1 Samyuele 16:7 - Anatunya Buku Baepole Ole Testamene Pii Lapo dee Nuu Tesamene

⁷ Suu piyamopape Kamongome baa lamaiyuo, Yanengena au pingi dupwana suu pyaa napipi. Mee wambumi yapalya yapana pyuo lenge dopa pyuo nambame lengende daa. Wambu dupwame yongona ketae pingi doko mee kandenge nambame monarena kandenge, leya.

1 Samyuele 16:7 ပူးပေါင်းရင်းမြစ်များ

Jenesese 4:5

Kenena dupwa epe kanda nao kareya. Dopa piyasa Keneme imbwuapala banya lenge kambu poro imbu manjo kareya.

2 Samyuele 14:25

Epesalome baa akali ama keyange Isaraele wambu dupwame baa kando lakanda minya minya pingi. Banya yongo peparae kombe palyuope pii nange.

2 Samyuele 7:20

Dokona nambame emba aki mende konda pyuo langiru. Namba embena kendemande akali embame soo gisilini.

1 Kiŋi 8:39

nakamana ateŋa doko sakamipi. Embena anda yake panda dokona karo nakamana ateŋa sakamipi. Sepala nakamana koo dupwa nyuo kame sakamyuo nakama nyisape. Embame iki isa akalinya mona suu pingipi dupwa soo gisilini. Wambu yulu wakale wakale pilyaminyili pyuo yano pyakamipi.

Samu 139:2

Namba pilyu dupwa peparae embame silini. Emba kamame nanesa karapalape nambame suu pilyu dupwa soo gisiliniko.

Poropepe 31:30

Enda wambu yako lao laku nyingi dupwa yuu lapo mee kunji kunji pingi. Dee dopako pyuo enda keyange elyape dupwa emo otarami. Dopa piramopape Kamongopa ketae pyambuo pisiramo doko mee lakandarami ingilyamo.

Jeremaya 20:12

Dopa piraminyipape Kamongo Porai Wakasa embame wambu peparae rolae dokona makande pyuo kandenge. Nakamana mona kyawa sisingipi dupwana aki palamo doko embame soo oto karapinyi pilyamo. Dokona nambana randa dupwa embena kingi raka dokona palyilyu. Dokona nambame nyisu petenge dupwa pipya moŋo maiya kare doko kandarowale.

Luku 16:15

Dopa lao kareyaminyipa baame nakama lamaiyuo dopa leya. Nakama yanengena yulu ketae dupwa rolae pyuo wambu nakamana kingi ketae pyambuo karamili lao suu pyao karaminyi. Dopa pilyaminyipape Anatumi nakamana mona anda kandenge. Dokona suu pyao isa wambu dupwame aumi kumuo kandenge dupwa Anatumi kando ipyange.

Jone 7:24

Yanengena ketae yulu doko kando yapalya yapana pyuo suu pyao kara napala renge angi rolae yapo nyuo suu pyao karalapape leya.

Jone 8:15

Nakamame yanengena ketae kando koo epengepe yapalya yapana pyuo lenge. Namba wambu koo epengepe yapalya yapana pyuo lao kara nalyo.

APOSELENA YULU 1:24

Akali dolapona suu pyao ateŋa lao dopa leyami. Kamongo emba akali dupwa peparaena monarena soo gisingi. Emba akali dolapona mende rombo palyii kande doko embame namba lasaka pii.

2 Korina 10:10

Akali mendeme dopa lao dokopa, Polena pepa pase pyao imbuo pii poraiyuo lengeŋe, dee namwa pipya karelyamo dokopa pii kata pao laa nangeŋe dopa pyuo lara.

2 Korina 10:7

Nakamame neta yanenge ketaena maro lapyamo doko iki kandelyaminyi. Akali mendeme namba Yesu Koraisana akali karo lao suu pilyase? Dopa pira ramo baa rangena mona anda kandenale. Baa Koraisana akali ingyuo karamo dopako pyuo namwa opetaeko Koraisana akali ingyuo karamano.

Ipuru 4:13

Anatumi bange peparae wasiyamo dupwana mende baapa nee pyuo sera ingya nalyamo. Bange peparae Anatunya lenge kambunya panembena sera. Baa ketako mendali neta paa napala namwa peparae rangena yulu dupwa polo lamairama.

1 Pita 2:4

Lete palengena kana doko isa wambumi meeŋe lapala nembeyaminyipape Anatumi nyuo rombo palyapala mupwa wakasa lao suu pyao karamo. Kana angi doko repeta epo pisipwape.

1 Pita 3:4

Anatumi epe soo kandara dupwa mona andarena kalya pisi sinya lao elya kalo anjiki pyuo piso karo pipape.

Orepalaisane 2:23

Enda banya wane wanakepe pyao kumakaro dokopa Elyambu Pingi wambu peparae nambame wambunya suu pingi mona anda dupwa kando soo giso karo doko serami. Sepala nambame isa wambu yulu piraminyili pyuo manda manjo kingi kisaro doko serami.

1 Samyuele 2:3

Kamongo doko baa Anatu karamo dokome akalinya pilyaminyi dupwa soo karamo. Yulu koo keyangepena yapalya yapana pyuo lao karenge. Dokona lao emba piimi range yuku napala mangalyilinyi doko kaeyape. Pelyanyi nembo range mupwa lao suu pyao pii leene doko kui lape.

1 Samyuele 9:2

Kisinya ikinyingi mende kingi Sole lenge baa ando kareyamo dokopa akali keyange porai wakasa ingyuo kareya. Baa Isaraele akali menge dupwa isa palyuo baa akali ama londe wakasa dee banya lenge kambu keyange karenge.