1 Kiŋi 18:4 - Anatunya Buku Baepole Ole Testamene Pii Lapo dee Nuu Tesamene

⁴ Dokopa enda Jesapele dokome Anatunya poropeta akali dupwa pyao kumakayamopa akali Opetaya dokome akali andete (100) nyiya. Nyepala kananda lapona gurupu lama wasapala pingyu akalisa kingi paki (50) ingyapala palena lapala ipwa nengepe maipapu piya.)

1 Kiŋi 18:4 ပူးပေါင်းရင်းမြစ်များ

1 Kiŋi 17:11

Dopa leyasa enda doko ipwa nyela peyamo dokopa dee kamba kee lapala nenge borete lapo opetae minyuo epo jinyako leya.

1 Kiŋi 18:13

Lapala dee lao, Enda Jesapele dokome Kamongona poropeta akali dupwa pyao kumakaya dokopa nambame akali andete mendaki (100) nyepala kananda lapona gurupu lama wasapala pingyu akalisa kingi paki (50) ingyapala yalu pyuo palena lapala nenge ipwape maipapu piyu doko emba see naese? leya.

1 Kiŋi 18:5

Dopa piyamo dokopa kiŋi Ayapeme Opetaya lamaiyuo, Mena dongepe osepe dupwana rambi lapo kapa nao kararami lao ipwa guu lao epengepe ipwa ponape peparae dupwana mende silyape lao koto kando bwua, leya. Lapala lao, Mende ramo nambwana mena dupwana lapo pyao naa naramba, leya.

2 Kiŋi 6:32

Dopa lapala baame wai pii minyingi akali mende Ilaisa nyela pena leya. Yuu gii dokopa Ilaisa baa banya anda akali andapae lapo baa kandala epeyami dupwa pipya role peteyami. Wambo kiŋinya wai pii minyingi doko epapa nayamopa Ilaisame akali andapae dupwa lamaiyuo, Akali wambu pyao kumakaenge dokome mendali dae namba pyala pena lalamo lamo. Epapu baa dae repeta epeya kande doko kambu dowa doko upi lapala baa andakare epa nana lamailapape. Kiŋi baa enakana oo repeta epara, leya.

Niyamaya 9:26

Dopa piinyipape embena wambu dupwame emba kando kamba lao embena Mawa Pii dupwa yalo kareyami. Nakama emba keta kapu kyuo epena lao repe repe lao kareyami poropeta akali dupwa pyao kumakayami. Nakamame emba kando yuu yangama yangama lao kilya kando lao kareyami.

Jeremaya 26:24

Dopa piyaminyipape namba Jeremayame akali Aikami Sapanena ikinyingi dokona matarena karo yulu piyu dokome wambu dupwame pyao kumakana lao mai nayami.

Jeremaya 36:19

Dokopa nakamame baa lamaiyuo, Embapa Jeremayapa wambu mendeme dusa petambinyi lao see nana lao yalu pela pupwape, leyami.

Matyu 21:35

Dokona peyaminyipa akali ee kando kareyaminyi dusipame yulu pingi akali dusipa nyuo yoko lapala mendali pyaroko pyao mendali pyao kumakao mendali kaname pyao piyami.

Matyu 25:35

Namba lopo piyamopa nakamame nenge jiyami kande, namba ipwa nano piyamopa nakamame ipwa jiyami kande, namba upunili epeyonopa nakamame yako lao nyiyami kande

Matyu 25:40

Dokopa Kiŋi dokome nakama isingi dopa lamaira. Kinyi langilyu, nambana yangonge kuki karaminyi dapwana kuki wakasa mende kando pyakamiyami kande doko nambasa kando piyamisa piya, lara.

Ipuru 11:38

Isa yuu doko nakama pipa kapa ingya nayasa yuu muiyane dee kyau dupwanape ralo pao kana anda dee yuu rumbisipi dupwana palyuo paeyami.