1 Samyuele 12:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa piyamopa wambu dupwame nakamana Kamongo Anatu doko kame siyami. Dopa piyaminyisa Pilisitia wambu dupwamepe yuu Moape kiŋi dokomepe Sisira kiŋi dokomepe dee yuu taone Aso dokona ami yanda singi mupwa dupwamepe nakamana rora ambasu dupwa pimwaiyuo pinya leyasa pyao anamasi minyuo wini piyami.

1 Samyuele 12:9 ပူးပေါင်းရင်းမြစ်များ

Aisaya 63:10

Dopa piyamopape nakamame baa kando mata maipala mona randanyi pyambuyami. Dopa piyamisa Kamongo doko nakamana yanda pimwai ingyuo papala nakama yanda piya.

Jeremaya 2:32

Enda mapwae dokome baa kalya pyuo akali nyela penge dokona banya mamakupi dee kalya bangepe dupwa kame soo yaki nyingisi? Doko daa. Dopa pii nange doko kaepala nambana wambu dupwame yuu gii malu namba kame silyaminyi doko yaka lapenge daa.

Dutaronome 32:18

Nakamame nakamana Anatu dokome nakama lete wai pyao pyuo nyingi porai dokome nakama letena renge maiyamo doko kame siyami.

Dutaronome 32:30

Apa pyuo lama ikimi taosande akalisa anamasi minyuo dee mendakimi taosande mende pyao isa palyuo piyape? lao suu pilyaminyi. Renge doko nakamana Kamongo Anatu dokome nakama yaki nyuo kaeyasa piya. Nakamana Anatu Porai dokome nakamana yanda pimwainya kingi rakana palyakamiyasa piya.

Jasi 13:1

Isaraele wambu dupwame Kamongo kando kamba lao yulu kooko pyuo kareyamisa baame Pilisitia wambu dupwame Isaraele wambu dupwa ee kana akalisa kisima iso karena lao yaki nyiya.

Jasi 2:14

Dokopa Kamongo Anatumi Isaraele wambu dupwa kando ama wakasa imbwaya. Imbwuapala waa nyingi wambu dupwame nakama pyao bange nyerami, leya. Kamongo baame dee lao, Yanda pimwai dupwa palu awali lenge dupwame epo sukusa sukusa pipala Isaraele wambu dupwa pyao dee nakama iso karena leya. Dokopa Isaraele wambu dupwa nakama range kapa mendasa alyasa minyuo kararami ingya naya.

Jasi 4:2

Dokopa Kamongome nakama kyawa yaki nyiyamopa akali Jepene lenge baa kiŋi yulu pyuo yuu Kenane lenge yuu taone andake Aso lenge dokona rapu pingi dokome Isaraele wambu pyao anamasi minyiya. Jepene banya yanda singi ami mende mupwa ingyuo rapu pingi akali kingi Sisira lenge baa yuu Arosete Akoimi lenge dokona paleya.

1 Samyuele 12:15

Dopa piraminyipape nakamame Kamongona pii see napala banya mawa pii dokona kamba lao waromnbo see narami ramo dokopa baame nakamape nakamana kiŋi dokope mata joo randa jera.