1 Pita 5:6 - Anatunya Buku Baepole Ole Testamene Pii Lapo dee Nuu Tesamene

⁶ Anatunya kingi kape porai dokona isarena range kuki ingyuo karare dokona baa range suu pyaramo mange keyange dokopa emba minyalyuo nyera.

1 Pita 5:6 ပူးပေါင်းရင်းမြစ်များ

1 Kiŋi 21:29

Epapu kiŋi Ayape kandape. Namba kando inyimungu pisipyamo doko emba kandelese? Dopa pyuo karapyamo dokona nambame epapu baa lete karamo yuu gii dakepa baa keta randa mai naro. Rengya banya ikinyingi dupwa kararami yuu gii dokopape Ayape banya ree palu dupwape keta randa doko mairu, leya.

2 Kiŋi 22:19

Nambame Jerusalemepe dee dokona wambupi dupwa randa mairunu dokona pii sepala nambana lenge kambu dokona embena koo dupwana kondome kumuo inyimungu piso embena komau minyuo kanguo ee lao petee. Nambame yuu Jerusaleme keta randa mairu dokopa wambu dupwa mona nembo pakame kumuo kandena lao piru. Dopa piru dokopa wambu dupwame yuu doko kooŋo larami. Laraminyipape nambame embena ateŋa doko sakapu.

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Ekesetase 10:3

Dopa lapeyamo dokopa Erone Mosesepa pao kiŋi doko kando dopa lamaiyambi. Ipuru wambunya Kamongo Anatu dokome lao, Yuu mange akipare dee nambana pii soo nyii nao kamba lao kararepe? Nambana wambu dupwame namba kingi minyalyuo lao lakandarami lao pena lakape.

Ekesetase 3:19

Yuu range kiŋi dokome nakama mee pupwa laa nara. Mendeme baa kando poraiyuo suu lao lara ramo doko kapa pupwa lara lao namba soo gisilyu.

Ekesetase 32:11

Leyamopape Moseseme banya Kamongo Anatu doko kando poraiyuo piso sokondali pyuo lao, Kamongo embame embena wambu dupwa kyawa lete nyuo yuu Isipi piso embena porainya renge dokome nyuo minyuo epee dupwa akipamo nakama kando imbumi kumarese?

Aisaya 40:4

Yuu oko dupwa peparae pyao rolena. Dopa pipala yuu kyau andakepe kukipi dupwa peparae pyao panda lama lama inginya. Dee yuu koo kyau pyalya pyana pingi dupwa rambi kwuasi sera.

Daniele 5:22

Dupwa peparae sipinyipape emba banya ikinyingi doko range kuki ingyuo inyimungu kara nalene.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Matyu 23:12

Mendeme namba range mupwa karo lao suu pyarami dupwa bulu bulu pyapala kuki ingyuo kararami. Mendeme namba range kuki karo lao suu pyarami dupwa anda nyimbuo mupwa ingyuo kararami.

Luku 1:52

Kiŋi kareyami dupwa pyao mee inginyi pyambwapala inyimungu petenge dupwa nyuo ketae pyambuya.

Luku 14:11

Dokonako ingyuo wambu range mupwa ingyuo karo larami dupwa peparae kuki ingyaramopa kararami. Mendeme range kuki ingyuo karo laramo doko mupwa ingyaramopa karara leya.

Luku 18:14

Dopa langilyu, akali doko Anatumi kando rolae leyamopa anda peya. Parisi akali doko rolae ingyuo paa nayamopa anda peya. Dokona lao akali peparae range ketae pyambuo kararami dupwa rengya kuki ingyara. Akali namba koo karo lao suu pyarami dupwa rengya ketae pyambwaramopa kararami, leya.

Orome 5:6

Namwa saka nao peteyamanopa Koraisa wambu koo dupwana lao Anatumi yuu gii angi rombo palyuo reteyamo dokona kumakaya.

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 32:35

Kamongome koo pirami dupwana bakeme pyuo isingi pyakamira Yuu gii nakama randa narami doko repeta ipyamo pilyamo. Dokopa isa paomene.

1 Timoti 2:6

Akali peparae kiiramo nyelana baa range kumuo maiya. Dokome Anatumi akali peparae pyuo nyelana suu piya, yuu gii rolae doko pyaka sera dokopa panara.

Taitesa 1:3

Banya yuu gii rolae dokopa waili pii dokona namwa nolako langiya. Langyapala dokopa waili pii doko namba keta jepala polo lamaikare lao namwana Lete Wai Pyao Nyingi Anatu dokome letonuli pyuo piri leya.

Jemesa 4:10

Range dokona koo nono ingyuo karalapape. Dopa pirami dokopa Anatumi nakama nyuo ketae pyambwara.

Jemesa 4:7

Nakama mee inyimungu Anatunya arapu dorena karo Satane yango palyuo kararami dokopa Satane pako ralo para.

Jemesa 5:10

Yangonemoo Kamongona kingi lenge poropeta akali dupwame yulu piyami dokona suu pyalapape. Nakama maka nao pyuo kareyami dokona makande minyuo pyuo karalapape.