1 Kiŋi 1:34 - Anatunya Buku Baepole Ole Testamene Pii Lapo dee Nuu Tesamene

³⁴ Yuu dokona Satoko Netanepame baa Isaraele wambunya kiŋi karena lao kyawana mamba kisakamirambi. Dopa pirambinyi dokopa bikuli poo lao pii poraiyuo lao lao, Kiŋi Solomone doko palu karalu karara lena, leya.

1 Kiŋi 1:34 ပူးပေါင်းရင်းမြစ်များ

2 Samyuele 15:10

Dopa pyuo peyamopape baame wai pii minyingi akali lapome Isaraele rara peparae dapa lena lao lamaiyala pena, leya. Nakama bikuli pii poraiyuo ketae laramo siyami kande doko Epesalome baa yuu Eperone dokona kiŋi karamo lalapape lena lao lamainya, leya.

2 Samyuele 2:4

Dokopa Juta akali dupwa yuu Eperone epapala Dapiti Juta wambunya kiŋi karena lao rombo palyiyami. Dopa piyami dokopa Dapitimi Jepese wambu yuu Giliate range dupwame Sole baa malu pilyaminyi leyami doko siya.

2 Samyuele 5:3

Dokopa Isaraele akali mupwa dupwa peparae kiŋi Dapiti kareya dokona yuu Eperone epeyami. Dokopa baame Kamongona lenge kambu dokona nakama kando kana minyuo lalu lao leyamopa nakamame banya kyawa doko wele dokome kisakamiyaminyipa baa Isaraele wambu dupwana kiŋi ingiya.

1 Kiŋi 1:25

Yuu gii mendaki dokopako baa mena bulamakao kali malupi sipisipipi mena bulamakao yakane rondo lasipi pyao yango maiyala paamo. Papala baame embena ikinyingi dupwa peparae epena lapya. Lapala Joape embena ami yanda singi dupwana mupwa dokope Apiata purisi akali dokope pipala epena lapya. Lapyamopa epapu dakepa nakama baamoo pipya role pyao piso nenge nao pii ketae palyuo poraiyuo lao Atonainja emba kiŋi ingyuo palyuo karalu karape, letaminyi.

1 Kiŋi 1:35

Lapala baa anda kapu kyuo nambana kiŋi ingyuo petenge seya dokona pisa epeya kande dokopa baa eparamuli pyuo ipupwape. Nambame Solomone baa mupwa ingyuo nambana panda nyepala Isaraele wambupi dee Juu wambupi iso karara lao rombo palyiyu dokona baa nambana panda alowa pyuo nyera, leya.

1 Kiŋi 1:39

Papala Satokome olipi ipwange petenge penge Kamongona komau anda dokona nyuo minyuo peyamo doko nyepala Solomone kiŋi ingyuo karena lao mamba kisakamiya. Kisakamipala dokopa nakamame bikuli pii poo lao wambu peparae pii poraiyuo lapala Solomone baa kiŋi ingyuo karalu karena leyami.

1 Kiŋi 19:16

Palyapala Nimisinya ikinyingi akali Jiyu baa Isaraele wambunya kiŋi ingyuo rombo palyuo dee Sapatena ikinyingi akali Ilaisa yuu Epolo Meyola range doko opetae poropeta ingyuo embena panda nyeraŋa rombo palyuo pepe.

Samu 89:20

Nambame nambana kendemande akali Dapiti baa mamba poo pyasi dokome kiso kiŋi ingyuo karena lao piyu.

Samu 89:36

Yuu peparae banya para pyao pyaramo dupwa rembe naa naramopa banya kiŋi yulu doko nambana lenge kambu dokona neta rao karamo dopale ingyuo soo puu para.

Aisaya 45:1

Kamongo dokome akali Sairose baa kiŋi ingyuo yuu liti wakale dupwa pyao anamasi minyinya lao rombo palyiya. Baame kiŋi yango dupwana pawa dupwa pyao kui lao isa palyala pena leya. Kamongo yuu taone dupwana kame kambu dupwa banya lao pyao lumbwanyi retakamira. Sairose kando Kamongo lao dokopa

APOSELENA YULU 10:38

Yesu Nasarete range doko Anatumi Imambu Poo Pyasipi renge porai dokope maiya. Maiyapala Anatu baa role pyapeta kareyamopa baa yuu dupwana papyuo yulu keyange pyuo imambu koo dupwa raka lanyi nembo wambu pyuo nyepa piya.

1 Samyuele 10:1

Dokopa Samyueleme isa olipi jingi mamba wele ipwange pee doko nyepala Solena kyawa dokona kulimbwakamipala baa nyinyi piya. Nyinyi pipala lao, Kamongo dokome emba mupwa ingyuo banya Isaraele wambu dupwa isakare lao rombo palyilyamo. Emba wambu dupwa isakamyuo karo nakamana nyisu petenge dupwa alya isa minyili laro karare. Kamongome rombo palyuo otelyoŋo lao doko emba katasa parene dokopa mende piramo dokome nolakarasa pira, leya.

1 Samyuele 10:24

Dokopa Samyueleme wambu dupwa lamaiyuo, Akali Kamongome rombo palyipyamo doko dakeŋe. Namwa peparae mendali baa yale mende kara nalyamano, leya. Dokopa wambu peparaeme pii poraiyuo lao, Kiŋi doko pulyuo karalu karena, leyami.

1 Samyuele 16:3

Lapala dokopa Jese bange kiso maingi dokona epena larene dokopa nambame emba dopa pii dapa pii lao langiru. Nambame langirunu akali doko kiŋi rombo palyare.