1 Samyuele 16:18 - Anatunya Buku Baepole Ole Testamene Pii Lapo dee Nuu Tesamene

¹⁸ Leyamo dokopa akali kareyaminyi dokona mendeme leya. Jese yuu taone Beteleme range dokona ikinyingi doko rambyalu dokome musiki pyao ama keyange lenge. Baa akali paka nange yanda singi keyange baame pii mondo lao lenge dee yanenge keyange karenge. Kamongo Anatu role pyao karelyamopa karenge, leya.

1 Samyuele 16:18 ပူးပေါင်းရင်းမြစ်များ

Jenesese 39:2

Dokopa Kamongo dokome Josepe baapa role pyao karapala yulu peparae mondo lanyi pyambwakamiya. Josepe baame Isipi akali mupwa dokona anda palyuo kareya.

Jenesese 39:23

Dokopa karapusi isingi akali dokome yulu peparae Josepe keta retapala kaeya. Renge doko Kamongo baa Josepe keta role pyao kareyasa bange peparae piyamo dupwa elyape ingyuo peya.

2 Samyuele 17:10

Dapitimi dopa piramo dokopa embena rakane doko yanda singi andake wakasa dee banya akali dupwa yandana soo otenge doko Isaraele wambu peparae soo otelyaminyi dokona mena laeneme bange mendepe paka nange dopale ingyuo yanda singi porai yanda pingi dupwa pakao pyuo penge dupwa mee pakarami.

2 Samyuele 17:8

Embena rakane dokope akali menge dupwape nakama yanda ama poraiyuo pyuo yanda nengena petenge doko emba silini. Dee nakama mena marakae dupwana yakane waa nyakamingi dokopa pondoma pyuo nalana pingi dopale ingilyaminyi. Dee embena rakane doko yandana yulu soo oto pyuo retenge dokome baa kukwa dokopa banya akali dupwa pipya pali nange doko emba silini.

Matyu 1:23

Doko enda mapwae mende wane pisaramopa wane mende manjira dokopa banya kingi Imanuele larami leya. (Kingi Imanuele doko Anatu namwa pipya role pyao karamo dopale.)

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

1 Samyuele 10:7

Yulu dupwa pira dokopa Anatumi emba dopa pii dapa pii lao mende langiya kande doko pepe.

1 Samyuele 16:12

Jeseme wane doko lanyala pena leya. Wane kuki yanenge keyange karenge lenge sipi kone pyuo renge doko epeya. Dokopa Kamongome Samyuele lamaiyuo, Dakesa lapu baa rombo palyinya, leya.

1 Samyuele 16:17

Dokopa Soleme akali rambyalu keyange lenge mende kotakala papala dae lanyuo epena leya.

1 Samyuele 16:19

Doko sepala Soleme pii wai nembo Jese lamaiyuo, Embena wane Dapiti mena sipisipi rapu pyuo karamo doko namba jinya leya.

1 Samyuele 17:12

Dapiti baa Jesena ikinyingi Eporata akali doko yuu Beteleme Juta singi dokona kareya. Jese banya wane mange lama karo mandeyamo yuu gii dokopa Sole baa kiŋi ingyuo kareyamo dokopa Jese baa alemo ingyuo kareya.

1 Samyuele 3:19

Samyuele ando oteyamo dokopa Kamongo doko baa keta role pyao kareya. Role pyao karapala Samyueleme pii leyamo dupwa angi kinyi dokonako pinya lao piyasa angiko pyuo peya.