1 Pita 2:15 - Anatunya Buku Baepole Ole Testamene Pii Lapo dee Nuu Tesamene

¹⁵ Wambu kopyali dupwame nakama kando kyaŋe soo lao karenge dupwa nakamana yulu keyange pirami dupwa kandapala dokopa mende larami ingya nalyamo yulu rolae dopale Anatumi nakama pimili lao suu pilyamo.

1 Pita 2:15 ပူးပေါင်းရင်းမြစ်များ

Jopo 2:10

Leyamopa Jopo baame lamaiyuo, Emba enda kyawa sisingi pali nao mee yanenge piinde lalyaneŋe. Bange keyange Anatumi jilyamo dokopa namwa mona kare kare nyingi kandale. Dee randa jilyamo dokopa akipamo mumu laramase? leya. Randa epo kareyamopape Jopome Anatu kando kuki pipalape pii koo mendepe nenge rako ipyuo laa naya.

Jopo 5:16

Baame pendewa dupwa rengya nyera dupwana soo karena lao suu pingi maiyuo koo pingi dupwa kambu pyarambuo karena lao pingi.

Samu 107:42

Dokopa rolaepingi dupwame doko kandapala rae mailyaminyipa koo pingi dupwa muu rakaro singi.

Matyu 25:2

Doko enda mapwae peyami dusipana kingi paki mona pali nange, dee mona palenge kingi pakiko.

Matyu 7:26

Wambu nambana pii dusipa sepala dopa pii narami ramo dupwa peparae akali kopyali baame kee dokona anda piya dopale ingyarami.

Orome 1:21

Nakama Anatu kando sepalape baa angi lakando lapengele doko kaepala sangyu lao kara nalyaminyi. Dopa piraminyiŋi doko suu pyao nakambana suu pingi dupwa kopyali ingyalu ingyuo ingyapyamopa nakamba suu pingi doko kwaeyo eŋa paa napyamopa petaminyi.

Galasia 3:1

Nakamba Galasia wambu kopyali ingyuo pelyaminyi. Apimi nakama panga soo langipyasa ralo karamipi? Yesu Koraisa isa mamandona kumuyamo dokona lao rolo langiyama renge dupwa kandapa nayamisi?

Dutaronome 32:6

Nakama kopyali kyawa sisingi pali nange dupwa dopa pyuo nakamame Kamongo doko rape rape lao kararamisi? Baa nakamana rakange dokome nakama wasiya. Baame nakama rara andake ingyuo wasinyi pyambuya.

1 Tesalonaika 4:3

Anatumi nakama enda mende mee kepo pyakami napala yapasi ingyuo karamili yaka lao suu pilyamo.

1 Tesalonaika 5:18

Yulu peparaena lao Anatu kando sangyu lamaiyalapape. Nakama Koraisa Yesupana arapu dokona lete karaminyi dokona Anatumi nakama yulu keyange dopakale pyuo karamili lao suu pilyamo.

1 Timoti 1:13

Namba wambo Anatu kando pii koo lapala lekeleke rena lao baa kilya kando leyonopape namba baa soo gisa napala mee kamenge lao kareyonopa baame namba kando kondo sakao karapala sukusa nyiya.

Taitesa 2:8

Pii angi dokonako larenepa akali dupwame pii dokona koo mende koto nyii nana lao karape. Dopa pirinyipa embena nyisu petenge dupwame namwa keta koo lao lalana saka napala elyuo karenale.

Taitesa 3:3

Wambo namwa range kopyali ingyuo kamba lao kopetame pyuo kareyama. Namwa yulu koo dupwana mona andanyi pyambuo kopyali yulu wakale wakale dupwa pipala dokona kendemande ingyuo kareyamako. Mendali koo keta palyalana kanda lyanolyano pipala wambu dupwa kando awa epekanda nayamano dokopa nakamame namwa kando awa epekanda nayamiyoko.

1 Pita 2:12

Kurisene daa pipa karo dokopa emba dopalepe dapale lao kandarami doko suu pyao kandokondali pyuo wasinyi nembo piso karo piri. Dokopa Yesu kapu kyuo eparamo gii dokopa nakamana yulu keyange dupwa panaramopa kandarami Anatu kando lakandarami ingilyamo.

1 Pita 3:16

Polo lamaiyuo dokopa pyalana pii nao anjiki pyuo mana lamairi. Yulu koo mende pii nare dokome lapo nakama mata kando lao kararami ramo dupwa enakana embena Kurisene yulu keyange kandapala kandakinyuo lapulyamo lao suu pyapala elyuo parami.

1 Pita 3:17

Anatumi emba keta randa kapa epena lara ramo doko yulu koo mende pipunusa pyaamo lao suu pyaa napala keyange reke dokona lao nyipusa pilyamo lao suu pyao karare.

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

2 Pita 2:12

Nakama mena rae lenge suu pingi pali nange dopale kone makaro karamo dokona kyawa suu lao papala kumarami ingilyamo. Mona pali nange dokome imambunya yulu sili see nale lao karaminyi.

Juti 1:10

Leyamopape akali dusipame yulu see nalyaminyi dokona lao giyalya giyana pyuo karaminyi. Mena rae lenge mana keyange nyii nao mee kamenge karenge kata dokona moko minyuo kokwa soo nakama isa pelyaminyi.