1 Samyuele 16:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kamongona Imambu dokome Sole yaki nyiya. Imambu koo dokome Sole keta randa maiyuo Kamongome pena lao mapanyi nembeya.

1 Samyuele 16:14 ပူးပေါင်းရင်းမြစ်များ

2 Samyuele 7:15

Dokona nambana mona reto alowa pii nange renge doko Sole keta nyisa nyiyu doko suu pyao baa keta nyisa nyii naro. Sole keta dopa piyunu doko emba banya panda nyuo kiŋi karalase lao piyu.

1 Kiŋi 22:19

Leyamo dokopa Maekayame deeyako lao, Epapu Kamongo dokome apa letamo lao sepe. Kamongo doko yake panda dokona banya petenge isa dokona pisipyamo banya aŋala dupwa baa pisipyamo wangusa karaminyi kandapu.

1 Kiŋi 22:22

Leyamo dokopa Kamongome piso soo lao, Apa pyuo pirisi? leya. Dokopa imambu dokome isingi lao, Nambame papala Ayapena poropeta akali dupwa kyambo lena lao kunji pyaro, leya. Dokopa Kamongo dokome lao, Emba wini piriŋi baa minyako pela puu, leya.

Samu 51:11

Namba embena arapu dokona pyao neta nemba nao embena Imambu Poo Pyasi namba keta rekya lao nyuo pii nare.

Jasi 16:20

Enda baame pii ama ketae palyuo lao, Samasone, Pilisitia dupwa epelyaminyi, leya. Dokopa Samasone baa roya pisipala namba panju pingi doko suu pyao mee parolyamo lao suu piya. Doko Kamongome baa kyawa yaki nyiyamo doko see naya.

Jasi 16:29

Dopa lapala Samasone baame anda kanya dokona isa pote londe wara pyuo piyaminyi dolapo minyaro kareya. Karapala banya kingi dolapome isa dolapo minyuo poraiyuo suu leya.

1 Samyuele 11:6

Pii dupwa Sole baa siyamo dokopa Anatunya Imambu dokome baa keta epo yulu piyasa baa ama wakasa imbwaya.

1 Samyuele 16:15

Dokopa banya kendemande dupwame baa kando leyami. Anatumi imambu koo dokome randa jela pena lapyalyamo doko namwa silyamano.

1 Samyuele 16:16

Pepa mende namwa pyao jinya leyami. Dee namwame akali rambyalu lenge mende koto kandamanale. Dokopa enakana imambu koo doko eparamo dokopa rambyalu doko pyao laramo dokopa mee emba keta epa naramo kapa karare, leyami.

1 Samyuele 16:23

Dokona piso enakana Anatumi imambu koo doko Sole keta epo maralyinya leya dokopa Dapitimi banya rambyalu doko nyepala leya. Dopa pyuo leyamo dokopa imambu koo dokome Sole rekya lao yaki nyuo peya dokopa dee baa kapa kareya.

1 Samyuele 18:10

Yuu gii dokopa yangama Anatumi imambu koo dokome Sole makande pela pena leya. Dopa leyamo dokopa baa kopyali ingilya ingyana pyuo banya anda kareya. Dopa pyuo kareyamo dokopa Dapiti baa rambyalu yuu peparae lengenyili pyuo lao kareyamo dokopa Sole baa kaku mende minyaro kareya.

1 Samyuele 18:12

Dopa piyamopa Kamongo dokome Sole yaki nyepala Dapiti keta kareyamosa Sole baame Dapiti kando pakaya.

1 Samyuele 28:15

Samyueleme Sole lamaiyuo, Akipamo namba uki minyuo lene? Namba akipamo kamba kapu kyuo ipu letene? leya. Soleme isingi lao, Namba randa nyuo mona kendalyo. Doko Pilisitia wambu dupwame nambamoo yanda pimwailyaminyi dokopa Anatumi namba kyawa yaki nyilyamo. Yaki nyipyamosa baa pisapu dokopa poropeta dupwa ketape dee kombeyamepe pii mende isingi langya nalyamo. Dopa pipyasa namba mende pirunu dupwa langilase lapala piso sipu, leya.