1 Pita 3:3 - Anatunya Buku Baepole Ole Testamene Pii Lapo dee Nuu Tesamene

³ Nakama mee yongo ketae doko iki kalya pyuo komau keyange wapuo mola soo kyawasi kalya pyuo au pyuo paraminde daa.

1 Pita 3:3 ပူးပေါင်းရင်းမြစ်များ

Jenesese 24:22

Mena kamele dupwa ipwa napeyami dokopa akali dokome kana golome wasisi uriŋi mende nyuo wanakena gyaa isakuli ingyuopalyakamyuo dee kisambu golome wasisi lama banya kingi dolapona pisakamyuo piya.

Jenesese 24:47

Dopa piyamopa nambame baa piso soo, Embena rakane doko api lengese? lapu. Baame isingi lao, Nambana rakane doko Betyuele lenge baa akali Neopa enda Milikapana ikinyingi lapya. Dokopa nambame banya gyaana uriŋi kana golome wasisi pyambwakamyuo kisambu kinginya pisakamyuo pipu.

Jenesese 24:53

Dokopa kendemande akali dokome yanengena kalya pingi bange kana golope kulingipimi wasisipi komau keyangepe dupwa nyepala Orepeka maiyuo dee endangipemalengepe kamame kana malu penge bange dupwa maiyuoko piya.

Ekesetase 3:22

Isaraele enda mendaki mendaki lao dupwame nakamana anda parali maki palenge Isipi wambu dupwape dee Isipi enda yango nakama role pyao palenge dupwape piso soo kana kulingipi kana golope komaupi jinya larami. Isaraele wambu dupwame Isipi wambunya bange nyulu nyuo nyepala nakamana wane wanakepe keta sinyi palyakamirami. Dopa pyuo Isipi wambu dupwa kokwa sinyi nembaramisa pira, leya.

Ekesetase 32:2

Dokopa Eroneme nakama lamaiyuo, Nakamana endape wanepe wanakepe dupwana kana golome kalena pingi bange dupwa nyepala namba karo dakena minyuo ipupwape, leya.

Ekesetase 33:4

Wambu dupwame pii porai doko sepala nakama kondome kumuo ee lao mona kendo karo nakamana kalya pingi bange dupwa dee nyuo pirami ingya nayami.

Aisaya 52:1

Wambu Anatu suu pyaa nange dupwa Jerusalemena kame kambu doko dee yalo sukusa epa narami dokome Jerusaleme emba kandokondali pyuo dee porai ingyuo karape. Wambumi komau keyange wapungi doko suu pyao Anatunya yuu taone poo pyasi doko mondo lao elya pyuo sepe.

Aisaya 61:10

Jerusaleme enda mapwaeme akali anda panya kalya pipala penge dopale ingilyamo doko Kamongome dopa pyuonde pyakapya lao kenane pyao rae maiyuo karenge. Anatumi baa anamasi minyingi rengepe lete pyuo nyingi rengepe dolapome kalya pipala pisapyasa pilyamo.

Jeremaya 2:32

Enda mapwae dokome baa kalya pyuo akali nyela penge dokona banya mamakupi dee kalya bangepe dupwa kame soo yaki nyingisi? Doko daa. Dopa pii nange doko kaepala nambana wambu dupwame yuu gii malu namba kame silyaminyi doko yaka lapenge daa.

Orome 12:2

Mee wambu dupwame rae mairami kata dokona pasarami daa. Anatumi nakamana mona andarena alowa pyuo suu pingi doko kapu kyakana. Kapu kyakaramo dokopa Anatumi emba apa pipili lao suu pilyamo lao sere. Dokopa keyange doko anjuku lao soo nyuo Anatu apa pirusa rae maira lao dokona soo nyuo yulu anjuku yapasi lao dusipana soo kararami ingilyamo.

1 Pita 3:2

Mee nakama baa lakanda minya minya pyuo yulu yapasi ingyuo pyuo pisirami doko kando serami.