1 Kiŋi 17:1 - Anatunya Buku Baepole Ole Testamene Pii Lapo dee Nuu Tesamene

¹ Poropeta akali kingi Ilainja lenge yuu Tisipi yuu Giliate dokona singi range dokome kiŋi Ayape lamaiyuo lao, Kamongo Isaraele wambunya Anatu lete karalu karenge dokona namba yulu pyakamingi dokona kingi lao nambame emba pii dake langilyu. Ee kana dumbinya lamape remape mendena apupi pipyaepe epa nalu nao nara. Namba apu dee epara larono dokopa eparako, leya.

1 Kiŋi 17:1 ပူးပေါင်းရင်းမြစ်များ

1 Kiŋi 17:12

Dokopa enda dokome isingi lao, Embena Kamongo lete karalu karenge Anatu doko kando lalu lao lao, Namba borete mendepe reta napu. Namba retapu dusipa kingi kete pyao dopale palawa kuki lama pere dokona silyamo dee isa olipi ipwange lama pee dokona petamo. Namba dae isa ponale mungyuo nyela ipuŋu minyuo anda papala nenge kuki retapu dolapome nambana wane dokopa nambapa suu pyao nenge wasaro. Dolapo nao ote pyuo narambanopa dee enakana lopo dokome nambwa angi kumaramba lyamo, leya.

1 Kiŋi 17:2

Dokopa Kamongo dokome Ilainja lamaiyuo, Emba yuu dake yaki nyepala neta pyakaenge dorena papala ipwa Jotane neta pyakaenge dorena ipwa kukinde kingi Seriti lenge epelyamo dokona repeta yalu pinya leya.

1 Kiŋi 18:1

Yuu gii lapo epo papeyamopa ee kana rema apu epa nayamo gii dusipa ro, leya.

1 Kiŋi 18:10

Embena Anatu lete karenge Kamongo dokona kingi lalu lao lao yuu muu dupwa peparaena awali lao kiŋi dokome emba koto papipya. Yuu gii mendepape isingi akali dokome emba yuu dokona kara naeŋe lao lamaiyamopa Ayapeme baa doko angiŋi lao lalu lao lena leto, leya.

1 Kiŋi 18:15

Dokopa Ilainjame isingi lao, Kamongo Porai Wakasa namba yulu pyakamingi dokona kingi lao lalu lao leto. Namba range kiŋi baa petamo dokona paro, leya.

1 Kiŋi 22:14

Leyamo dokopa Maekayame isingi lao, Kamongo lete karenge dokona lao lalu lao lao baame namba dopa laa lao langiramo doko laro, leya.

1 Kiŋi 8:35

Embena wambu dupwame emba kando koo piraminyisa embame apu epa nana lao minyarene dokopa dee nakamana koo dupwa kaepala polo lapala tembole anda dakena lenge kambu maro lao epo inyimungu piso ateŋa laraminyipa

2 Kiŋi 5:16

Ilaisame isingi lamaiyuo, Kamongo lete karenge nambame lakandenge dokona kingi lao embena bange jerene doko nyii naro lalu lao leto, leya. Nemane baame bange maiyuokondali pyuo kareyamopape Ilaisame nyii nalu nao naro, leya.

2 Kiŋi 5:20

Peyamopa Ilaisana kendemande akali Geyasimi range dopa lao suu piya. Nambana kamongo dokome Nemaneme mende ropo pyao jii napyamo mee pena lalamo kandapi. Baame Siria range akali dokome bange mainya doko nyipyali doko kapa ingyapyali. Kamongo lete karenge dokona kingi lao namba baa pelyamo dokona makando papala bange lapo nyero, leya.

Aisaya 49:18

Kamenge kara napala apa pilyamo lao paki pakipi kandarapu pyuo karalapape. Nakamana wambu dupwa anda epena elyambu pyuo epelyaminyi. Kinyi namba lete karalu karenge Anatu doko suu pyao nakamame nakamana wambu kandapala dokopa enda mapwaeme lyange mamakupi soo kalya pyuo akalinya anda pao rae maiyuo pamoli pyuo rae mairami ingyara.

Aisaya 5:6

Ranome ando girapo anamasi minyinya laro lao dokopa pyakepanyi nembo yuu kapu kyuo pii naro. Dopa pingi kandale doko suu pyao nepereke ikyaikyape pulyinya lao piru. Namba kopa dokome apu kata mai nana lao lamairu.

Jeremaya 14:22

Yuu liti wakale wakale wambunya mee bange anatuŋu lao isa kanape wasisi dupwame apu peya narami. Yake dokome susu lao apu pura pura pyao epena lao nyuo peya nara. Yulu dupwa peparae embame iki inginyi peengepya. Dokona lao namwana Kamongo Anatu emba keta dupwa peparae epara lao soo karamano.

