. Dee wambu yuu muu peparaena embena lenge kambusa pangu soo emba rape rape lao karena. Emba yangonge dupwa pipya kamongo ingyuo kararenepa endakinyinya ikinyingi dupwa embena lenge kambu seramo dokona isa kararamiko. Wambu lapome emba koo keta palyarami dupwa nakama koo ketako palirami deewambu lapome emba elyape keta pisarami dupwa nakama range elyape ketako palyuo karena, leya.

2 Samyuele 16:5

Kiŋi Dapiti baa yuu Bakurimi dokona pao pyaka siyamo dokopa akali mende Solena ree palu karengende kingi Simai lenge akali Gerana ikinyingi dokome baa kando nyepala randa maiyuo koo keta palyuo lao nembeya.

2 Samyuele 16:9

Akali Apisai lenge enda Seruyana ikinyingi dokome kiŋi doko kando lao, Emba kiŋi andake doko. Akipamo akali kopyali dakeme suwa ingyuo randa jinya lao kaelese? Namba dokona dumu pao banya mange puku pyala puu larene, leya.

2 Samyuele 9:8

Dokopa Mipiposeta baa kambako yuu dokona pangu sepala lao, Namba suwa kumasi dokona mendeke ingyuo peto doŋo akipamo embame namba kando ama keyange pilisi? leya.

Nambase 22:6

Wambu dupwa ama malu mee namwa isa palyilyaminyi dokona emba waiya lao epo nambana lao nakama koo keta palyuo mende pyakape. Dopa piri ramo namwame kapa pyuo anamasi minyuo yuu dakena pyao ralinyi nembarama rapisi. Embame wambu dupwa elyape keta petena lapinyi dokopa elyape keta petaminyiko. Randa maiyuo koo keta pena lapinyi dokopa kooko keta pelyaminyi. Doko namba silyu.

1 Samyuele 14:12

Lapala nakamame Jonatanepa banya akali parange dokopa kee lapala lao, Waiya lao dae lalyuo ipupwa. Namwame pii mende langimanale leyami. Leyaminyi dokopa Jonataneme akali parange doko lamaiyuo, Namba paroli pyuo emba ipu. Kamongome Isaraele dupwa keta pyao anamasi minyalapase lao nyiso porainya renge jipya, leya.

1 Samyuele 24:14

Isaraele kiŋi dokome koto pyalana pyuo karamo doko kandalapa. Baame peta ralu pyala pelyamo doko kandalapa. Suwa mee kumasi sipyamo dokope panda silyape mende pyalana pilisi?

1 Samyuele 24:15

Kamongome iki yapo api koo pipya lao renge doko kando lara. Doko api keta palamo lao lao namba nyiso embena kingi rekya lao nyinya, leya.