1 Pita 2:24 - Anatunya Buku Baepole Ole Testamene Pii Lapo dee Nuu Tesamene

²⁴ Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

1 Pita 2:24 ပူးပေါင်းရင်းမြစ်များ

Jenesese 22:6

Dopa lapala Aporakameme isa waisi yangarambi dupwa nyuo Aisakeme sinya lapala baame isarepe wua kemape minyiyamo peyambi.

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

Lipitikase 16:22

Mena meme dokome Isaraele wambunya koo dupwa nyepala paleta wambu pali nange panda keroŋo mendena para.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Matyu 27:26

Dokopa Barapasa mokwakamipala Yesu pyaroko pyao isa mamandona pyao palyinya lao nakama keta minya sakamiya.

Matyu 5:20

Dokona lao dopa langilyu. Mawa Pii mana lenge akalipi Parisi akalipi dupwana yulu kapa ingya nayasa nakamana yulu rolae dokome dolomana yulu doko nyuo enaka nara ramo doko yake pandana isingi yulu dokona sukusa paa narami leya.

Matyu 8:17

Dopa piya doko Anatunya poropeta akali Aisaya pii leyamuli pyuo pyaka siya. Pii leya doko dopa lao palamo, Baame namwana anga wakale wakale dupwa pyuo nyuo, namwana yanyi pingi renge dupwa rekya lanyi nembakao kareya leya.

Make 15:15

Dokopa Pailateme wambu dupwame baa mona maiyuo karamili yaka lao suu pyapala Barapasa mokwakamiya. Mokwakamipala Yesu pyarako pyapala isa mamandona pyao palyinya, lao maiya.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Jone 19:1

Dokopa Pailateme Yesu nyuo pyaroko pinya leya.

APOSELENA YULU 10:35

Wambu rara wakale wakale Anatu andake lao pako karo yulu rolae pyuo karaminyi dupwa peparae baame nakama kando rae maiyuo karamo.

APOSELENA YULU 10:39

Baa Juu wambunya yuu dupwanape Jerusaleme dokonape yulu pyuo kareyamo dupwa peparae namwame kandapala epapu lao rolo karamano. Baa pyapala isa mamando dokona yukuyami.

APOSELENA YULU 13:29

Dokopa baasa kando dopa pyuo palira dopa pyuo pirami lao Anatunya pii pyasi paleyamuli pyuo nakamame pyuo otapala isa mamando baa yukwaro paleyamo dokona baa neta nyepala malu andana palyiyami.

APOSELENA YULU 5:30

Nakamame isa mamando dokona Yesu pyao palyiyami doko namwana rakange kyawa dupwame suu pyao kareyami Anatu dokomeko baa minyalyuo nyiya lyakande.

Orome 6:11

Dokona lapala Yesu Koraisapa role pyao koo dupwana kumapala Anatu keta lete kararami ingilyamo lao soo nyelapape.

Orome 6:13

Dopako pyuo yanenge rapu pyuo kara napala koo pundao paramuli pyuo pinya suu pyaa nalapape. Doko kaepala Anatu keta pyamalyuo karalapape. Nakama wambo kumasi ingyuo kareyaminyi dokopa Anatu pyuo nyiya doko suu pyao yulu rolae pinya wangu lakapala Anatu dokona pyamalyuo karalapape.

Orome 6:16

Nakama range kendemande yulu pyuo yulu pyakamaingi akali letamuli pyuo pingi doko soo karaminyi. Koona kendemande ingyuo kararami ramo dokopa kumungi renge doko nakama keta epara. Dee Anatunya pii laramuli pyuo pirami ramo dokome baapa rolae ingyuo parami.

Orome 6:2

Doko kapa daa. Namwa koo dupwa paleta kumuo kaeyasi karamano dokome apa pyuo koo pyuo karalu kararamase?

Orome 6:22

Dopa piyamopape dakepa nakama koo dokona kiiramo epapala Anatunya kendemande ingyuo karaminyi. Dokona lao nakama Anatunya angingyuo pelyaminyi dokona yuu gii lumwa piramo dokopa letena renge nyerami.

Orome 6:7

Wambu kumungi dokopa koona porainya renge doko ramanyi yaki nyingi kandale.

