1 Kiŋi 9:3 - Anatunya Buku Baepole Ole Testamene Pii Lapo dee Nuu Tesamene

³ Dopa pipala Kamongo dokome baa lamaiyuo lao, Nambame embena ateŋa doko sipu. Namba yuu peparae lakando karalu kararami panda ingyuo embame waso pipinyi tembole anda dake nambame poo pyasi inginyi pyambulyu. Dopa pyuo nambame au pyuo rapu pyuo kyawa minyuo karalu kararo.

1 Kiŋi 9:3 ပူးပေါင်းရင်းမြစ်များ

1 Kiŋi 8:29

Tembole anda dakena lakandaramiŋi lao embame rombo palyii dokona kukwa korakamape rapu pyuo karape. Nambame tembole anda dakena lenge kambu pyambwapala ateŋa laro dokopa sakape.

Esera 6:12

Anatu yuu Jerusaleme dokona baa lakandarami lao rombo palyiya kiŋi mendemepe wambu rara mendemepe mawa pii dake kamba lao tembole anda kokwa selana lao kararami dupwape pyao kwaeyanyi nembakana leto. Namba Darisimi mawa pii doko ama poraiyuo langilyu. Nakamame warombo soo minyuo karalu karalapape.

Samu 116:1

Nambana pii sipyamo dokona Kamongo doko mona maiyuo karo. Baame nambana ateŋa lao karapu dupwa silyamo.

Samu 34:17

Akali rolae pingi dupwa Kamongo kyakale lenge doko sakaro karenge. Randa epelyamo dupwa baame kunjinyi nembo nyingi.

Samu 65:3

Namwana koo dupwame nyuo isa palyingi. Palyilyamopape embame namwana koo dupwa nyuo kame sakange.

Ekesetase 20:11

Yuu gii pakinyamange dusipana namba Kamongo dokome yakepe yuupi ipwa kotape dee dusipana bange peparae singipi dupwa wasiyu. Wasiyunupape yuu gii yanda ipingi dokona namba imambu soo peteyo. Renge dokona namba Kamongo dokome koro petenge yuu gii doko mupwa lao yapasi ingyuo sinya lao reteyo.

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Jeremaya 7:10

Nakamame namba yulu rae mai nao epe kanda napunu dupwa pilyaminyi. Pipala dokopa namba rangena tembole anda dokona epo nambana lenge kambu sipya dokona karapala lao, Namwa kyawa lete nyisi karamano, letaminyi.

Daniele 9:23

Embame kanda soo Anatu kando ateŋa lao piso sokondali pyuo leene dokopa baame emba isingi yano piya. Anatumi emba mona retenge dokome ateŋa isingi yano pyapyamo pii doko langyala epelyo. Dokona nambame pii repa repa angi piinyi dokona polo langirunu dokopa emba elya kalo soo pisipi.

Matyu 6:9

Dokona ateŋa dapale lalapape. Namwana Rakane yake panda karene doko, embena kingi doko poo pyasi ingyuo palenale.

Jone 11:42

Yuu peparae embame nambana pii soo karenge doko namba silyu. Sipunupape wambu dae karaminyi dupwa embame namba mapanyi peelyamo lao sinyale lapala ateŋa dake lalono, leya.

APOSELENA YULU 10:31

Karapala dopa leya. Koniliasa, emba ateŋa lao karenge kandale doko Anatumi sepala, emba kana mone wambu muiyane maipa pingi doko Anatumi suu pyao karenge.

Dutaronome 12:11

Baa kingi lakando pisirami lao yuu mendakinde Kamongome rombo palyara dokopa nakamame bange jelapape langiyamo dupwa peparae minyuo eparami. Nakamana bange kiso mairamili dupwape mee mairamili dupwape bange akalisa dusipana pingyu nyuo maipa pirami dupwape mee konda pyuo mairami dupwape dee wambo bange keyange Kamongo mairama lao lalu lao leyami dupwape minyuo eparami.

Dutaronome 12:21

Kamongo lakandenge panda mende nanesa wakasa ingiya kande dokopa nambame nakama langiyunuli pyuo nakamame mena bulamakao sipisipipi Kamongome nakama jiyamo dupwana mende pyao kisapala nakamana anda dokona nao pisiramo.

Dutaronome 12:5

Nakamana rara peparae palaminyi dupwana Kamongome yuu mendakindena wambu dupwa banya lenge kambu dorena karo lakandarami lao rombo palyara.

1 Jone 5:14

Baa kapa piru lao suu pyaramo kata dokona palyuo mende pyakana lao piso serama ramo dokona kaeya nao pira doko kinyi lao silyamano.