1 Kiŋi 2:3 - Anatunya Buku Baepole Ole Testamene Pii Lapo dee Nuu Tesamene

³ Karo dokopa embena Kamongo Anatumi aki mende pii lao laramuli pyuo pyuo karape. Banya mawa pii dupwa Mosesena lowa pii dokona pyasi palamo dupwa warombo soo minyuo pyuo karape. Dopa pirinyi dokopa emba anja panda anja dupwana yulu pirinyi dupwana kapa palyuo para.

1 Kiŋi 2:3 ပူးပေါင်းရင်းမြစ်များ

1 Kiŋi 3:3

Dokopa Solomoneme Kamongo mona retapala banya rakange Dapitimi mana leyamo dupwana moko minyuo piya. Dopa piyamopape baame mena dupwa opetae pyao kumakarapu kana pyare lasi wakale wakale dupwana kiso maipapu piya.

Samu 119:111

Embena mawa pii dupwa namba rangena ingyuo minyuo karalu kararo. Mawa pii dupwa nambana monarena raeme kumunginya renge doko ingyuo silyamo.

Samu 119:138

Embena mawa pii kuki ingyuo lapo leene dupwa rolae dokona palyuo kapako ingyuo pelyamo.

Samu 19:7

Kamongona mawa pii dupwa nyisu yakunaipi pisa nao singi dokome wambu enenge ingyuo porai renge maingi. Kamongona mawa pii dupwa soo nyepala karapenge ingilyamo dokome yangilyamo karelyaminyi wambu dupwa singinya renge maingi.

Malakae 4:4

Isaraele wambu peparae warombo sinya lao yuu kyau Sainai dokona karo mawa piipi mana piipi dupwa Mosese maiyu. Dokona lao nambana kendemande akali Mosesena mana nyiyamo dupwa kame see nao karalapape, leya.

Dutaronome 4:1

Moseseme wambu dupwa lamaiyuo, Nambame mawa pii mana langilyu dupwa peparae warombo serami ramo doko nakama lete karo Kamongo doko nakamana rora ambasu dupwana Anatu dokome yuu doko jipyamo dokona palyuo kararami.

Dutaronome 4:5

Nambana Kamongo Anatu dokome langiyamo lowa dupwa peparae nakama mana langiyu. Yuu doko pao nyepala paliraminyi dokona lowa dupwa minyuo pyuo kararami.

Dutaronome 4:8

Epapu lowa pii mana langipunu dupwa ama rolae pingi. Yuu wakale dupwana rara andake ingyaramopape lowa dopale mende minya nalyaminyi.

1 Samyuele 18:14

Kamongo baame Dapiti keta kareyamo dokome Dapiti banya yulu peparae kapa pyuo peya.

1 Samyuele 18:30

Dokopa Pilisitia yanda singi dupwame pyala epapa piyami. Dopa piyaminyipape Solena yanda singi mupwa dupwa porai ingyuo kareyaminyipape yanda peparaena Dapiti baa kamame porai wakasa ingyuo kareya. Renge dokona lao Dapiti banya kingi ketae peyamo wambu soo oteyami.

1 Samyuele 18:5

Soleme Dapiti yulu pinya leya dupwa kapa piyasa kandapala Soleme Dapiti baa yanda singi dupwana mupwa ingyuo karena leya. Dopa piyamo dokome Solena akali dupwape yanda singi mupwa dupwape peparae rae maiyuo kareyami.