1 Jone 5:20 - Anatunya Buku Baepole Ole Testamene Pii Lapo dee Nuu Tesamene

²⁰ Anatu kinyinya renge renge kuiyuo lao karamo doko apa pyuo namwame serama lao saka nayamano dokona Anatunya Ikinyingi epapala mana langiyamo dokona epapu silyamano. Dokona lao kinyi renge kuiyuo lao karamo doko baapa banya Ikinyingi Yesu Koraisa dokopana arapu dokona petamano. Anatu doko kinyi karenge. Kyakana renge kulisa palu palenge doko kinyi.

1 Jone 5:20 ပူးပေါင်းရင်းမြစ်များ

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Aisaya 9:6

Wane mende manjakarami. Ikinyingi doko jera ingilyamo. Doko namwa iso karara. Banya kingi doko Rapu Pingi Nyiso Karenge Elyapiŋi laraminyi karara. Anatu Porai doko, Letena Renge Palenge Rakaneŋe, larami. Kiŋi Mona Kyuu Lao Singinya Ikinyingi, larami.

Jeremaya 23:6

Baa kiŋi ingyaramo dokopa Juta wambu dupwa kyawa minyara. Dee Isaraele wambu dupwa manda rao mona seramo palyuo karo pirami. Banya kingi doko Kamongo Namwana Lete Wai Pyao Nyingi, larami.

Matyu 13:11

Dokopa baa isingi lao dopa leya. Nakamame yake pandana isingi yulu yalu pisi silyamo renge dupwa kapa silyaminyi. Siminyipape wambu menge dupwa kapa see nalyaminyi.

Luku 21:15

Nambame nakama nyisaronopa suu pingi keyange paleta pii mora piso lao kararaminyipa nakama kando letaminyi dupwa apiyanda pyuo lisa pirami.

Luku 24:45

Lapala Anatunya pii pyasi dupwana renge dupwa polo lamaiyamosa soo nyiyaminyipa lao kareya.

Jone 1:18

Mendeme Anatu kanda nange. Ikinyingi mendaki iki doko Rakangena mona enge dokona karenge dokome baa apiyakalende lao rolo leya.

Jone 10:30

Namba Rakanepa mendaki ingyuo karambano leya.

Jone 14:20

Namba Rakanena arapu dokona karelyonopa nakama nambana arapunya karaminyipa namba nakama pipya karo pilyu doko yuu gii mende pyaseramo dokopa nakamame soo gisarami.

Jone 14:23

Yesumi baa isingi lamaiyuo, Akali mendeme namba kando mona retara ramo doko nambana pii warombo soo karara. Dokopa nambana Rakangeme baa mona retaramopa baa karara dokona nambwa epo baamoo pipya role pyao palu palirama.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 14:9

Yesumi baa lamaiyuo, Pilipa namba nakama pipya yuu andarele karenge doŋo nakamame namba apisi lao soo gisa nalyamisi? leya. Mendalimi namba kandapala dokome baa opetae kando soo gisilyaminyi. Doko suu pyao namwa Rakange lasaka pipi letene doko akipamo letese?

Jone 15:4

Nambapa karo paka lakyuo paa nalapape. Dokopa namba nakama keta kararo. Wangya mende marangena sisingi dokona piso ando kara nara ramo doko rangeme sisu lao jingi lyii nara doko suu pyao nakama nambapa pako kara narami ramo doko nakama elyape keta kara narami.

Jone 17:14

Nambame embena pii doko nakama lamaiyu. Namba dae yuu range ingya nao karo doko suu pyao nakama opetae mee sisi panda ingyuo karaminyi dokona isa wambu yango dupwame nakama epekanda nao karaminyi.

Jone 17:25

O Rakane rolae pingi doko, isa wambu dupwame emba soo nyepa naminyipa nambame emba soo nyuo kaepunupa wambu lapome iki embame namba mapanyi peelyamo lao soo gisilyaminyi.

Jone 17:3

Isa wambumi emba Anatu angi karenge dokome Yesu Koraisa mapanyi pee doko kando serami doko kyakana renge kulisa doko nakama keta palira.

