1 Kiŋi 2:7 - Anatunya Buku Baepole Ole Testamene Pii Lapo dee Nuu Tesamene

⁷ Namba embena yangone Epesalomeme pyalana piyamo pakao ralo peyono dokopa nakamame namba anjiki pyuo nyisiyamiŋi. Dokona yuu Giliate range akali Basilainya ikinyingi dupwa embame kando anjiki pyuo nyiso karape.

1 Kiŋi 2:7 ပူးပေါင်းရင်းမြစ်များ

Jenesese 40:14

Dopa pyuo peya kande dokopape namba kame see napipi. Namba dopa pyuo palipya lao Perao keta arome pyapala karapusi palo doko neta nyereŋe suu pyape, leya.

2 Samyuele 19:28

Emba kiŋi andake doko. Nambana rakanena ree palu dupwa peparae kokwa soo kumunginya pyambuili doko rolae ingiyali. Dopa piyamopape embame embena rate dokona nenge nala ipu lee kande. Emba kiŋi andake doko. Nambame emba keta anjiki pyuo nyisa laope bange mendepe jii lao piso serono kata mende see nalyamo, leya.

2 Samyuele 9:10

Dokona embape embena wane dupwape dee kendemande akali dupwapeme embena akali mupwa Solena ree palu dupwana lao yuu dokona yulu pyuo nenge wara pyakamirami. Dopa pipala nenge wambu piramo dupwa minyuo epo Solena wambu ree palu dupwa mairami. Dopa piraminyipape Mipiposeta baa yuu peparae nambapa role pyao nenge nala epara, leya. Akali Sipa banya ikinyingi akalisa ipisu kingi paki (15) dee banya kendemande akali akalisa lama (20) karenge.

2 Samyuele 9:7

Dapitimi isingi lao, Emba paka napipi. Embena rakane Jonatane doko nambame kame see nao suu pyao karo banya reke lao nambame emba anjiki pyuo nyisaro. Nambame embena kauwane Sole dokona yuu dupwa peparae emba range jero. Dee emba yuu peparae nambapa nenge role pyao nala epare, leya.

2 Kiŋi 25:29

Dokona lao Jiyoakini banya karapusi komau alowa pipala kiŋinya nenge nenge dokona nao yuu gii lete kareyamo peparae palyuo karo piya.

2 Kiŋi 25:30

Yuu gii peparae baa palyuo karo piyamo dokopa baa nenge narali dupwa maiyaminyi dokoko suu pyao maipa piyami.

Jeremaya 52:33

Dopa piyamo dokopa Jiyoakini banya karapusi komau dupwa alowa pipala baa lete palyuo karo piyamo yuu gii dusipana kiŋinya nenge nenge rate dokona yuu peparae role pyao piso nao kareya.

Luku 12:37

Kamongo epapala kendemande wambu lenge rao pisiraminyi kandaramopa nakama keta renge keyange maira. Kinyi langilyu, baame komau wapupala nakama taepo dokona petena lapala nakama nenge maira.