1 Kiŋi 1:2 - Anatunya Buku Baepole Ole Testamene Pii Lapo dee Nuu Tesamene

² Dokopa banya akali mupwa dupwame baa lamaiyuo dopa leyami. Emba kiŋi andake doko, namwame enda mapwae mende embapa role pyao palyuo emba rapu pira kotakamanale. Kota kando nyakaramano dokopa wanake dokome emba kupyaro paliramo emba kupwa nao paliri, leyami.

1 Kiŋi 1:2 ပူးပေါင်းရင်းမြစ်များ

Jenesese 16:5

Dokopa Saraimi Aporame lamaiyuo, Namba kando semongwanyi nembo kilya kandelyamo doko emba keta palamo. Nambame kendemande wanake embena nyepakayono dokopa wane palamo mange dokopa namba kandosemongwanyi nembelyamo kandelyo. Dokona Kamongo dokome embapa nambapa apimi ingyuo kopetame pimbwa lao soo rolena, leya.

2 Samyuele 12:3

Dokopa akali pendewa dokome mena sipisipi ikyane inya mendaki iki ropo pyao nyepala minyiya. Baame mena doko au pyuo rapu piyasa banya anda dokona karo andapala banya wane wanakepe dupwa pipya role pyao kareyami. Dokopa banya nenge dupwana maiyuo pee kapo baa rangena dokona ipwa nena lao dee banya pai dupwana kupyaro piso piya. Dopa pipala mena sipisipi ikyane doko banya wanenge dopale ingiya.

1 Kiŋi 1:1

Kiŋi Dapiti baa ando emo ingiyamo dokopa banya kendemande akali dupwame porangelye yambe piyaminyipape baa mee kupwame kumuoko palyuo siya.

1 Kiŋi 1:3

Lapala nakamame Isaraele yuu muu dupwa peparaena enda mapwae keyange mende petape lao koto kareyami. Koto karo yuu Suneme lenge dokona wanake mende kingi Apisake lenge peteyamo kando nyiyami. Nyepala baa lanyuo kiŋi peteyamo dokona peyami.

Maeka 7:5

Embena anda maki palenge dokope embena puu minyingi dokomepe pii langirami dupwa angi lapo langilyaminyi lao suu pyaa napipi. Dee kamame embena etene dokope kandokondali pyuo pii waso lamaipi.

Dutaronome 10:8

Dokopa yuu kyau dokona Kamongome Lipae rara akali dupwa rombo palyapala Kana Minyuo Lalu Lao Lenge Pii Palenge Bokote doko iso karo purisi ingyuo banya yulu pyakamyuo banya kingi lao wambu dupwa keta elyape pisinya lao karena leya. Leyamuli pyuo yulu doko mee dakepape pyuoko karaminyi.

Dutaronome 13:6

Kamame nakamana yangonge mendemepe panda nakamana wane wanakepe dupwana mendemepe panda nakamana etene angi mona retenge dokomepe panda nakamana puu minyingi angi dokomepe mee bange anatu nakamana rora ambasu dupwamepe kamame lakanda nange dupwa nakama lakandamili lao kongo pyuo langyuo lara.