1 Samyuele 10:5 - Anatunya Buku Baepole Ole Testamene Pii Lapo dee Nuu Tesamene

⁵ Dokopa emba Anatunya yuu kyau yuu Gipiya dokona singi dokona Pilisitia wambu dupwa komau anda pyuo palaminyi dokona pupi. Parene dokopa yuu taone dokona kambu konandowame dokona poropeta akali Anatunya pii nolako lenge dupwa yuu kyau kana pyare laro karenge dokona piso lupyuo epo musiki lao bange wakale wakale dupwa pyao eparaminyi kando nyere.

1 Samyuele 10:5 ပူးပေါင်းရင်းမြစ်များ

1 Kiŋi 18:29

Epeyamo dokopa nakama pii kara pao ketae lao dee pii koo kae lao lao kareyaminyi pao alemanji ingiya. Ingiyamopape ateŋa isingi yano pyaope mende pii naya dee pii kuki mendepe leyamo siyaminde daako.

2 Kiŋi 2:15

Peyamo dokopa poropeta akali akalisa kingi paki Jereko range dupwame baa kandapala dopa lao, Ilainjana porainya renge doko Ilaisa keta palyamo, leyami. Dopa lapala nakama Ilaisa kando nyela pao nakama banya lenge kambu siyamo dokona pao ponga neyami.

2 Kiŋi 2:3

Akali poropeta malu palyuo doo palenge dupwame Ilaisa kareyamo dokona pao piso soo leyami. Kamongo Anatumi embena kamongo doko emba yaki nyuo kaeyo nyepala epapu para doko emba silipi mee? leyami. Waa, namba silyu, Ilaisame isingi leya. Dokonako lao pii laa kaemanale, leya.

2 Kiŋi 2:5

Akali poropeta malu palyuo doo palenge dupwame Ilaisa kareyamo dokona pao piso soo leyami. Kamongo Anatumi embena kamongo doko emba yaki nyuo kaeyo nyepala epapu para doko emba silipi mee? leyami. Waa namba silyu, Ilaisame isingi leya. Dokonako lao pii laa kaemanale, leya.

2 Kiŋi 2:7

Dokopa akali akalisa kingi pakimi nakamba peyambinyili pyuo moko minyuo ipwa Jotane dokona peyami. Dokopa Ilainja Ilaisapa ipwa repeta dokona imambu soo kareyambinyipa poropeta akali akalisa kingi paki dusipa mee umbisale kareyami.

2 Kiŋi 6:1

Yuu gii mendepa poropeta akali Ilaisamoo role yulu pyuo karenge dupwame baa kando mumu lao, Namwa yuu palimwa dake kamame kuki koo ingilyamo, leyami.

Samu 49:4

Dopa pyuo nambame kongwalu pii pyasi doko soo gisalena sokondali pyuo karapala renge doko rambyalu lao dokopa dokona polo larono serami.

1 Korina 14:1

Mona retenge kata dokona karamwali lao poraiyuo suu pyao karalapape. Imambumi yulu wakale wakale jingi dupwa nyelana lao poraiyuo suu pyao karalapape. Anatunya pii lakarami lao nyisara dokona wambako suu pyalapape.

1 Samyuele 10:10

Dokopa Solepa kendemande dokopa yuu Gipiya dokona epeyambinyi dokopa Anatunya poropeta akali pii nolako lenge dusipame kando nyiyami. Dokopa Anatunya Imambu dokome Sole minyuo yulu piyasa nakama piyaminyili pyuo kenane pyao pii poraiyuo lao wamya lyuo kareya.

1 Samyuele 10:4

Nakambame emba yako lao nyepala nenge borete dokona lama jeraminyi dokopa dolapo nyepe.

1 Samyuele 13:3

Dokopa Jonataneme yuu Gepa dokona Pilisitia yanda singi mupwa doko pyao kumakaya. Doko Pilisitia wambu dupwame siyami. Dokopa Soleme wai minyingi akali lapo Ipuru wambu dupwame yuu muu peparaena bikuli poo lao yanda pela epena lao kee lala pena lao nembeya.

1 Samyuele 19:20

Sepala Soleme akali lapome Dapiti baa minyarapala nyela pena leya. Pao karo kandeyaminyi dokopa Samyuele baame mupwa ingyuo kyawa nyepala poropeta akali menge dupwa pipya rae maiyuo pii poraiyuo lao pyakalyuo pyao kenane pyao wamya lyuo kareyaminyi kandeyami. Dokopa Anatunya imambu dokome Solena akali dupwa opetae minyuo yulu piyasa dolo leyami dopako pyuo leyami.

1 Samyuele 9:12

Dokopa wanake dupwame isingi lao, Waa baa karamo. Ene dae baa wambo pelyamo. Nakamba waiya lao parambi ramo doko pao baa ralingi nyerambi. Nakamba yuu taone dokona aopa papala baa kando nyerambi. Doko wambu dupwa yuu kyau dulunya kana pyare lasi dokona mena pyao kiso mairamindena baa epapu taonena epamo. Baame wambo nenge naraminyi dupwana elyape keta pisinya lao loma singi dokome wambu nenge nala epena lapyamo dupwame wambo nenge napa naraminyipa baa para. Dokona lao nakamba dakepa parambi ramo doko baa yuu kyau dokona nenge nala papa naramopa kando nyerambi, leyami.