1 Pita 5:8 - Anatunya Buku Baepole Ole Testamene Pii Lapo dee Nuu Tesamene

⁸ Suu pingi karalunja nembapala lenge rao karalapape. Satane baa mena laene rae lenge dopale dokome nakama pyao nalana lee minyilyamo.

1 Pita 5:8 ပူးပေါင်းရင်းမြစ်များ

Jopo 2:2

Epeyamo dokopa Kamongome, Emba anja piso ipisi? lao piso siya. Leyamopa Sataneme isingi lamaiya. Yuu muu dokona kata papyuo karo pulyuo pao lupyuo epo paeyalya paeyana pyuo karo ipu, lamaiya.

Samu 104:21

Mena laene ene anda anda dupwa nuli nao nenge Anatumi mailyamo dupwana pao dokopa pii porakai lao papingipya.

Poropepe 20:2

Emba mena laene dokome wambu nalana gasimwa poko ŋiliŋili letamo doko kando pakange kandale. Doko suu pyao kiŋi akali waiya lao imbwuange doko kando pakape. Doko kaepala embame baa imbwana lao piri ramo doko emba range pyao kumakaresa pira.

Aisaya 50:8

Anatu dae repeta karamo dokome namba keta koo mende pali nalyamo lao pano lara. Mendeme namba kando koo piiŋi lao kote larase? Dopa laramo wambu dokopa kote lambanale. Banya pii angi palamo doko minyuo epena.

Jeremaya 2:15

Nakamame Isaraele dupwa kando menda laene ingyuo nenge pyakilyapala pii letaminyi. Nakamame Isaraele wambunya yuu dupwa pyao apa yuu retelyaminyi. Dee nakamana yuu taone dupwa mee ukiaki minyasi sipyamo kame soo kaeyo otelyaminyi.

Daniele 6:24

Dokopa kiŋi dokome mawa pii retapala akali lapome Daniele kando koo pilyamo leyaminyi dupwape dee dupwana enda wanepe dupwa peparae pyasapala mena laene palenge yuwale dokona nyuo pyambunya leya. Pyambuyaminyi dokopa nakama angi doko koko papa nayaminyipa wambo mena laene dupwame kapusapala nakamana kuli dupwa peparae roo pyao muu muu piyami.

Osia 13:8

Sepala mena beyame ikyane nembapala wambu kanda kanda pyao nala epamuli pyuo epo nao roko kata lumbwasero. Nambame mena laeneme nakama waiya lao nalamuli pyuo naro. Mena rae lenge ingyuo pyao suu lalya lana pyuo nembaro.

Joele 3:16

Kamongome dokome yuu kyau Sayone dokona pii poraiyuo lao dee yuu gala lenge dopale ingyuo baame yuu Jerusaleme dokona pii lao piramopa yake yuupi dupwa piku piku lala lala para. Dopa piramopape baa rangeme banya wambu dupwa yaki nyii nao rapu pyuo karara.

Emosa 1:2

Emosa dopa leya. Yuu kungu kyau Sayone dokona Kamongo doko karo pii andake lao, Jerusaleme dokona piso banya pii ketae palyuo epo lao isoko kyaka dupwa yando nelyamo. Napyamo yuu gii dokopa yuu Kamele kyau dokona isoko kyaka dupwa rakusi rapala kwaeyo pilyamo, leya.

Emosa 3:4

Mena laene dokome imwa dokona nuli nara mende kanda nao karo mee wuakaepe lengese? Mena laene yakane dokome banya kame palo dokona palyuo dokopa nuli wiipi mende pyao minyaro pisi napala dokopa ŋili ŋili lengese?

Emosa 3:8

Laene juraŋa pokaramo dokopa api mendeme paka nao mona kana pokapala kararase? Kamongo Mupwa Andake Wakasa karenge dokona pii laramo dokopa apimi pii doko nyuo lakami nao kaeyarase?

Matyu 13:39

Yanda pimwai akali ranona jingi randa leya doko Satane. Jingi lyerami doko suu pyao yuu muu dupwa lumwa pira dokonasa letamo. Jingi lyerami wambu dupwa aŋala.

