1 Samyuele 1:11 - Anatunya Buku Baepole Ole Testamene Pii Lapo dee Nuu Tesamene

¹¹ Baame lalu lao lenge pii doko alowa pii nara ingyuo lao, Kamongo Porai Wakasa embame namba embena kendemande enda kandape. Randa nyilyu dokona nambana lao suu pyapala kame soo kaeya napipi leya. Embame ikinyingi mende joo lare ramo doko nambame baa emba keta pyamalyapala lalu lao lenge pii ingyuo lao kyawasi rokwa nao mee kareta karena laro, leya.

1 Samyuele 1:11 ပူးပေါင်းရင်းမြစ်များ

Jenesese 28:20

Lapala Jekope kana minyuo lalu lao laodopa leya. Anatumi kinyi nambapa role pyao dopa pyuo karo lara ramo doko paronodupwana nenge nengepe wapungipi jera.

Jenesese 29:32

Dokopa Liya wane ingiyamopa manjipala kingi Urupene lao, Kamongome namba ingi koo palyuo pisipunu kandapala pilyamo dokona kandapala nambana akali dakeme nambapa mona retalopyamo, leya.

Jenesese 30:22

Dee dokona Anatumi Oresolona pii soo suu pyao karapala kurapu pau lakamiya.

Jenesese 8:1

Anatumi Noamoo mena wakale wakale dupwape sipu anda paleyami dupwana suu pyaro kareya. Baa porambaiye yuu dokona minyinya leyamopa ipwa soko lano peya.

2 Samyuele 16:12

Kamongo dokome nambana mona randalyo doko kandapala namba koo keta palyuo pii lapyamo doko alowa pyuo namba elyape keta pisara rapisi.

Ekesetase 4:31

Suu pyapala Kamongo Anatumi nakamana randa dupwa kandapala epamolyamo lao sepala nakama mona kando Anatunya kingi lakandeyami.

Nambase 21:2

Piyamo dokopa Isaraele wambu dupwame Kamongo kando pii lalu lao leyami. Namwame wambu dupwa pyao isa palyalapa lao embame jere ramo doko namwame nakamape nakamana yuu taonepe emba keta julu joo jepala peparae pyao kokwa soo nembarama, leyami.

Jasi 13:5

Dee dopa pyuo emba wane rombanda ingyaramopa wane ane manjiri doko embame wane banya kyawasi doko pyake pakami nare. Wane baa banya mandenge yuu gii eparamo dokopa baa Nasaraite ingyuo karo baa rangeme Anatu mona peparae maira. Wane baame kanda soo yulu piramo doko Pilisitia wambu dupwame Isaraele wambu dupwa randa maiyuo karaminyi dokona Isaraele wambu dupwa rekya lao nyera, leya.

1 Samyuele 1:10

Aname Kamongo lao ateŋa lao dokopa ingi rando ee andake lao ateŋa lao peteya.

1 Samyuele 1:12

Enda Aname Kamongo kando ateŋa lao rokonda nayasa Ilaime kambu kandaro siya.

1 Samyuele 1:19

Dokona yangama Elekana banya ree palupi wamba kukwa sipurapala Kamongo mona maiyuo kingi lao lakandeyami. Lakandapala nakamana anda yuu Orama dokona peyami. Papala Elekana Anapa role piyambinyipa Kamongome ateŋa lao peteyamo dokona lao pii kapa wai pyakamiya.

1 Samyuele 1:22

Dopa piyamopape Ana baa paa napala banya akalingi ene panya kareyamopa lamaiyuo, Wane anju naa naramo dokopa Kamongona anda karalu kararaŋa lao lanyuo paroŋo leya.

1 Samyuele 1:27

Nambame wane dake jinya lao Kamongo dokona ateŋa leyonopa angi leyono doko dake jiyaŋa leya.

1 Samyuele 1:28

Renge dokona lao baa Kamongo manjo mailyuŋu. Baa kararamo gii dusipana Kamongona ingyuo karalu kararaŋa, leya. Dopa lapala dokona karo Kamongo lakando kingi leyami.

1 Samyuele 2:20

Dokopa Ilaime Elekana etengepa yako lao lamaiyuo, Elekana emba Kamongome enda dake keta wane lapo wane Anatu maipinyi dokona panda nyinya lao jera lapa piya. Dopa lapa piyamo dokopa anda papa piyambi.