1 Samyuele 16:19 - Anatunya Buku Baepole Ole Testamene Pii Lapo dee Nuu Tesamene

¹⁹ Doko sepala Soleme pii wai nembo Jese lamaiyuo, Embena wane Dapiti mena sipisipi rapu pyuo karamo doko namba jinya leya.

1 Samyuele 16:19 ပူးပေါင်းရင်းမြစ်များ

1 Kiŋi 19:19

Dokopa Ilainja yaki nyuo Ilaisa koto kandala peya. Kandeyamo dokopa mena okese lapo minyuo yuu ape ape pyao kareya. Kareyamo dokona mena okese gurupu akalisa ipisu mendaki wambo pyuo peyaminyipa baa mende enakaya dokopa dokona ape ape pyao peya. Dopa piyamo dokopa Ilainjame banya komau londe doko roko nyepala Ilaisa wapwakamiya.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

1 Samyuele 16:11

Dokopa enakana piso soo, Embena wane dasipa ikisi? leya. Jeseme isingi lamaiyuo, Wane kuki doko iki baame mena sipisipi rapu pyuo karamo. Dopa leyamo dokopa Samyueleme lao, Baa dae epo karena lamai. Baa dae eparamo dokopa Kamongo bange rendamu pingi kiso maingi dokona mairama, leya.

1 Samyuele 16:18

Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 16:20

Jeseme mena yanengendeme kipwa pee wasisi ipwa waene palenge dokope mena meme yakane mendepe borete dupwa pipya mena donge mata dokona retapala Dapiti minyuo Sole kareya dokona pena leya.

1 Samyuele 17:15

Dapiti baa yuu Beteleme pao epo pyuo rakangena mena sipisipi dupwa rapu pyuo kareya.