Matyu 24:42

Dokona suu pyao nakama lenge rao karalapape. Nakamana Kamongo doko yuu gii anjokorape epara lao see nalyaminyi.

Matyu 25:41

Lapala banya kingi kyairena kararami dupwa lamaiyuo dopa lara. Nakama koo keta palirami dupwa, namba yaki nyepala pao isare rao karalu karene dokona Satanemoo banya aŋala koo dupwa pipya kararami dokona pupwa.

Matyu 4:1

Dokopa Imambu dokome Yesu nyuo lanyuo yuu muiyane dokona peyamopa Sataneme baa makande piya.

Matyu 4:11

Dokopa Satane doko baa yaki nyepala peyamopa aŋala lapome epapala Yesu nyisiyami.

Make 4:15

Waingi lapo kata dokona peyamosa yaka epo neyami doko suu pyao Anatunya pii wambu lapo dupwana monarename eparamo dokopa Satane aopa epapala pii doko nyuo nembara.

Luku 21:34

Nakamame moŋokyaŋe soo waene ipwange naraminyipa kyawa sisingi bolombalo laramopa karo isa bange dupwana suu pyaokondali pyuo kara nao waso karalapape. Waso kara narami ramo doko kone makange dokona wii waiya lao lyulu pingi doko suu pyao wambu yuu mure lao kamenge pisiraminyipa walu lao pyaka sisara.

Luku 21:36

Moŋo andake nakama keta eparaŋa dokona kaeya nao ateŋa lao lenge rao pisipwape. Nakama mona kuki palyuo karo Ikinyingi Akali enakana eparamo dokopa banya lenge kambu dokona kapa kararama lao ateŋa lalapa.

Luku 22:31

Saimone, Saimone, Sataname witi jingi imbu dupwa isa kopo kapo lao pelyamopa angi yapo nyingi doko suu pyao emba dopa pyuo makande pipuli lao nyelana lao karapya lyakande.

Jone 8:44

Nakamana Rakange Satane dokona rango doko napala pyuo karamwali lao karaminyi. Baame ene busiyamo dokona piso epo wambu pyao kumakao kareyamoko karenge. Baa keta pii kinyi doko pali nalyamosa baame pii kinyi dokona mende suu pyao lara ingya nange. Baa renge kuiyuo kyambo lenge dokome kyambo lengena rakange kyawa ingyuo karamo.

2 Korina 2:11

Sataneme yulu koo pinya karamo doko namwa silyamano. Dokona baame nyuo anamasi minya nana lao pirusa pira.

Epesasa 4:27

Satane baa panda mai nalapape.

Epesasa 6:11

Anatunya yanda pingi bange dupwa nyuo maralyaro karalapape. Dokome imambu koo doko panga seramo dokopa porai ingyapala mee kararami.

1 Timoti 2:15

Dopa piyamopape enda dupwa Yesu kapa ingingi lao suu pyao mona nembo Anatunya Imambunya yulu pyuo inyimungu pisarami ramo dokopa wane mandenge yuu gii pyaka sera ramo Yesumi iso karara.

1 Timoti 2:9

Pii mende doko enda dupwa nakama inyimungu mona palenge ingyuo piso nakama range komau kapa pira dupwa mondo lao wapunya. Dopako pyuo wambu kandamili kandamili lao kyawasi kalya pyuo kupinyi dorena palya dakena palya nalapape. Moŋokyaŋe soo mola wakale wakale dupwame kalya pii nao kana malu penge komaupi wapuo pii napenge. Dee kalya wakale wakale lapo opetae pii kaena.

1 Timoti 3:11

Nakambana enda opetae mona angi palenge ingyuo wambu mata kando dopale dapale, lao lao pisa narami. Nakama biya naa nao yulu rolae pyuo petena.

