1 Samyuele 10:11 - Anatunya Buku Baepole Ole Testamene Pii Lapo dee Nuu Tesamene

¹¹ Sole doo baa pyuo peyamo doko kandapala wambu lapome baa wamba kando otenge dupwame mendeme mende piso soo lao, Akali Kisinya ikinyingi doko apa pelase? leyami. Sole baa poropeta ingyapyase? leyami.

1 Samyuele 10:11 ပူးပေါင်းရင်းမြစ်များ

Emosa 7:14

Emosame pii isingi yano pyao dopa leya. Namba poropeta menge karaminyi dokore daa. Namba poropeta pii doko kana ropo pinya lao lenge dokore daa. Namba mena sipisipi dupwa isingi akali karo piki isa dupwa mondo lao iso karo pingi.

Emosa 7:15

Namba nambana mena sipisipi isingi yulu dokona pyuo kareyonopa Kamongo dokome namba nyepala pii dopa lao langiya. Emba pao nambana Isaraele wambu dupwa pii jero dupwa lamaiyakala puu, langiya.

Jone 7:15

Juu wambu dupwame dopa pyuo kareyamo kando ayaka lao dopa leyami. Akali dake sukuli laa nange dokona apa pyuo soo gisilyase? leyami.

APOSELENA YULU 3:10

Kandapala baa tembole anda kambu Keyange lenge dokona repeta pisipala bange kee lao petenge kandale dokolamo lao kando siyami. Kando sepala baa keta yulu piyamo doko kando mona nembo ayaka leyami.

APOSELENA YULU 4:13

Dokopa Pita Jonepa sukuli yulu soo gisa napala nakamba mee akali karo eŋa nembo leyambi doko kandapala nakama ayaka leyami. Lapala nakamba Yesu role pyao karengendelyamo lao kandeyami.

APOSELENA YULU 9:21

Lao kareyamo dokopa banya pii siyami wambu dupwa peparae mona nembeyami. Mona nembapala, Yesunya kingi lao ateŋa lenge wambu Jerusaleme petenge dupwa ukiaki minyuo kareya akali doko baa daase? Baa ukiaki minyuo karapala dae epeyamopa Yesunya wambu puu maipala purisi mupwa dusipana lenge kambu dokona lanyala epeya kande leyami.

1 Samyuele 19:24

Papala banya komau dupwa roko nyuo pii poraiyuo lao Samyuelena lenge kambu dokona wamya lyuo kareya. Karapala baa yuu korakama dokope dee kukwa dokope paparae palyuo kareya. (Renge dokona lao wambu dupwa lao, Sole baa opetae poropeta ingyuo karase? lao kanda soo leyami.)