1 Samyuele 14:22 - Anatunya Buku Baepole Ole Testamene Pii Lapo dee Nuu Tesamene

²² Isaraele wambu lapo yuu kyau pyalya pyana pingi yuu Eporaime singi dupwana yalu piru siyaminyi dupwame Pilisitia wambu dupwa ralo makando pelyaminyi leyami doko sepala nakama dolona konda pipala peta pyala peyami.

1 Samyuele 14:22 ပူးပေါင်းရင်းမြစ်များ

Jasi 7:23

Dokopa Napatalaina rara akalipi Asana rara akalipi dee Manasana rara akali peparaepe dupwa Gitioneme kee lapala nakamame Mitiane rara dupwa peta ralu pyao nembeyami.

1 Samyuele 13:6

Dopa pipala Pilisitia wambu yanda porai ingyuo piyaminyisa Isaraele wambu dupwa randa nao kareyami. Dopa pyuo karo nakamana lapo kananda dupwanape yuwale dupwanape kana rondo dupwanape ipwa kamuo nyingi yuwale dupwanape yalu piyami.

1 Samyuele 14:11

Dokona lao nakambame Pilisitia wambu dupwame kandena lao epeyambi. Dokopa Pilisitia dupwame lao, Kandalapa. Ipuru akali lapo yuu rumbisi dupwana yalu piyami dupwa neta epelyaminyi, leyami.

1 Samyuele 31:7

Isaraele wambu lapo Jeserele pau pakirena karo dee ipwa Jotane pona neta epenge dorena kareyami dupwame Solemoo banya ikinyingi dupwamoo piyaminyi dokopa Isaraele yanda singi menge dupwa ralo peyami doko leyaminyi siyami. Sepala nakamana yuu taone dupwa yaki nyuo ralo peyami. Peyaminyi dokopa Pilisitia wambu dupwa taone dupwana epo paleyami.