1 Jone 5:3 - Anatunya Buku Baepole Ole Testamene Pii Lapo dee Nuu Tesamene

³ Dokonako ingyuo namwa Anatu mona reto kararama doko banya lowa dupwa palengenyili pyuo pyuo kararamasa pira. Banya lowa dupwame randa jii nange.

1 Jone 5:3 ပူးပေါင်းရင်းမြစ်များ

Samu 119:140

Namba embena lalu lao leene doko angi piraŋa doko soo kaepala mona nyuo karo.

Ekesetase 20:6

Dopa pirunupape wambu malu mee namba mona retapala nambana mawa pii dusipa minyaro kararaminyi dupwa nambame mona retalu reto retenge.

Poropepe 3:17

Mona palenge singinya renge dokome emba mona kyaka palyuo kata angi lasaka pyuo kyawa minyaramo karare.

Daniele 9:4

Nambana wambu dupwana koo dupwa kame sakaminya lao nambana Kamongo Anatu kando ateŋa lakamiyu. Nambame lao, Kamongo Anatu emba kamame andake. Namwame emba ketae pyambuo rape rape lao lakando karamano. Emba embena kana minyuo lalu lao lenge pii doko suu pyao minyaro karenge. Dee wambu lapome emba mona reto embame pii lengenyili pyuo pingi dupwa embame mona retalu reto retenge.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Matyu 23:4

Nakamame bange kenda andake pingi lekeleke rao singi dupwa yama pipala akali dupwana lange dokona retenge. Retapalape nakamana kingi pyambuo nyisa nange.

Jone 14:15

Nakamame namba kando mona reto kararami ramo doko nambana mawa pii dupwa elya pyuo minyuo kararamisa pira.

Jone 15:10

Nambame Rakanena pii lengenyili pyuo warombo soo karo dokopa baapa mona reto karambano doko suu pyao nakamame nambana pii warombo soo kararaminyipa nambapa mona reto kararamasa pira.

Jone 15:14

Nambame nakama pipya lao laronuli pyuo kararami ramo doko nambana puu minyingi ingyuo kararamisa pira.

Orome 7:12

Lowa angi doko poo pyasi. Dee pii lowa dokona pyasi palamo doko poo pyasioko doko rolae keyangepe ingyuo silyamo.

Orome 7:22

Kinyi nambana mona andarena Anatunya lowa doko mona retelyo.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

Ipuru 8:10

Dokona lao lalu lao lenge pii enenge mende Isaraele wambu pipa laro letamo. Doko nambana lowa dupwa nakamana suu pingi dorena retaro. Nakamana mona anda dokona nambana lowa dupwa pepana ingyuo pyao retaro. Nambame nakamana Anatu angingyuo kararonopa nakama nambana wambu angingyuo parami.

1 Jone 2:3

Banya lowa dupwa leyamuli pyuo pyuo kararama ramo dokome baa soo nyilyu lao soo pakana palyuo seramasa pira.

2 Jone 1:6

Mona retarama doko Anatunya mawa pii laramuli pyuo pirama dokona letamo. Mona retenge kata dokona palyuo pyuo karalapape lao mawa pii andake doko yuu wamba singi kandale.