Jone 20:28

Tomasa baame sepala soo neta nemba nao isingi lamaiyuo, Emba nambana Kamongo, nambana Anatuŋu leya.

Jone 8:42

Yesumi nakama lamaiyuo, Anatu nakamana Rakange ingyapyali dokome namba mona retamili. Dokona lao Anatunya arokwa dokona karo epeyo. Namba rangeme sisu lao epeyonde daa. Baame namba mapanyi peeyamosa epeyo.

APOSELENA YULU 20:28

Nakama range yulu koo pisasarama lao kandokondali pyuo waso karo Imambu Poo Pyasimi sipisipi rapu pyuo kararami lao jiyamo dupwa mondo koo lao rapu pyuo karalapape leto. Anatunya Elyambu Pingi doko mondo lao rapu pyuo karalapape. Baame banya Ikinyinginya ranjama dokome kiiramo nyiya kande.

Orome 9:5

Anatunya akali andake lapo nakamana rakange kyawa ingyuo kareyami. Koraisa akali ingyuo nakamana rara dokona epeya. Anatu baame wambu dupwa iso karalu karenge dokome banya kingi lakando karalu karena, doko kinyi.

1 Korina 1:30

Anatumi nakama nyuo Yesu Koraisa keta pyamalyiya. Dopa pyuo dokopa Anatumi Koraisa baa namwana singinya renge inginyi pyambuya. Koraisapa lapolapo lao Anatumi namwa nyuo baapa rolae inginyi pyambuya. Dopa pyuo namwa kiiramo nyepala Anatu rangena wambu inginyi pyambuya.

2 Korina 4:6

Anatumi pii dake lao dokopa, Iminjingi dokona yango rale pira lao Anatu mendaki dokome banya yanga paupau lenge namwana monarena dokona rao karena leya. Dopa pyuo rao karena leyamo dokopa Anatunya yanga paupau lenge Koraisana lenge kambunya nyiya doko soo gisarama lao namwa keta langyuo jiya.

2 Korina 5:17

Wambu mendali Yesu Koraisapa pakarambi ramo doko baa kyaka ingyuo para. Wambarae doko isa paramopa enenge doko sipuro eparasa pira.

Epesasa 3:18

Koraisana mona rentengena makande doko kamame andake dokome, Yuu nanesa pao oto ruŋu paŋu lamo laope yuu ulu pao lepo pyuo lamo laope yuu ono komba ayanda pao lamo laope nakama Anatunya wambu peparae dupwamoo pipya, kando simili yaka lao ateŋa lakalyo.

Pilipai 3:9

Dopa piru ramo dokopa namba Yesu Koraisapa pakalu pakao pakarosa pira. Namba range sipurapala Mawa Pii dupwa warombo sepala dokome rolae ingyuo paa nayo doko kandelyo. Dakepa Yesu Koraisa kapa ingingi lao suu pyapala rolae ingyuo karo. Rolae pingi renge doko Yesu kapa ingingi lao suu pingi dokona Anatumi joo karamo.

1 Timoti 3:16

Elyambu Pingi doko anda pinginya ingyaro Anatunya Imambunya yulu dokona renge yalu pyuo siyamopa kando nyiyama doko mendeme mupwa daa lao matarena pii larami ingya nalyamo. Wambu wai pyapala akali lenge kambu nyuo paneyamopa, Imambumi baa rolae wakasaŋa lao lao paneyapya. Aŋala dupwame baa kandeyamiko. Rara wakale dupwana baa dokona lao lamaiyuo peyami. Yuu muu dupwana baa kapa ingingi lao suu pyao mona maiyami. Baa lopo epapala yake panda peya.

Taitesa 2:13

Namwa yuu gii elyape keta pisarami lao namwana Anatu kamame wakasa dee Lete Wai Pyao Nyingi Yesu Koraisapa neta renge ingyuo panarambi doko iso karamano.

Ipuru 1:8

Dopa pyuo leyamopape Ikinyingi kando dopa leya. Emba Anatuŋu, peparae isa karalu karare lyakande rolaena renge palyuo embena wambu dupwa rolae dokome iso karenge.

