1 Kiŋi 11:34 - Anatunya Buku Baepole Ole Testamene Pii Lapo dee Nuu Tesamene

³⁴ Dopa pipyamopape nambame kiŋi yulu peparae Solomonena kingi rekya lao nyeronde daa. Baa mee lete kararamo yuu gii dusipana nambame baa porainya renge maiyuoko kararo. Doo pirunu doko nambana kendemande Dapiti nambame rombo palyiyunupa nambana mawa piipi lowa piipi dupwa warombo soo pyuo kareya dokona kingi lao piru.

1 Kiŋi 11:34 ပူးပေါင်းရင်းမြစ်များ

2 Samyuele 7:14

Namba banya rakange ingyaro dee baa nambana ikinyingi ingyuo para. Baa koo piramo dokopa rakangeme banya ikinyingi pyalana pyuo randa mainginyili pyuo randa mairu.

1 Kiŋi 11:31

Dopa pipala Jeropome lamaiyuo lao, Kamongo Isaraele wambunya Anatu dokome emba langyuo, Solomonena kiŋi yulu doko nyisa nyepala nambame emba rara akalisa jeroŋo dokona komau kangusi kuki kuki dokona akalisako nyepe, lapya, leya.

1 Kiŋi 11:33

Nambame doo pirunu renge doko Solomone baame namba mata joo yuu wakale range anatu lakandeya. Baame mee bange enda anatu kingi Asetate lenge yuu Saitone range doko lakando dee mee bange anatu kingi Kemosa lenge yuu Moape range doko lakando dee mee bange anatu kingi Milokome lenge yuu Amone range doko lakando piya. Dopa pipala namba warombo see nao baa yulu kopetame pyuo dee banya rakange Dapitimi piyamo doko suu pyao nambana lowa pii mawa piipi dupwa minyuo pyuo kara nalyamo.

1 Kiŋi 11:35

Pipala namba Solomonena ikinyingi dokona kiŋi yulu doko nyisa nyepala emba rara akalisa jero.

1 Kiŋi 3:14

Embena rakane Dapiti piyamo doko suu pyao embame namba rape rape lao nambana mawa piipi lowa piipi dupwa warombo soo minyuo pyuo karare ramo doko yuu malu palyuo karare lao yuu gii londe jero, leya.

Samu 103:10

Namwa randa nyeramali dokona baame randa jii nange. Namwana koo kyai pyuo pingi dupwana yano nyeramali dokona yano pyara nange.

Samu 89:19

Yuu wamba embena kendemande akali yulu mondomondo lao pingi dupwa keta pii repa repa pyuo lao, Nambame ami yanda pyuo mupwa ingiyamo doko kiŋinya kyawa rarange maiyuo namba wambu kareyaminyi dokona rombo palyiyu doko kiŋinya petenge isa doko maiyu.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Apakuku 3:2

Kamongo embame yulu pii doko kando siyu. Sepala namba yamarangyuo karo. Yulu andake pinginyili pyuo namwa karamano dakepa pipi. Imbu piya kandepe namwa sako karape.