Orome 7:6

Lowame namwa puu maiyamo kareyamanopape epapu moko nyisi karamano. Dokona lao lowa letamuli pyuo kararamande daa. Imambunya kata enenge dokona pyuo kararama.

1 Korina 15:3

Namba renge pii mupwa soo nyiyu doko nakama langiyu. Doko Koraisa namwana koo dokona lao kumakaya pii dokona lao Baepolena pyasi palamo.

2 Korina 6:17

Dokona lao Kamongo dopa letamo. Nakamame wambu menge dupwa rekya lao kaepala liti pyuo karalapape. Wambu koo pingi dupwa yalya kando pisa narami ramo dokopa nakama yako laro.

Galasia 3:13

Koraisame namwana lao randa nyakapala Lowa namwa randa jingi dokona kiiramo nyiya. Buku Baepole dokona dopa lao letamo. Akali isa mamandona kumuo penge doko kumungi renge baa keta palamo letamo.

Epesasa 5:9

Yanga paupau lenge dokome yulu keyangepe yulu rolaepe yulu angipi nyuo andanyi pyambwarasa pira.

Pilipai 1:11

Renge rolae keyange dupwa Yesu Koraisa keta iki sipurao epenge dupwa peparae nakama keta palyuo simbwanale leto. Nakama keta palira ramo doko Anatunya kingi ketae pyambuo lakando palirasa pira.

Kolosi 2:14

Juu wambunya mawa pii malu pyasi paleyamo dupwame namwa kimbwalya kimbwana piyamo kareyama. Dokona Anatumi mawa piro kareyamo dusipa nyepala isa mamando dokona pirimi pyao mee inginyi nembeya.

Kolosi 2:20

Nakama Koraisapa role pyao kumuyami dokopa imambu koo nakama rambu lasi kareyami dupwana kingi rekya leya. Dokona akipamo mee isa wambu pinginyili pyuo pyuo karamisi?

Kolosi 3:3

Emba kumiinyisa embena imambu doko Koraisapa Anatu dokona yalu pisi karamo.

Ipuru 10:10

Yesu Koraisame Anatu leyamuli pyuo baa rangena yongo doko Anatu suu pyao mendakisa iki kumuo maiya dokome namwana koo dupwana elya pinyi nembo nyiya.

Ipuru 10:5

Doko kandapala Koraisa baa isa panda oo epena piso dokopa Anatu kando, Emba menana rendamu nyelana rae mai napala namba yanenge wai pyapala kumuo jelase lao rapa rapa pyaane leya.

Ipuru 12:13

Nakama yulu kenda pyuo paraminyi dokopa kyokole yukwala epasaraŋa kimbu karo parami kata doko mondo lao wapwalapape.

Ipuru 7:26

Yesu baa purisi mupwa keyange dokome randa epelyamo dupwa kunjinyi nembakao angi kapa pyala paramopa nyisara. Baa yulu koo mende pii napala poo pyasi ingyuo karamo. Baa isa wambu koo pingi dokona yapo nyisinde yake panda dokona karamo.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.

Jemesa 5:16

Dokona ingyuo nakama mendeme mende kando nakamana koo dupwa polo lamaipala ateŋa lakamyuo kararaminyi dokopa nakamana anga dupwa mee ingyara. Akali rolae pingi dupwana ateŋa larami dokome yulu andake pyuo angi kandara.

1 Jone 2:29

Anatu baa angi rolae ingyuo karamo doko nakama silyaminyi. Dokonako wambu yulu angi rolae pyuo kareyami kande doko nakama Anatumi manjo nyiyandelyamo lao soo gisarami ingilyamo.

1 Jone 3:7

Nambana wanenge ikinyingipi dupwa, mendeme kyambo lao nakama panga soo suu longo nyii nana. Mendeme yulu rolae pyuo karara ramo doko Yesunya monarena rolae silyamo doko suu pyao banya monarena rolae serasa pira.

Orepalaisane 22:2

Ipwa doko kata barete rolae dokona epo peya. Ipwa kee kama paki pakipi dolapona letena renge palenge isa doko kareya. Isa dokome kana kumuo yapa soo piramo dupwana yaka lao jingi lyuo karo ee kana mendaki dokopa yuu gii akalisa ipisu lama larapu jingi lyepa piya.