1 Pita 2:21 - Anatunya Buku Baepole Ole Testamene Pii Lapo dee Nuu Tesamene

²¹ Anatumi yulu keyange dopale pirami lao nakama sukusa nyiya. Koraisa nakamana lao randa nyiyamo doko kandapala yaso neyamo pinjingi dokona narami ingilyamo.

1 Pita 2:21 ပူးပေါင်းရင်းမြစ်များ

Matyu 10:38

Dee, mendeme rangena isa mamando doko nyepala soo namba paronuli pyuo epa nara ramo doko nambana ingyuo kapa kara narako.

Matyu 11:29

Yulu pingi bulamakao soo gisingi dokome isa mamando puu pyanyi palyapala soo mendeme mana lamaiyuo maki pyuo soo penge dokona suu pyao nambapa wambu mende larapu namba pironuli pyuo mana nyuo isa mamando role pyao soo papimbanale. Namba range monarena koonono ingyuo elya kalo karenge dokona nakama mona seramopa kararami.

Matyu 16:24

Lapala Yesumi banya disaepole dupwa lamaiyuo, Akali mende namba paronuli pyuo eparo lao suu pyara ramo doko baa range kame soo kaepala banya isa mamando minyalyuo nyepala soo namba paronuli pyuo epara.

Luku 24:26

Koraisa dokome dopa pyuo randa nao karapala banya yanga paupau lenge panda dokona pao karara ingya napyase? leya.

Jone 13:15

Nakama pipunyili pyuo pyuo kararami lao yulu doko lasaka pyano.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

APOSELENA YULU 14:22

Lambuo pao yuu dusipana disaepole dupwa kaeya nao Yesu mona maiyuo karalu karalapape lao, Randa bange malu nao Anatunya isingi panda dokona sukusa parama ingilyamo lao, monarena lao porainyi pyambwapa pyuo papiyambi.

APOSELENA YULU 17:3

Buku Baepolena leyamuli pyuo Koraisa randa napala kumuo palipala lopo epara ingiyamo doko mana lamaiyuo panalu pano paneya. Dopa lao karo Yesu mendaki dokoko baa Koraisa ingyuo karamo lao kareya.

APOSELENA YULU 9:16

Dokopa baa nambana kinginya reke lao randa nyeramo dupwa wambo lasaka piru leya.

Orome 8:29

Anatumi wambo rombo palyiya wambu dupwa nakama banya Ikinyingi yale isa komba pyao parami lapala yapalyuo nyiya. Yapalyuo nyiyamo dokome banya Ikinyingi doko yangonge dolomana baame siki nyuo karara ingilyamo.

1 Korina 11:1

Namba Koraisa letamuli pyuo pingi dokona namba pilyunuli pyuo pipwape.

Epesasa 5:2

Koraisa namwa mona reteyamo doko suu pyao yango mona reto karalapape. Baame mona retapala namwana lao kumuo maiyamopa rendamu kyaa keyange nyingi dopale Anatu nyiya.

Pilipai 2:5

Yesu Koraisa suu piyamuli pyuo suu pyaro karalapape langilyu.

1 Tesalonaika 3:3

Nakama randa andake nyepala neta pasarami lao baa nakama porainyi pyambuo nakamana Anatu kapa ingingi lao suu pingi doko nyisinya lao pena lamaiyama. Kurisene wambu nakama randa nyinginyili pyuo Anatunya suu piyamuli pyuo nyilyaminyi doko.

1 Tesalonaika 4:2

Kamongo Yesunya kingi lao pii mana langiyama dupwa soo karaminyi.

2 Timoti 3:12

Wambu peparae Koraisa Yesunya arapu dokona Anatunya Imambunya yulu pinya mona nyilyaminyi dupwa randa nyerami lyakande.

Ipuru 2:10

Anatu bange peparaena simuisa ingyuo karenge dokome Yesumi wambu malu sukusa lanyuo eparaŋa lao suu pyapala baa randa mainyi pyambuo sukunde ingyuo kiso rolo yulu keyange wakasa piya.

1 Pita 1:20

Yuu muu dupwa ene wasapa nayamopa Anatumi Yesu rombo palyiyamopa baa yuu gii repetale lumwa piramo mange dokopa nakamana lao epo paneya.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.

1 Pita 3:9

Mendeme koo piya kande doko koo dokomeko isingi pyuope dee kilya kando laramo doko isingi kilya kando laope pii nalapape. Nakama mee rae maiyuo pena lao piri. Anatumi namwa sukusa nyuo dokopa keyange keta pyakaro leya.

1 Pita 4:1

Koraisa yanengena randa andake neyamo doko nakama keta sela epara lyakande doko doŋo mona kuki palyuo karalapape. Api mendeme yanenge dokona randa nyera ramo doko Satane kata rekya lao epo kararasa pira.

1 Pita 4:13

Nakama Koraisana randa nyiyamo dokona mendeke ingyuo nyimwasa pilyamoŋo lao rae maiyuo karalapape. Banya neta renge yulu doko neta epo panaramo dokopa raeme kumuo kararami lyakande.

1 Jone 2:6

Mendeme Yesunya arapu dokona karo lara ramo doko Yesu pyuo kareyamuli pyuo karapenge ingilyamo.

1 Jone 3:16

Yesu baa namwana lao kumuo jiyamo dokome mona retenge kata angi doko lao soo manji nyisi karamano. Dokona lao namwame yangonge dupwana lao kumuo maiyuo karapenge ingilyamo.

Orepalaisane 12:11

Namwana yangonge dupwame Sipisipi Ikyane kumuyamopa ranjama isa peyamo dokome Satane nyuo anamasi minyiyami. Nakama range kame soo kaepala kapa kumuo mainya suu pyao, dee pii keyange angi polo leyami dokome anamasi minyiyami.