1 Kiŋi 12:13 - Anatunya Buku Baepole Ole Testamene Pii Lapo dee Nuu Tesamene

¹³ Peyaminyi dokopa kiŋi dokome akali andapae dupwame dopa pinya dapa pinya leyami pii dupwa soo koo inginyi nembapala wambu dupwa kando pii poraiyuo pondoma pyuo leya.

1 Kiŋi 12:13 ပူးပေါင်းရင်းမြစ်များ

Jenesese 16:6

Dopa pyuo leyamopape Aporame Sarai lamaiyuo, Wanake doko embena arapunya isarena ingyuo petamo dokona embame baa kando mende pinya suu pyareneli pyuo piri, leya. Doko sepala Saraimi laiya lao yango palyuo randa maiyamosa baa ralo pyakao peya.

Jenesese 42:30

Yuu range akali kamongo dokome namwa pyalanako pyuo yuu dokona maa palyuo kandakala imilyamo lao randa jipya.

Jenesese 42:7

Josepeme nakama banya yangonge lao soo kandeyamopape baame kamenge wakalende karene lao masinya lao lao kareya. Baame pyalana pyuo lamaiyuo, Nakama yuu anja rangepe, leya. Isingi lamaiyuo, Namwa yuu Kenane range nenge ropo pyala epelyamano, leyami.

2 Samyuele 19:43

Leyaminyi dokopa Isaraele akali dupwame isingi lao, Kiŋi Dapiti baa nakamana rara angingyuo karapyamopape namwa rara akalisa karo nakama mendaki iki isa palyilyamano. Dokona lao akipamo nakamame namwa kilya kando lao karamisi? leyami. Lapala namwa wambo suu pyao kiŋi doko dae lanyala eparama lao leyama doko kame see nalapape, leyami. Leyaminyipape Juta range dupwame Isaraele wambunya pii isa palyili lao poraiyuo leyami.

1 Kiŋi 12:12

Yuu gii rema papeyamopa baame nakama lamaiyamuli pyuo Jeropomemoo Isaraele wambu dupwa pipya kiŋi Oriapome peteyamo dokona peyami.

1 Kiŋi 12:14

Akali enye dupwame dopa pinya dapa pinya lena leyaminyili pyuo baame lao, Nambana rakane dokome nakama randa andake jiya. Dopa piyamopape kamame ulipili ingyuo randa jero. Baame nakama lisa marapu dokome piya kande. Nambame nakama mena osena wiki pepona dokome pyaro, leya.

Ekesetase 10:28

Dopa pipala kiŋimi Mosese kando lao, Emba dasape kara nao popengeŋe dee kando laro ramo dokopa kumapengeŋe, leya.

Ekesetase 5:2

Peraome isingi lao, Kamongo doko baa angi apinde nambame banya pii soo Isaraele wambu dupwa pena larose? Namba Kamongo baa soo gisa nalyoŋo Isaraele dupwa pena laa naro daa, leya.

Poropepe 13:20

Emba wambu mona angi palenge dupwa pipya role pyao karo mana nyere ramo doko emba wambu mona palenge ingyuo karare. Dee akali kopyali dupwa puu minyuo karare ramo dokopa emba kwao kararesa pira.

Poropepe 15:1

Wambu mendepe imbwara ramo dokopa pii anjiki pyuo laramano dokopa imbu singi doko isa para. Dopa piramopape pii poraiyuo lao imbu singi nyerama ramo dokopa isare lopo yangenge dokopa uliyapu nyuo renge dopale ingyuo imbu singi doko andara.

Jemesa 3:17

Anatu keta suu pingi epelyamo doko keyange yapasi. Doko soo nyerami dupwame yango dupwa mona mendare palyapala mendali kando anjiki pyuo yako lao mendali sakao karo yulu keyange pyuo kararami. Yanengena suu pyao yapalya yapana pyuo mee kambunya ketae Kurisene ingili lao kara narami.

1 Samyuele 20:10

Leyamopa Dapitimi isingi lao, Embena rakane dokome imbu singi nyuo pii isingi yano pyara ramo doko apimi namba langirase? leya.