1 Samyuele 13:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa Pilisitia akali dupwame Isaraele wambu dupwa pyalena epo malu palyiyami. Nakamana yanda pela piso penge uliuli taosande akalisa rema (30,000) dee mena ose matana petenge akali taosande pakinyamange (6,000) dee ami yanda singi ama malu soo kaeyo ipwa kee silyamo dopale ingyuo karo piyami. Nakama dupwa yuu Mikimase yuu Betapene neta potemenge dorena ingyuo papala komau anda pyuo paleyami.

1 Samyuele 13:5 ပူးပေါင်းရင်းမြစ်များ

Jenesese 22:17

nambame emba elyape keta pisaronopa embena rara andakyara. Embena rara wambu yakenabuipi ipwa pota kee kanape silyamo dopale ingyuo para. Dokona yanda pimwai dupwa nyuo anamasi minyuo kararami.

2 Samyuele 17:11

Dokona nambana mana pii emba langilyu doko. Yuu pinjingi pakirena piso pao yuu pinjingi paki suu lao Isaraele akali peparae ipwa kee ipwa kota marengena singi dopale ingyuo nyuo pyasape. Pyasapala nakama lanyuo emba rangeme Dapitinya lenge kambu dokona yanda pela pupi, leya.

Jeremaya 15:8

Nakama rangena yuu dokona enda waiya dupwa ipwa kota kee kana dupwa manda manja nao kamame wakasa petaminyi. Nambame nakamana wane parange andengena dupwa pyao kumakapala endangi dupwa mona rumbingi petena lao piyu kande. Aopa nambame nakama keta yuu mendaki paka rengepe mona randange rengepe paleta epo piyu.

Osia 4:15

Dokonako ingyuo Isaraele wambu nakamame namba yaki nyilyaminyi Juta wambu dupwa dopako pyuo koo dopaleko pii nana. Yuu Gilikale dokonape yuu Betele dokonape misi lala pao Kamongo lete karenge dokona kingi lao lalu lao lenge pii dupwa lao pii nalapape.

Osia 5:8

Yanda pirama lao bikuli lenge dupwa yuu Gipiya dokona poo lalapape. Yuu Orama dokona randa epelyamo lao repe repe lamaipwape. Lamaipala yuu Betele dokona yuwa pisalapape. Benjamenena akali dupwa yanda dokona pupwa.

Orome 9:27

Aisayame Isaraele wambu dupwana lao pano lao kareya. Isaraele wambu dupwa ipwa pota kee kana ingyuo paramopape mendasipa iki sukusa epena laro leya.

Jasi 7:12

Dokopa Mitiane wambupi Amaleke wambupi dee yuu muiyanena akali rara lapo dupwape aimbu ama malu wakasa dopale ingyuo pau dokona muu rale lao raeyami. Dee nakamana mena kamele ama malu wakasa ipwa kota kee kama wangunya singi dopale ingyuo kareyami.

1 Samyuele 13:11

Dopa piyamopape Samyueleme lao, Emba apa pilisi? leya. Leyamo dokopa Soleme lao wambu dupwame namba yaki nyuo wakale wakale pumi. Dee emba eparo lee kande doko epa napi. Dokona ingyuo Pilisitia wambu dupwa yuu Mikimase dokona komau anda pyuo palaminyi.

1 Samyuele 14:23

Dopa pipala yuu Betepane dokona lano pyao pao kareyami. Yuu gii dokopa Kamongo dokome Isaraele wambu dupwa nyiso kyawa lete nyiya.

1 Samyuele 14:52

Yuu andarele lama baa karapala Soleme Pilisitia wambu dupwa ama poraiyuo pyao kareya. Pyao karo dokopa akali porai paka nange mende baa kando nyiyamo dokopa banya yanda singi karena leya.

1 Samyuele 17:1

Pilisitia wambu dupwa yanda pela pena yuu taone Soko yuu Juta singi dokona malu palyuo kareyami. Nakamana pao paleyaminyi yuu angi doo Epese Damimi lenge yuu Sokopa Aseka kanya dokona singi.

1 Samyuele 7:13

Dokona lao Isaraele wambu dupwame Pilisitia wambu dupwa anamasi minyiyami. Dokopa Kamongome Samyuele lete palyuo kareyamo dokopa Isaraele wambunya yuu doko rapu piyamosa kapa kamba pyala eparami ingya naya.