1 Samyuele 17:32 - Anatunya Buku Baepole Ole Testamene Pii Lapo dee Nuu Tesamene

³² Dapitimi Sole lamaiyuo, Emba kiŋi ingyuo karenge doko suu pyao wambu mendeme Pilisitia dake kando paka nara ingilyamo. Nambame baa kapa pyala paro ingilyamo, leya.

1 Samyuele 17:32 ပူးပေါင်းရင်းမြစ်များ

Aisaya 35:4

Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

Aisaya 7:4

Kiŋi doko kando nyepala lenge rao mona seramopa paka nao karena lare, leya. Kiŋi Oresene banya Siria wambu dupwape dee kiŋi Pekana imbu singi dokope mee lyipongona yao isare dopaleŋe paka nalapape, leya.

Nambase 13:30

Wambu dupwame Mosese kando mumu leyamisa akali Kelepe lenge dokome mumu laa nao elya kalo karalapa. Namwa porayapala kapa winimi pirama dokona epapu namwame yuu doko pyao nyela parama ingilyamo, leya.

Nambase 14:9

Dokona Kamongo kando kamba lao apiyanda pii napala yuu range wambu dupwa kando paka nalapape. Paka nao namwame nakama kapa mee manda rasi pyao anamasi minyarama. Kamongo doko namwa keta karapyamo dokome nakamana mee bange anatu lao lakandenge dupwa nyuo anamasi minyiyamo dokona lao namwa paka nao karamana, leyambi.

Ipuru 12:12

Dokona lao kingi kimbupi lyokokerapala kara nao yulu pyuo karalapape.

1 Samyuele 14:6

Jonataneme akali parange doko kando lao, Anatu mona reta nange wambu Pilisitia rara dupwa palaminyi dokona oko soo bona. Parambano dokopa Kamongome nambwa nyisara rapisi? Baame nyisara ramo dokopa nambwa wambu kuki lama iki kararambanopape wini pyuo mendeme nambwa kaeyalapa laa narami ingilyamo leya.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 17:31

Akali lapome Dapiti baa leyamo pii doko sepala Sole lamaiyami. Dokopa Soleme baa kee lao epena leya.