1 Samyuele 17:12 - Anatunya Buku Baepole Ole Testamene Pii Lapo dee Nuu Tesamene

¹² Dapiti baa Jesena ikinyingi Eporata akali doko yuu Beteleme Juta singi dokona kareya. Jese banya wane mange lama karo mandeyamo yuu gii dokopa Sole baa kiŋi ingyuo kareyamo dokopa Jese baa alemo ingyuo kareya.

1 Samyuele 17:12 ပူးပေါင်းရင်းမြစ်များ

Jenesese 35:19

Dopa pyuo enda Oresolo baa kumapeya dokopa yuu Eporata (epapu yuu Beteleme lenge dokona) panya penge kata dorena malu piyami.

2 Samyuele 23:1

Dapiti akali Jesena ikinyingi dokome Kamongome mupwa inginyi nembeya. Akali doko Jekopena Anatu dokome baa kiŋi ingyuo rombo palyiya dokome kenane pii keyange dupwa Isaraele wambunya pyao retakamiya. Dokona pii dake Dapitimi lumwa pyuo leya.

Samu 132:6

Yuu Beteleme dokona Kana Minyuo Lalu Lao Lenge Pii Palenge Bokote doko silyamo dokona leyaminyi siyama. Dee yuu Jirimi dokona siyamo dokona kando nyiyama.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Matyu 1:6

Jeseme Dapiti kiŋi akali doko mandeya. Dopa pipala Dapitimi Yuraya kumuyamo dokona enda waiya nyepala Solomone mandeya.

Matyu 2:1

Eroteme kiŋi yulu pyuo kareyamo gii dokopa Yesu yuu Beteleme doko yuu Jutia dokona siyamo dokona mandeyami. Dokopa akali lapo bui karenge dupwana yulu dupwa soo gisingi dusipa neta pyakaenge dorena karo yuu Jerusaleme epapala dopa leyami.

Matyu 2:6

Yuu Juta dokona Beteleme taone doko kuki ingya napala taone doloma pipya Beteleme yapo kingi londara. Dokona ingyuo Beteleme range akali mende sipurao Kamongo ingyapala Isaraele wambu dupwa mondo lao rapu pyuo karara leya.

Uruti 1:2

Akali banya kingi Elimeleke lenge. Banya etenge Nayomi ikinyingi dolapona kingi Malone Kiliyonepa lenge. Nakama yuu Beteleme range. Yuu doko kingi Eporata lenge. Yuu Juta dokona singi. Dokona nakama yuu Moape papala palyuo karo piyami.

Uruti 4:17

Enda range ree palu sukusa lapome wane banya kingi Opeta leyami. Dee enda dupwameko lao wane doko Nayominya, leyami. Wane baa ando karo banya mandeyamo doko Jese lenge. Jese baa Dapitinya rakange.

1 Samyuele 1:1

Akali mende Eporaime rara dokona Elekana lengende yuu taone Orama lenge doko yuu Eporaime doko yuu kyau pyalya pyana pingi dorena siyamo dokona palyuo kareya. Baa Jerokamena ikinyingi. Banya kauwange Eliyu lenge. Baa Toyunya ree palu dokonande dee banya rara kuki Supi lenge.

1 Samyuele 16:1

Kamongo Anatumi Samyuele lamaiyuo, Yuu akipare emba Solena lao mona rando kararepe? Nambame baa Isaraele wambu dupwana kiŋi ingyuo kara nara leyo kande. Emba isa olipinya mamba wele ipwange doko nyepe. Nyepala minyuo pao nambame emba yuu Beteleme dokona akali mende banya kingi Jese lenge karamo dokona mapanyi nembelyo. Wamba nambame dokona ikinyingi mende kiŋi ingyuo karara lao rombo palyuo wasiyu dokona mapanyi nembelyo, leya.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 17:11

Solemoo banya akali dupwape pii doko soo pakame kumuyami.

1 Samyuele 17:58

Peyamo dokopa Soleme piso soo leya. Wane emba apinya ikinyingisi? Dokopa Dapitimi isingi lao, Embena kendemande akali Jese yuu Beteleme range dokona namba ikinyingi, leya.