1 Kiŋi 9:7 - Anatunya Buku Baepole Ole Testamene Pii Lapo dee Nuu Tesamene

⁷ nambame nambana Isaraele wambu dupwa yuu nakama maiyunu dokona pali nana lao nyisa pena laro. Tembole anda nambame poo pyasi ingyuo waso rae maiyuo nambana lakandenge pandaŋa lao karenge dake nyuo kame soo yaki nyuo kaeyaro. Wambu yuu muu dupwana peparaeme Isaraele wambu dupwa kando giyalya giyana pyuo kilya kando larami.

1 Kiŋi 9:7 ပူးပေါင်းရင်းမြစ်များ

1 Kiŋi 9:3

Dopa pipala Kamongo dokome baa lamaiyuo lao, Nambame embena ateŋa doko sipu. Namba yuu peparae lakando karalu kararami panda ingyuo embame waso pipinyi tembole anda dake nambame poo pyasi inginyi pyambulyu. Dopa pyuo nambame au pyuo rapu pyuo kyawa minyuo karalu kararo.

2 Kiŋi 25:21

Maiyamopa kiŋi dokome nakama nyepala randa andake maipala nakama pyao kumakaya. Dokona lao Juta wambu dupwa nakamana yuu yaki nyuo karapusi ingyuo minyuo peyami.

2 Kiŋi 25:9

Papala baame tembole anda doko kiso kiŋinya anda doko kiso dee wambu kamongo Jerusaleme palenge dupwana anda dupwa peparae kiso piya.

Samu 69:11

Namba kumanda piso ee lao wapungi komau wapwaro pisipu dokopa giyalya giyana pilyamini.

Jeremaya 26:18

Akali Esakaya baa Juta wambunya kiŋi ingyuo kareyamo dokopa poropeta akali Maeka yuu Moresete range dokome Kamongo Porai Wakasa dokome leyamo pii dupwa wambu peparae lamaiya. Yuu Sayone doko kwai mapu lapo pyasi sili lao yuu Jerusaleme doko ama pyao kokwa sinyi nembo dee tembole anda karenge dokona imwa palyuo pira.

Jeremaya 26:6

Nakama mee kamba lao karalu kararami ramo doko nambame yuu Sailo tembole anda doko koo inginyi nembeyonoli pyuo tembole anda dake koo inginyi nembaroko. Dopa pirunupa wambu yuu muu dupwana palaminyi dupwame pii koo mende letamano lao dokopa yuu taone dakena kingi lapapu larami, leya.

Jeremaya 52:13

Papala tembole anda dokope kiŋinya anda dokope dee kamongo wambu yuu Jerusaleme palenge dupwana anda dupwape kiso oteya.

Joele 2:17

Purisi akali Kamongome yulu pyakamyuo tembole anda kolandenge dokopa mena pyao kiso maingi rate dokopana kanya dokona yulu pingi dupwame ee lao ateŋa dapa lao lalapape. O Kamongo, embena wambu dupwa kando sakape. Yuu wakale wakale dupwana wambu dupwame namwa kando giyalya giyana pyuo kilya kando nakamana Anatu doko anja karamo laope laa nana, lape.

Maeka 3:12

Nakamame dopa pilyaminyi dokona ingyuo yuu Sayone doko kwai mapu lapo pyasi sili lao yuu Jerusaleme doko ama pyao kokwa sinyi nembo dee tembole misi anda karenge dokona imwa palyuo pira.

Matyu 23:38

Embena anda doko mee pii karo kwaesi sera.

Matyu 24:2

Dopa leyaminyipa baame nakama lamaiyuo, Nakamame dapwa kandelyamisi? Kinyi langilyu, Pyao lalyinyi nembaraminyipa kana mendena kana yango ketae see nara, leya.

Luku 21:24

Nakama wua gela nenge dokona nyinyi piso pyaraminyipa, rara wakale wakale dupwame nakama puu maipala lanyuo parami. Dokopa wambu rara wakale dupwame Anatu kaena lara yuu gii doko ene epapa naramopa Jerusaleme doko nyuo kalyuo kararami.

Dutaronome 4:26

Nambame yake dokopa isa yuu dokopame epapu nakama pipya pii langilyu dokona usinisi ingyuo lakaramiŋi lao kee leto. Nakamame nambana pii warombo see narami ramo doko nakama oo repeta yuu dakena pali nalomene. Doko ipwa Jotane yalo nakama yuu dokona palinya suu pilyaminyi dokona yuu gii andare palyuo kara narami. Nakama pyao kokwa soo nembalu nembo nembaro.

1 Samyuele 15:11

Namba wama yako. Nambame Sole kiŋi wasiyu kande doko baame nambana mawa pii dupwa kamba lao namba mata joo pelyamo, leya. Dopa leyamo dokopa Samyuele imbwuapala yuu peparae kukwa baa Kamongo Anatu lao piso sokondali pyuo loma poraiyuo siya.