Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kiŋi 18:1 - Anatunya Buku Baepole Ole Testamene Pii Lapo dee Nuu Tesamene

1 Yuu gii lapo epo papeyamopa ee kana rema apu epa nayamo gii dusipa ro, leya.

အခန်းကိုကြည့်ပါ။ ကော်ပီ




1 Kiŋi 18:1
18 ပူးပေါင်းရင်းမြစ်များ  

Poropeta akali kingi Ilainja lenge yuu Tisipi yuu Giliate dokona singi range dokome kiŋi Ayape lamaiyuo lao, Kamongo Isaraele wambunya Anatu lete karalu karenge dokona namba yulu pyakamingi dokona kingi lao nambame emba pii dake langilyu. Ee kana dumbinya lamape remape mendena apupi pipyaepe epa nalu nao nara. Namba apu dee epara larono dokopa eparako, leya.


Dokopa enda waiya dokome Ilainja pinya leyamuli pyuo piya dokopa yuu gii malu dupwana nakama nenge kapa siyamo neyami.


Dokopa enakana dusale apu epa naya dokome ipwa kuki dokona ipwa epeya doko sokoya.


Dopa leyasa Ilainja kata nyuo peya. Dokopa yuu Samaria lopo siyamo doko soo andakiya.


emba yake panda dokona karo nakamana ateŋa doko sakamipi. Isaraele wambu dupwana koo dupwape dee kiŋi dokona koo dupwape nyuo kame sakamipi. Dopa pipala yulu rolae dokona pinya lao mana lamaipi. Mana lamaipala, O Kamongo embena wambu dupwa palu karo pirami lao embena yuu angi ingyuo maiyalu maiyuo mainyi dakena apu epo karena lape.


Ranome ando girapo anamasi minyinya laro lao dokopa pyakepanyi nembo yuu kapu kyuo pii naro. Dopa pingi kandale doko suu pyao nepereke ikyaikyape pulyinya lao piru. Namba kopa dokome apu kata mai nana lao lamairu.


Yuu liti wakale wakale wambunya mee bange anatuŋu lao isa kanape wasisi dupwame apu peya narami. Yake dokome susu lao apu pura pura pyao epena lao nyuo peya nara. Yulu dupwa peparae embame iki inginyi peengepya. Dokona lao namwana Kamongo Anatu emba keta dupwa peparae epara lao soo karamano.


Sayone wambu dupwa rae maiyuo karalapape. Kamongome nakama reke lao apunda kamame andake dee kamame kuki jii napala mee kapa manda minyuo jiya. Enakana apunda kapa andake kulimbuo dee wambape dopa pyuo jinginyili pyuo jiya.


Apunda kana ee nengepe andenge mange dokona nambame apunda jepa napala yambe pyuo minyaro karo kaeyo. Nambame yuu taone mendakinya apunda jiyu dokopa taone mende dokona jii nayo. Yuu liti lapona apunda peyonopa liti lapo peya dupwana ee jingi yanda neya.


Dokona suu pyao nakama kinyi langilyu, Ilainja kareyamopa ee kana rema dee kana pakinyamange opetae yake doko upi laro kareyamopa yuu dupwana lopo andake siyamo yuu gii dokopa enda waiya malu Isaraele yuu dokona peteyami.


Akali Ilainja baa namwa yale mee isa akaliko dokome ateŋa poraiyuo leyamosa ee kana rema dee mendena pingyu apu koo mende isa epa naya.


Dopa pirinyipape tembole anda dokona netarename kame piro karamo Juu daa rara menge dupwa maiyuo kaeyasi doko makande pyuo kanda napipi leya. Nakamame Jerusaleme Taone Yapasi doko kana akalisa kisima ipisu lamana apa nao kunji kanji minyuo kararami.


Nakambame porai renge palyuo yake kata upi larambinyipa Anatunya pii larambi gii dusipana apu epa nara. Dopako pyuo nakambame porainya renge palyuo ipwa dupwa ranjama inginyi pyambuope dee pinya suu pyarambinyili pyuo yuu dupwa anga ikyane koo kiso mairambi ingiya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