1 Kiŋi 19:4 - Anatunya Buku Baepole Ole Testamene Pii Lapo dee Nuu Tesamene

⁴ Ilainja yuu gii mendaki yuu muiyane mendena kata pao kareya. Pao karo isa renge rau leya mendena imambu soo peteya. Piso dokopa baa kumuowane lao suu piya. Pyapala baame ateŋa lao, Kamongo namba keta kenda palamo. Namba kumaro doko kapaŋa. Nambana lete karenge doko nyepe, leya.

1 Kiŋi 19:4 ပူးပေါင်းရင်းမြစ်များ

Jona 4:3

Lapala Kamongo epapu namba kumarole. Kumaro ramo doko manda raro, leya.

Nambase 11:15

Embame namba kando dopa piri ramo doko embame namba sakao karapala pyao kumakare. Dokopa kenda namba keta jiinyi dupwa dee nyii nalu naro, leya.

Jona 4:8

Dokopa dee Anatumi neta epenge kata dorena porambaiye isasa pingi mende minyiyasa Jonana ayemba doko netame rao makyapala lenge doko malawai lapala kumasi selana piya. Dopa piyamopa namba lete kararo doko kapako dokoŋo kumaro doko iki kapa lao suu pilyu, leya.

Orome 3:9

Doko namwa Juu wambu dupwame menge dupwa isa nembowale karamano lao suu pilyamase? Doko daa. Koo dokome namwa Juupi Juu daa rara wakalepe kata mendakinya palyuo peteyama, doko rolo langyalono.

Jone 4:6

Jekopena ipwa kamuo nyingi yuwale dokona siyasa Yesu kata pao makapala yuwale repeta dokona peteya. Andawai korakama ingiyamopa peteya.

Emosa 6:2

Nakamame yuu taone Kalena dokona pao kandalapa. Dopa pyuo kando pao yuu taone ama andake Emate doko kandama pao kama yuu taone Gati Pilisitia wambu palenge doko kando lano pupwa. Dopa pyuo kandapala dupwana yulu dokome nakama Juta wambupi Isaraele wambupi dupwana yulu nyuo isa palyili laro karapyalyape lao selapape? Dupwana yuu doko reeko sipyamopa nakamana doko kukindena palimwalyamo lao silyamisi?

2 Kiŋi 2:11

Nakamba kaeya nao pii lao kata pao peyambinyi dokopa aopa mena oseme ipyuo penge uliuli dopale mende isare rao epeya. Epapala nakamba peyambinyi kanya dokona isare rao kareya. Kareyamo dokopa poo raiya minyuo malawai lao epo Ilainja nyepala yake panda minyuo peya.

1 Kiŋi 19:3

Leyamo pii doko Ilainja soo pakapala baa range kyawa lete nyuo banya kendemande akali doko nyepala pakao yuu Biasipa yuu Juta singi dokona peya. Papala banya kendemande akali doko dokona karena lapala

Matyu 6:26

Yaka dupwa apa pyuo petaminyi lao kandape. Nakama ee wara pyuo manjo nenge retenge anda retao, waingi nyuo pii nalyaminyisa namwana Rakane yake panda karenge dokome nenge pingi. Dokona nakama yaka dupwa nyuo anamasi minyuo kara nalyamisi?

1 Kiŋi 19:5

Lapala baa isa renge dokona luu paleya dokopa aopa aŋala mendeme baa epo minyandapala lenge rapala nenge nena, leya.

Jeremaya 20:9

Dopa pipyamo dokona nambame Kamongo kame soo kaepala banya kingi dokona laa naro lao karapunupape Kamongo embena pii pyasi doko nambana mona dokona isare ingyuo koko rao ango silyamo. Sipyasa pii doko neta nyuo laa nalana suu pyapunupape kapa kame pyuo minyaro ingya nao nambana kambu dokona neta epelyamo.