1 Samyuele 1:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona yangama Elekana banya ree palupi wamba kukwa sipurapala Kamongo mona maiyuo kingi lao lakandeyami. Lakandapala nakamana anda yuu Orama dokona peyami. Papala Elekana Anapa role piyambinyipa Kamongome ateŋa lao peteyamo dokona lao pii kapa wai pyakamiya.

1 Samyuele 1:19 ပူးပေါင်းရင်းမြစ်များ

Jenesese 21:1

Kamongo dokome Sera keta epapala mende piroŋo lao lalulao leyamuli pyuo piya.

Jenesese 30:22

Dee dokona Anatumi Oresolona pii soo suu pyao karapala kurapu pau lakamiya.

Jenesese 4:1

Enakana Atame banya etenge Ipi lenge doko role paeyapala wane ingiyamopa wane Kene lao mandeya. Manjipala lao, Kamongome namba nyisipyamopa wane kando nyilyano, leya.

Jenesese 8:1

Anatumi Noamoo mena wakale wakale dupwape sipu anda paleyami dupwana suu pyaro kareya. Baa porambaiye yuu dokona minyinya leyamopa ipwa soko lano peya.

2 Kiŋi 4:17

Dopa leyamopape Ilaisa leyamuli pyuo ee kana epo peyamo dokopa enda doko wane kando nyiya.

Make 1:35

Yuu yangalana ene endenge siyamo dokopa baa sipurao kama papala yuu iki siyamo mendena ateŋa lao peteya.

Luku 23:42

Lapala, Yesu, embame kiŋi ingyuo epare dokopa namba suu pyape leya.

1 Samyuele 1:1

Akali mende Eporaime rara dokona Elekana lengende yuu taone Orama lenge doko yuu Eporaime doko yuu kyau pyalya pyana pingi dorena siyamo dokona palyuo kareya. Baa Jerokamena ikinyingi. Banya kauwange Eliyu lenge. Baa Toyunya ree palu dokonande dee banya rara kuki Supi lenge.

1 Samyuele 1:11

Baame lalu lao lenge pii doko alowa pii nara ingyuo lao, Kamongo Porai Wakasa embame namba embena kendemande enda kandape. Randa nyilyu dokona nambana lao suu pyapala kame soo kaeya napipi leya. Embame ikinyingi mende joo lare ramo doko nambame baa emba keta pyamalyapala lalu lao lenge pii ingyuo lao kyawasi rokwa nao mee kareta karena laro, leya.

1 Samyuele 15:34

Enakana Samyuele yuu Orama dolama peya. Peyamo dokopa Sole banya anda yuu Gipiya dokona peya.

1 Samyuele 16:13

Samyueleme mamba wele doko nyepala Dapiti banya yangonge dupwana lenge kambu siya dokona epena lapala kyawa dokona mamba kisakamyuo rombo palyiya. Palyiyamo yuu gii dokona piso Kamongo Anatunya Imambu dokome epo Dapiti baa keta palyuo simbwaro karalu kareya. Dopa piyamo dokopa Samyuele yuu Orama dokona kapu kyuo peya.

1 Samyuele 19:18

Dapiti baa ralo pao Samyuele yuu Orama kareyamo dokona peya. Papala Soleme baa pyalana piya dupwa dopa pipya lao lamaiya. Dokopa enakana Samyuele baapa role pyao yuu Nayote dokona pao kareyambi.

1 Samyuele 2:11

Dokopa akali Elekana banya yuu Orama dokona dee lambu peya. Peyamopape wane doko purisi akali Ilai yuu Sailo dokona Kamongona yulu pyuo kareyamo dokona role pyao nyiso kareya.

1 Samyuele 25:1

Samyuele kumuya. Kumuyamo dokopa Isaraele wambu dupwa kondome kumuo kumanda ee lao peteyami. Pisipala nakamame banya anda kambusa yuu Orama dokona malu piyami.

1 Samyuele 7:17

Dokopa enakana banya rangena yuu Orama dokona kapu kyuo peya. Dokona papala baa kote soo yulu dopaleko piya. Pipala yuu Orama dokona baame mena pyao kiso maingi kana pyare mende Kamongona lakamiya.

1 Samyuele 8:4

Dokopa Isaraele akali mupwa dupwame wato lapala Samyuele peteyamo yuu Orama dokona peyami.

1 Samyuele 9:26

Dokona Sole baa luu paleya. Paleyamo yangama dokopa Samyueleme Sole ketae paleya doko kee leya. Lapala, Sipurape nambame emba anda puu lao maparowale, leya. Leyamo dokopa Sole baa sipuro epeyamopa baapa Samyuelepa role pyao kata dokona peyambi.