1 Pita 2:11 - Anatunya Buku Baepole Ole Testamene Pii Lapo dee Nuu Tesamene

¹¹ Nambana puu minyingimoo. Nakama isa panda dakena yanda paenge akali mee sisipanda epo karaminyi pilyamo. Dokona yongonya yulu koo dupwame imambunya suu pingi mare angi dokona isare mailyamoŋo ama wanjo karalapase lao langilyu.

1 Pita 2:11 ပူးပေါင်းရင်းမြစ်များ

Jenesese 21:34

Dokopa Aporakame yuu gii malu Pilisitia wambunya yuu dokona palyuo kareya.

Jenesese 23:4

Yuu dake nambana daa. Namba karala paenge ingyuo epo nakama pipya karamano kande. Dokona lao nakamame yuu lapo jelapape dokona nambana endemo kumasi doko malu piruli, leya.

Jenesese 47:9

Jekopeme Perao lamaiyuo, Nambana yuu gii ee kana 130 ingyuo pelyamo. Wamba dokopa rakange kauwangepe dupwa ee wara pyuo nao karapala kumuyamipyaŋa. Namba randa nao ee kana kuki karapala emelyo, leya.

Luku 21:34

Nakamame moŋokyaŋe soo waene ipwange naraminyipa kyawa sisingi bolombalo laramopa karo isa bange dupwana suu pyaokondali pyuo kara nao waso karalapape. Waso kara narami ramo doko kone makange dokona wii waiya lao lyulu pingi doko suu pyao wambu yuu mure lao kamenge pisiraminyipa walu lao pyaka sisara.

APOSELENA YULU 15:20

Laa naramanopape imambu suu pyao mena pyao kiso maingi dokopa kepo pingi yulupi dee mena saape mange minyuo kondelyaminyipa kumungi dupwape ranjama doko waso karena lao pepa pase pyao lamairama.

APOSELENA YULU 15:29

Imambu dupwa suu pyao mena pyao kiso maingi dupwa naa nalapape. Ranjama naa nalapape. Mena saape mange minyuo kondelyaminyipa kumungi dupwa naa nalapape. Enda kepo pii nalapape. Yulu dusipa kandokondali pyuo waso kararami ramo doko nakama elya pyuo kararami. Pii oteŋe karalapape.

Orome 12:1

Yangonemoo Anatumi banya sakame kumungi doko namwana lao andakyuo peyamo dokona lao nakamame poraiyuo simili lao langilyu. Nakama range lete karo dokopa Anatu kumuo maipala karalapape. Dopa pipala dokopa Anatu keta iki pyamalyuo karo baa rae mainyi pyambuo pyuo karalapape. Dopa pyuo pirami ramo kata doko Anatu angi kinyi kumuo maiyuo lao kararamisa pira.

Orome 7:23

Dopa pipunupape lowa wakale mendeme nambana yanenge dokona keta palamo lao silyu. Lowa wakalendeme lowa namba mona retelyamo doko yanda pimwai ingilyamo. Dakepa lowa koo dokome yanengena yulu pilyamo silyu dokome namba puu maipyamo karo.

Orome 8:13

Yulu wambarae pimili lao suu pilyamo dokona waso kara narami ramo doko kumarami. Kumaraminyipape nakamana yanengena yulu koo dupwa Imambu dokome anamasi minyaramo kararami ramo doko mee lete kararami.

2 Korina 5:20

Namwa dae karo Koraisana pii lakamilyamano. Mendaki dopale ingyuo Anatumi namwa keta nakama poraiyuo piso soo karamo. Koraisana reke lao nakama piso sokondali pyuo letamano. Anatumi nakama nyisu petenge dupwa alowa pipala puu minyingi inginyi pyambwanale.

2 Korina 6:1

Namwana yulu Anatumoo role pyao pyuo karamano dokona nakama piso sokondali pyuo lao, nakama Anatunya mona keyange palyuo ipingi renge doko nyepala dokopa kokwa see nalapape letamano.

2 Korina 7:1

Yangonemoo Anatumi kinyi lalu lao leyamo renge keyange dupwa peparae namwa keta palamo. Dokona yulu mendeme namwana yongope imambupi karo pisinyi pyambungi doko rekya lao liti pimana. Yulu poo pyasi iki moko minyuo pyuo karo Anatu pako karo baa yeelyo poraiyuo suu pyao karamanale.

Galasia 5:24

Koraisa Yesunya wambu dupwame pundange yulupi yanengena yulu wambarae dupwa peparaepe yaki nyuo kaeramisa pira.

Epesasa 2:19

Dokona lao nakama epapu menge upunyili ingyuo kara napala Anatunya wambu yapasi dupwa pipya mendare ingyapyamopa Anatunya ree palu ingyuo karaminyi.

Epesasa 4:1

Namba Kamongona kingi reke lao puu maisi akali ingyuo karo dokome Anatu nakama kee leyamo dokona suu pyao keyange pyuo karalapape lao poraiyuo leto.

2 Timoti 2:22

Wanyane wambu keta suu pingi koo palamo doko wanjo yulu rolae doko anjuku lao pyuo Anatu kapa ingingi lao suu pingipi mona retengepe mona kyuu lao singipi dusipana ingyuo pyuo karape. Doko wambu mona yapasi paliramo Kamongo nyisinya lao ateŋa lenge dupwamoo pipya karo. Dopako pyuo kararami ramo doko kapa ingyara.

Ipuru 11:13

Enda akalipi dusipa Anatumi bangende nyerami leyamo dupwa nyepa nao nanesale karo mee kyanyi kandapala, Namwa dae mee sisi panda ingyuo epo karamwano pilyamo lao kareyami. Dopa pyuo nakama Anatu kapa ingingi lao suu pyao karo kumuyami.

Ipuru 6:9

Yangonemoo pii dopale dokome pyao bee baa lanyi nembo lapunupape nakama keta pali nalyamo. Nakama keyange karapala panda keyange kando nyerami doko silyamano.

Jemesa 4:1

Nakama aki rengendena laiya lao pyakando pyuo karamisi? Yanengena yulu wangu lakapala pinya lao suu pilyaminyi dokona ingyuo moŋo doko nyilyaminyi.

1 Pita 1:1

Namba Pita Yesu Koraisana aposele akali pepa pase dake nakama Anatunya wambu yapasi ralo papala yuu Pondasape Galasiape Kapatosiape Esiape Bitiniape petaminyi dupwa keta pyao jilyu.

1 Pita 1:17

Nakama ateŋa lao dokopa Anatu kando namwana Rakane lao lenge ramo doko baame rolae pyuo wambu yulu pinginyili pyuo pakana palyuo kote lenge dokona isa panda dakena kararaminyi mange dusipa peparaenape yuu gii peparaepe baapa lao pako karalapape.

1 Pita 4:12

Nambana puu minyingimoo. Randa wakale wakale nakama keta epelyamo dupwa nakama apiyakale lao mee makande pyuo ipyamosa pilyamo dokona mona nembo yamarangwa nalapape.

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

2 Pita 3:1

Nambana puu minyingimoo, pepa pase mende wambo joo kaeyo kande dokona dake lapo pyuo pyao jilyu. Pase dolapona Anatunya pii keyange dokona poraiyuo suu pyalapape lao pii dokona andarele langilyu.