1 Jone 4:9 - Anatunya Buku Baepole Ole Testamene Pii Lapo dee Nuu Tesamene

⁹ Anatumi banya Ikinyingi mendaki iki dokoko isa yuu dakena baa renge kuiyuo pyuo nyeramopa namwa lete karalu kararami lao pena leya doko Anatumi namwa mona retelyo dokona pilyu lao namwa kandalapape lao lasaka piya.

1 Jone 4:9 ပူးပေါင်းရင်းမြစ်များ

Jenesese 22:2

Baame lao, Embena wane ikinyi mendaki iki mona wakasa retenge Aisake kandapi doko nyepe. Nyepala lanyuo yuu Moraya papala yuu kyau mende nambame lasaka pirunu dokona pyao kisakare, leya.

Samu 2:7

Kiŋi dokome lao, Kamongo dokome lapyamo pii dupwa nambame polo larole. Baame namba langyuo, Emba nambana ikinyingiŋi. Epapu dakepa namba embena rakange ingyuo karoŋo.

Make 12:6

Dopa pyuo piyaminyipa yulu akali oteyamosa mendaki iki kareya. Doko banya ikinyingi mona reto karenge doko kareya. Enakana nakamame doko nambana ikinyingi lao suu pyapala banya pii seramiŋi lao suu pyapala pena leya.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

Jone 10:10

Waa nyingi akali dokome mee waa nyuo kokwa soo nembala epenge. Epelyaminyipape nambame nakama keta kyakana renge doko maiyuokondali pyaa epeyo.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 3:16

Anatumi isa wambu dupwa ama mona retapala banya Ikinyingi mendaki dokoko jiya. Dokona baa kapa ingingi lao suu pyarami dupwa kwalu kwao kwaa napala kyakana renge palu palenge doko nyerami.

Jone 3:18

Baa kapa ingingi lao suu pyapala mona mairami dupwa kambuyanda pyuo lao koo keta palyaramo kara narami. Mendeme baa kapa ingya nange lao suu pyapala mona mai nalyaminyi dupwa epapu kambuyanda pyuo koo keta palyapyamo karaminyi. Anatunya Ikinyingi mendaki dokona kingi doko kapa ingya nange lao suu pyapala karaminyi dokona kote pii palamo.

Jone 5:23

Wambu peparaeme Rakange kando ketae pyambuo karaminyi dopako pyuo Ikinyingi ketae pyambuo karena lao maiya. Mendeme Ikinyingi kando ketae pyambuo kara narami dupwame Rakange mapanyi peeyamo doko ketae pyambuo kara naramisa pira.

Jone 6:29

Yesumi nakama isingi lamaiyuo, Anatumi mapanyi peeyamo doko kapa ingingi lao suu pyapala mona mairami yulu dokoko Anatumi pimili lao suu pilyamo leya.

Jone 6:51

Namba borete letena renge palenge yake panda rae karo. Wambu mendeme borete dake nara ramo doko baa karalu karara. Nambame isa wambu dupwa lete karalu karamili lao suu pyapala nenge borete makande pyuo nambana yongo mairu leya.

Jone 6:57

Lete karenge Rakange dokome namba mapanyi peeyapala dokome lete karo. Dopako pyuo wambu namba narami dupwa namba keta lete kararami leya.

Jone 8:29

Namba mapanyi peeyamo doko nambapa karambano. Yuu peparae nambame baa rae mairali yulu dupwa pingi dokome namba yaki nyii nao karamo leya.

Jone 8:42

Yesumi nakama lamaiyuo, Anatu nakamana Rakange ingyapyali dokome namba mona retamili. Dokona lao Anatunya arokwa dokona karo epeyo. Namba rangeme sisu lao epeyonde daa. Baame namba mapanyi peeyamosa epeyo.

Jone 9:3

Yesumi isingi lao Akali dokome koo mende pyuope endangi rakangepame koo mende piyambisa baa lenge kwaesi manjo nyiyaminde daa. Anatunya yulu andake baa keta maro lara ingiyasa lenge kwaesi manjo nyiyami.

Orome 8:32

Banya Ikinyingi yeelyo mandeyamo doko range retaro kara napala namwana lao kumala penale leya. Rangena Ikinyingi doko jiya kande. Dokome dee bange wakale dupwa peparae mee jii narase?

Ipuru 1:5

Anatumi aŋala anjukusi kando, Emba nambana ikinyingiŋi epapu dakepa nambame embena Rakange ingyuo karoŋo, lamaiyase? Dee Anatumi aŋala dupwana mende kando, Aŋala dokona namba Rakange ingyuo kararo baa nambana ikinyingi ingyuo pelyamo, leyase?

1 Jone 3:16

Yesu baa namwana lao kumuo jiyamo dokome mona retenge kata angi doko lao soo manji nyisi karamano. Dokona lao namwame yangonge dupwana lao kumuo maiyuo karapenge ingilyamo.

1 Jone 4:10

Namwame mee Anatu mona retowane lao reta nalyamano. Baa renge kuiyuo namwa range mona retapunu pilyamo lao banya Ikinyingi namwana koo dupwa yambe pyaraŋa pena leya dokona namwame Anatu range mona retelyamano.

1 Jone 4:16

Dopa pyuo Anatumi namwa mona reto karamo lao soo gisapala kulisa palyuo mona retelyamo lao suu pilyamano. Anatu baa mona retenge dokona mendeme mona reto karara ramo doko baa Anatunya arapu dokona kararamopa Anatu baa keta epo maralyarasa pira.

1 Jone 5:11

Pii doko Anatumi namwa kyakana renge palu palenge doko jero lao leyasa piya. Kyakana renge palu palenge doko banya Ikinyingi keta namwa jiya.

1 Jone 5:13

Nakama Anatunya Ikinyinginya kingi doko kapa ingingi lao suu pyao karaminyi dupwa kyakana renge kulisa palu palenge doko nakama pipwa palamo lao soo gisalapape lao pepa dake pyao jilyu.