1 Timoti 3:2

Dopa pyuo palamo dokona Elyambu Pinginya akali mupwa dupwa pii pali naramo kararami ingilyamo. Baa enda mendaki ikinya akalingi ingyuo karena. Moŋokyaŋe see nao rangena suu pingi kame pyuo minyuo karo yulu rolae pyuo karena. Wambu upunili dupwa banya anda yako lao nyuo nenge pyuo pyuo karena. Baa mana lenge yulu dokona wanonguli ingyuo mana lao karapenge ingilyamo.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Taitesa 1:8

Wambu eparami dokopa yako yako lao nenge pyuope yulu rolae dupwana mona retena. Baa range rapu pyuo karope rolae pyuope poo pyasi karope rangeme mondo lao rapu pyuo karena.

Taitesa 2:12

Banya mona keyange palyuo ipingi dokome dopa lao mana langingi. Nakama dae karo Satanena kata yaki nyepala yulu koo dupwana mona andanyi nemba nao suu pingi rangeme kame pyuo minyuo rolae pyuo Imambunya kata dupwana karalapape lao langingi.

Taitesa 2:2

Alemo dupwa biya malu nao enokwanyi nemba nao mona palenge ingyuo rangena suu pingi kame pyuo minyuo karena lamairi. Dokona ingyuo nakama Anatu kapa ingingi lao suu pingipi mona retenge yulupi dolapo pyuo karo randa eparamo dokopa porayapala karena lao mana lamaipi.

Taitesa 2:4

Doko enda angi dupwame nakamana akalingi ikinyingipi rapu pyuo mona retarami dokona mana lamainya lamairi.

Taitesa 2:6

Pii dokonako ingyuo akali parange dupwa suu pingi rangeme kame pyuo minyinya lao poraiyuo mana lamairi.

Jemesa 4:7

Nakama mee inyimungu Anatunya arapu dorena karo Satane yango palyuo kararami dokopa Satane pako ralo para.

1 Pita 1:13

Suu pinginya luu pali napala isaro karalapape. Yesu Koraisa pano eparamopa renge keyange nakama keta paliramo dupwa suu pyale pyale pupwape.

1 Pita 4:7

Yuu lumwa pira doko repe ingilyamo dokona emba range kame pyuo minyuo mona paliramopa karo ateŋa lalapape.

Orepalaisane 12:10

Enakana yake dokona piso pii andake dopa pyuo leyamo siyu. Koo mendeme Anatunya lenge kambu siyamo dokona kukwa korakamape karo namwana yangonge dupwa kando koo keta palyuo kote lao kareyamo doko neta nembelyaminyi. Anatumi porayapala kote palenge doko anamasi minyuo wambu iso karara yuu gii doko pyaka sepelyamo. Dokopa Koraisa banya isingi panda angi doko range nyilyamo, leya.

Orepalaisane 12:12

Dokona lao yake dokona karaminyi dupwa peparae raeko maiyalapape. Dopa piramopape nakama isa yuupi ipwa kotape koo keta palirami ingilyamo. Satane dokome banya yuu gii otala ipyasa ingi koo palyuo isa panda dokona randa maiyalana epo karamo leya.

Orepalaisane 12:9

Kau kameya doko kingi Satane kingi mende Depele lenge doko isa kupinyi peeyami. Baa yuu muu peparaena wambu panga soo karenge doko baape banya aŋala dupwa pipa pyao ralinyi isa peyami.

Orepalaisane 20:10

Dokopa Satane wambu dupwa pipa panga soo kareyamo doko Anatumi nyuo isare rao lulya kaso karenge andake dokona pyao nembara ingiya. Baape mena koo dee poropeta kyambo lenge dokope isare dokona rao karalu kararami ingiya.

Orepalaisane 20:2

Baame kau wambarae Satane doko kupyuo nyepala ee kana 1,000 puu mainyi palyiya.

Jasi 14:5

Samasone banya rakange endangipa role pyao yuu Timina dokona peyami. Papala nakama isa girapo ee dokona sukusa peyaminyi dokopa yuu dokona mena laene mendeme Samasone baa kando gasimwa poko baa nalana epeya.