Jeremaya 15:19

Dokona dee Kamongo dokome isingi lao, Emba kapu kyuo epare ramo doko nambame emba nyepala dee kamba emba nambana kendemande akali ingyare. Ingyapala pii koo lao papilini doko suu pyao emba wai pii keyange doko larenepa emba dee kamba nambana poropeta akali ingyare. Wambu dupwa kapu kyuo emba karare dokona eparaminyipa emba dee nakama kararami dokona pare ingya nara.

Matyu 11:14

Dokonako palyuo Ilainja epara ingilyamo lao kareyaminyi doko suu pyao Jone epapala karamo. Pii doko kinyilyamo lao suu pyarami ramo doko selapa.

Matyu 16:14

Dokopa nakamame lao, Lapome emba Jone bapitisimo nyakamaingi akali doko, lami. Lapome Ilainja lenge, lapome Jeremaya, panda akali Anatunya poropeta akali ingyuo karene lenge, leyami.

Matyu 27:47

Dopa leyamo dokopa akali lapo dusa kareyami dupwame pii doko sepala, Baame Ilainja kyakale lalyamo, leyami.

Matyu 27:49

Dopa piyamopape akali lapome dopa leyami. Mee iso karape. Ilainjame baa lete wai pyao nyela epelyape mee lao kando karamana, leyami.

Matyu 7:29

Dokona lao nakamana mawa pii mana lenge akali dupwame mana lao karenge dopale ingya napala baame porainya renge palyuo mana lamaiyuo kareya.

Luku 1:17

Wamba Ilainja porai ingyuo kareyamo imambu porai doko baa keta paliramopa Kamongona lenge kambu dokona pyuo karara. Rakange dupwame nakamana wane wanakepe dupwa mona reto karena lao simbinali pingi wambu dupwame wambu rolae pingi dupwana pii soo nyinya lara. Kamongo baa epara lao wambu dupwa rapa rapa pyuo karena lara, leya aŋalame.

Luku 1:19

Dopa leyamo dokopa aŋala dokome isingi baa lamaiya. Namba Geperiele lenge dokome Anatunya lenge kambu dokona karenge. Waili pii keyange lalono doko emba langyala puu lapyasa epelyo, leya.

Luku 21:36

Moŋo andake nakama keta eparaŋa dokona kaeya nao ateŋa lao lenge rao pisipwape. Nakama mona kuki palyuo karo Ikinyingi Akali enakana eparamo dokopa banya lenge kambu dokona kapa kararama lao ateŋa lalapa.

Luku 9:30

Dokopa akali Mosesepa Ilainjapa nakamba baamoo pii lao kareyamipya.

Luku 9:33

Kandapala akali dolapo Yesu yaki nyuo panya piyambinyi dokopa Pitame Yesu lamaiyuo, Rapu Pingi, namwa dae kapa karamano. Anda paka rema yukumanale. Mende embena pyakao, mende Mosesena pyakamyuo, mende Ilainjana pyakamyuo pimanale leya. (Baa yamarangyuo karo pii angi suu pyaa naenae kambumi mee leya.)

Luku 9:54

Dopa piyaminyi doko kandapala banya disaepole Jemesa Jonepa dolapome Yesu kando dopa lamaiyambi. Kamongo, isare yake panda piso lupyuo epapala nakama rao otena lambape, leyambi.

Jone 1:21

Dokopa nakamame piso soo, Dokonako suu pyao emba Ilainjape? leyami. Baame, Namba daa lyakande, leya. Anatunya pii nolako lao epara leyami emba akali dokope? leyami. Baa isingi lao, Daa leya.

APOSELENA YULU 27:23

Namba Anatunya akali ingyuo karo banya kingi lao karenge dokome kukwa dokona aŋala mende namba palipunu dokona repeta ipya.

Orome 11:2

Anatumi banya wambu wambo kanda soo busiyamo dokopana rombo palyiyamo dupwa mata mai nange. Ilainjame Isaraele dupwa kando lao nembo kote lalana Anatupa ateŋa leyamo doko Baepolena pii mende pyasi palamo doko silyaminyi.

Dutaronome 10:8

Dokopa yuu kyau dokona Kamongome Lipae rara akali dupwa rombo palyapala Kana Minyuo Lalu Lao Lenge Pii Palenge Bokote doko iso karo purisi ingyuo banya yulu pyakamyuo banya kingi lao wambu dupwa keta elyape pisinya lao karena leya. Leyamuli pyuo yulu doko mee dakepape pyuoko karaminyi.

Jemesa 5:17

Akali Ilainja baa namwa yale mee isa akaliko dokome ateŋa poraiyuo leyamosa ee kana rema dee mendena pingyu apu koo mende isa epa naya.

Orepalaisane 11:6

Nakambame porai renge palyuo yake kata upi larambinyipa Anatunya pii larambi gii dusipana apu epa nara. Dopako pyuo nakambame porainya renge palyuo ipwa dupwa ranjama inginyi pyambuope dee pinya suu pyarambinyili pyuo yuu dupwa anga ikyane koo kiso mairambi ingiya.