1 Kiŋi 9:4 - Anatunya Buku Baepole Ole Testamene Pii Lapo dee Nuu Tesamene

⁴ Embena rakane Dapiti piyamo doko suu pyao nambana yulu dokona wangu lakapala angi kinyi yulu rolae dokona pyuo pulyuo pao dee nambana lowa pii dupwa warombo soo rape rape lao nambana mawa pii emba mana langiyu dupwa peparae minyuo pyuo piri ramo doko

1 Kiŋi 9:4 ပူးပေါင်းရင်းမြစ်များ

Jenesese 17:1

Aporame baa ee kana akalisa mange mendaki ipisu mange mendaki (99) papeyamo dokopa Kamongo dokome baa keta epo nolakapala lao, Namba Anatu Porai Wakasa karo. Embame nambana yulu palengenyili pyuo rolae pyuo karare.

Jenesese 20:5

Baa rangena pii dokome nambana pemalenge leyamopaenda opetaeme lao nambwa pemalengeko lao laa nayambisi? Nambana mona anda rena koo mendelyamo lao sepala pipunde daa mee kamenge ambeambe pipu, leya.

2 Samyuele 22:22

Nambame Kamongona lowa dupwa warombo singi. Nambame nambana Anatu kando mata maiyuo kapu kyuo paa nange.

1 Kiŋi 11:38

Embame nambana pii warombo sulu soo soo nambana mana pii minyuo pyuo palyuo karo nambana kendemande akali Dapitimi namba lengenyili pyuo pyuo karapala namba rae mainyi pyambungi doko suu pyao embame piri ramo yuu peparae namba embapa role pyao kararo.

1 Kiŋi 3:14

Embena rakane Dapiti piyamo doko suu pyao embame namba rape rape lao nambana mawa piipi lowa piipi dupwa warombo soo minyuo pyuo karare ramo doko yuu malu palyuo karare lao yuu gii londe jero, leya.

1 Kiŋi 3:3

Dokopa Solomoneme Kamongo mona retapala banya rakange Dapitimi mana leyamo dupwana moko minyuo piya. Dopa piyamopape baame mena dupwa opetae pyao kumakarapu kana pyare lasi wakale wakale dupwana kiso maipapu piya.

1 Kiŋi 3:6

Dokopa Solomoneme isingi lao, Embame embena kendemande akali nambana rakange Dapiti doko kando embame yuu peparae mona retenge renge andake doko lasaka pii. Dopa piinyipa baame embena lenge kambu dorena kinyi rolae pyuo kareya. Dopa pyuo kareyasa embame baa mona retalu retenge renge andake doko lasaka pyuo puu pelyoŋo lao dokopa banya wane epapu banya panda nyuo iso karamo doko mai.

1 Kiŋi 6:12

Emba nambana lowa peparaepe dee mawa pii peparaepe warombo soo minyare ramo doko embena rakane Dapiti keta lalu lao leyono doko emba keta pyakaro.

1 Kiŋi 8:25

Dokona epapu Isaraele wambunya Kamongo Anatu, nambame ateŋa lao, embame lalu lao lenge pii lapo nambana rakane kando lao doko opetaeko yaki nyii nao minyuo karape. Banya para pyaramo dupwame nambana rakangeme emba warombo soo kareyamuli pyuo piraminyi dokopa nakamana mendeme Isaraele wambunya kiŋi ingyuo yuu peparae rapu pyuo karara lao lalu lao leepya.

Samu 15:2

Akali mende Anatupa rape rape lao pyuo rolae doko anjuku lao pyuo karo pii angi nyera kinyi dupwa iki lao karenge dopale doko.

Poropepe 20:7

Wane wanake dupwana rakangepe dupwa pii angi kinyi dokonako lao dee yulu rolae pyuo pinginde ramo doko nakama embone kone petenge.

Isikiolo 18:9

Akali dopale dokome namba letonuli pyuo lowa dupwana mondo lao minyingi. Baa rolae pingi dokona yuu gii andarele karara. Kamongo Mupwa Andake Wakasa dokome dopa letamo.

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.