1 Pita 1:23 - Anatunya Buku Baepole Ole Testamene Pii Lapo dee Nuu Tesamene

²³ Nakama isa wambunya para pyao nyisi ingyuo paa nalyaminyi. Anatunya letena palenge pii sulu singi dokome nakama banya wane wanake karalu karenge ingyuo manjo nyilyamo.

1 Pita 1:23 ပူးပေါင်းရင်းမြစ်များ

Jeremaya 23:28

Doko poropeta kombeya pilyaminyi dupwame doko mee kombeyaŋa larami ingilyamo. Dopa laraminyipape poropeta nambana pii silyaminyi dupwame pii doko mondo lao polo larami ingilyamo. Nambana pii doko jingi angi ingyapyamopape poropeta akalinya pii doko mee yanenge ingilyamo.

Malakae 2:3

Nambame nakamana wane wanake dupwa lao nembapala nakamana mena pyao kiso jeraminyi dokona ingi dokome nakamana lenge kambu dokona kome kisakapala dupwa paleta nakama pipya pyao nembaro, leya.

Matyu 24:35

Yake yuupa otara ingyapyamopa nambana pii dupwa ota nara ingilyamo.

Luku 8:11

Kongwalu pii dokona renge polo langirowale. Waingi doko Anatunya pii dopale.

Jone 1:13

Isa akalimi ranjama rongo pilyamo yanengena yulu palyuo manjo nyero lao suu pyapala manjo nyingi dopa pyuo manjo nyiyaminde daa. Anatumi nakama manjo nyiya.

Jone 1:3

Anatumi keta bange peparae wasiya. Bange mendepe baa keta wasa nayamopa pulyiyande daa.

Jone 3:3

Yesumi baa lamaiyuo, Kinyi kinyi langilyu, mendalipi kyaka ingyuo manjo nyii nara ramo dokome Anatunya isingi yulu doko kando nyii nara leya.

Jone 3:5

Yesumi dopa lao isingi lamaiya. Kinyi kinyi langilyu, mendali ipwana palyuo nyuope Imambu dokomepe manjo nyii nara ramo dokome baa Anatunya isingi yulu dokona sukusa parande daa.

Jone 6:63

Wambumi imambu paliramopa lete karenge. Yanenge yeelyo dokona renge mende pali nalyamo. Pii langyalono dupwa imambunya pii ingilyamo dokome soo nyepala lete parami.

Orome 1:23

Anatu karalu karenge doko ketae pyambuo lakandarami doko kaepala nakamba mee bange lapo isa wambupi mena yaka kaupi dopale lapo wasapala dupwa ketae pyambuo kingi letaminyi.

Ipuru 4:12

Anatunya pii doko kumasi daa. Doko pelyamo dokopa papae kareta pele lenge. Wua wakale mende paki pakipi nenge karenge dopale manda manjo ingya nalyamo. Wambunya monarena pelyamo dokopa nenge wakasa karengendeme nyiso puumi bilima nao pusili lenge. Ama koko papala wambunya suu pingi dokona koo keyangepe kando kendali minyinyi nembenge.

Jemesa 1:18

Baa range suu piyamuli pyuo waili pii angi kulisa dokome namwa waso nyiya. Wasiyamo lapo dupwana namwako isa jingi mupwasa kanda soo lyingi dopale lao wasiya.

1 Pita 1:25

Kamongona pii doko mee sulu sera letamo. Doko waili pii keyange epapu nakama keta langyuo epelyaminyi doko lyakande.

1 Pita 1:3

Kamongo Yesu Koraisana Rakange Anatu kando sangyu lao lakando karamana. Baa mona keyange palyapala ipyuo karenge dokome Yesu Koraisa lete minyalyuo nyiyasa namwame kyakana renge nyepala lete parama dokona enenge ingyuo manjo nyisi karamano.

1 Jone 3:9

Anatunya mende manjo nyera ramo baa yulu koo pyuo kara narasa pira. Anatunya pyuo karenge renge isa komba pyao nyepala kata dokome yulu koo pii nao karara. Anatumi manjo nyeramo dokome yulu koo pyuo karara ingya nalyamo.

1 Jone 5:18

Anatumi wambu mende kyaka ingyuo manjo nyera ramo doko baame yulu koo pyuo karalu kara narasa pira doko silyamano. Dokona lao Anatumi mende manjo nyiyamo Yesu dokome wambu doko nyiso kararamopa imambu koo dokome wambu doko keta rambu lalana saka nara.