1 Jone 2:23

Mendeme Ikinyingi karamo pii doko soo nembapala lao karara ramo doko Rakange soo nyii nao larasa pira. Mendeme Ikinyingi karamo pii dokona palyuo lara ramo baa Rakange opetae soo nyepala larasa pira.

1 Jone 2:24

Pii wamba kanda soo nakama siyami doko nakamana monarena palu palena. Pii doko nakama keta palu palira ramo dokopa Ikinyingi Rakangepana arapu dokona yuu peparae nakama karalu kararami ingyara.

1 Jone 2:6

Mendeme Yesunya arapu dokona karo lara ramo doko Yesu pyuo kareyamuli pyuo karapenge ingilyamo.

1 Jone 4:14

Rakangeme banya Ikinyingi isa wambu dupwa lete wai pyao nyela pena leyamo epeya dokona kandapala angi kandeyama lao letamano.

1 Jone 4:16

Dopa pyuo Anatumi namwa mona reto karamo lao soo gisapala kulisa palyuo mona retelyamo lao suu pilyamano. Anatu baa mona retenge dokona mendeme mona reto karara ramo doko baa Anatunya arapu dokona kararamopa Anatu baa keta epo maralyarasa pira.

1 Jone 4:2

Mendeme Yesu Koraisa baa mee yanenge nyuo epeya dopa lao suu pyapala laramo dokome nakamame baa Anatunya Imambumi minyapyamo karapyalyamo lao serami.

1 Jone 5:1

Wambu Yesu baa Koraisa angi karamo lao suu pilyaminyi dupwa peparae Anatunya wane wanakepe ingyuo karaminyi. Wambu Rakange Anatu mona mairami ramo doko banya wane wanakepe ingilyamo dupwa opetae mona mairamisa pira.

1 Jone 5:15

Dokona lao baa mende pipyali lao piso serama ramo baa ateŋa soo karenge dokome wambo kapaŋa lao suu pyapyamo dokona apoki lele lao lamaimwaŋa lao silyamano.

1 Jone 5:18

Anatumi wambu mende kyaka ingyuo manjo nyera ramo doko baame yulu koo pyuo karalu kara narasa pira doko silyamano. Dokona lao Anatumi mende manjo nyiyamo Yesu dokome wambu doko nyiso kararamopa imambu koo dokome wambu doko keta rambu lalana saka nara.

1 Jone 5:5

Api mendeme isa yuunya yulu anamasi minyuo karara? Mendeme Yesu baa Anatunya Ikinyingi lao kulisa palyuo suu pyara dokome anamasi minyuo karara.

Orepalaisane 15:3

Nakamame Anatunya kendemande akali Mosesena kenane doko pyao dee Sipisipi Ikyanena kenane doko pyao dopa pyuo leyami. O Kamongo Anatu Ama Porai doko, embena yulu dupwa peparae ama wakasa ingyapala elyape rolae ingyuo singi. Emba yuu muu peparaena kiŋi ingyuo karene.

Orepalaisane 19:11

Enakana yake kata lumbuyamo kandeyono dokopa mena ose kakepamende kareya. Mena dokona mendeme banya kingi doko Kaeya Nao Rolae Pyuo Karalu Karenge lengende peteya. Baame kote lalanape dee yanda pinyape dokopa rolae dokona palyuo pyuo karenge leyami.

Orepalaisane 3:14

Aŋala Leotosia Elyambu Pingi wambu rapu pyuo karamo dokona dopa pyuo pepa pyao maipi. Mendeme Kinyinya Rengepe Anatunya pii rolae nembo lao kinyi doko iki lengepe Antunya wasiyamo dupwana renge kuiyuo kanda siyamo dokope baa dopa letamo.

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.

Orepalaisane 6:10

Nakama pii kyakale rekyae koo lao lapala dopa leyami. Rolo Pingi Porakai Poo Pyasi Kamongo, embame yuu gii akipare epo paparamopa wambu namwa pyao kumakayami dupwa kote lao randa mairiŋi lao iso kararese? leyami.