1 Jone 3:20 - Anatunya Buku Baepole Ole Testamene Pii Lapo dee Nuu Tesamene

²⁰ Namwa range koonde karo lao suu pyanyi pyano karo kande dokopa Anatunya lenge kambu dokona namwana mona doko kyuu lao seramo kararama. Namwa isa wambunya suu pingi kapa ingya nalyamosa Anatu wakasa dokome soo giso karenge renge dokona namwa mona kyuu lao seramo kararama.

1 Jone 3:20 ပူးပေါင်းရင်းမြစ်များ

Samu 90:8

Embame namwana koo dupwa kapa kandanyi nembo karene. Namwana koo yalu pyuo pilyamano dupwa kapa kanda nare ingya nalyamo.

Jeremaya 23:24

Mendemepe nambame kanda naro panda mendena yalu pyuo kara nara. Namba yake panda dorenape isa yuu panda darenape peparaena kapa kapa pyuo karo doko emba see nalese?

Jone 21:17

Lapala dee kamba repo pyuo piso siya. Saimone, Jonena ikinyingi, embame namba puu minyuo karese? leya. Baame repo pyuo, Embame namba puu minyuo karese? lamaiyamo dokopa Pita mona randaya. Randapala, Kamongo, emba peparae soo gisingi leya. Nambame emba puu minyuo karo doko emba kando silinyi lao kande, leya. Yesumi baa lamaiyuo, Nambana sipisipi nenge pyako karape, leya.

Jone 8:9

Dokopa pii leyamo doko sepala nakama mendaki mendaki lao andapae dupwa wambo peyaminyipa pao karo ote leyami. Dopa piyaminyi dokopa Yesu enda dokopa yeelyo kareyambi.

APOSELENA YULU 5:33

Dopa leyaminyi pii doko sepala nakamame aposele dupwa kando imbumi kumapala pyamwali lao suu pyao peteyami.

Orome 8:34

Dokona mendeme nakama kando lara ingilyase? Yesu Koraisa baa kumapala lete lopo epo papala Anatunya kingi rolaerena karamo. Baame namwana lao Anatu lamaiyuokondali pyako karamo.

1 Korina 4:4

Namba rangena suu pingi silyuŋu leto doko namba range rolaeŋe lao lapusa pii nalyamo. Kamongo baame yeelyo namba yapo lara ingilyamo.

Taitesa 3:11

Akali dopale baa Anatunya Imambunya yulu suu pyaa nao kumasi kyukurenge karo banya koo dupwame baa akali kyai lao lasaka pingi doko emba silinyi.

Ipuru 4:13

Anatumi bange peparae wasiyamo dupwana mende baapa nee pyuo sera ingya nalyamo. Bange peparae Anatunya lenge kambunya panembena sera. Baa ketako mendali neta paa napala namwa peparae rangena yulu dupwa polo lamairama.

Ipuru 6:13

Anatumi Aporakame kando mende piru lao lalu lao leya. Pii doko wambu mendena kingi lapala lara ingya nayasa baa mupwa dokome rangena kingi dokona lapala kingi ketae nembeya.

1 Jone 3:19

Dopa pyuo kararama ramo dokome namwa kinyi palengena palyuo ingyuo karalyamano lao range serama. Sepala Anatunya lenge kambunya mona kyuu lao seramo kararama.

1 Jone 3:21

Nambana puu minyingi dupwa namwa range koonde karo lao suu pyanyi pyano kararama ramo doko Anatunya lenge kambu dokona eŋa nembo kararamasa pira.

1 Jone 4:4

Nambana wane wanakepe dupwa nakama Anatunya ingyuo karaminyi dokome nakamame imambu koo doloma nyuo anamo karaminyipa pilyamo. Nakamana imambu monarena karamo doko porai wakasa ingyapala mee isa wambunya imambu monarena karamo doko kandanyi palyapyamo pilyamo dokome nakamame doloma nyuo anamo karaminyipa pilyamo.

Orepalaisane 2:23

Enda banya wane wanakepe pyao kumakaro dokopa Elyambu Pingi wambu peparae nambame wambunya suu pingi mona anda dupwa kando soo giso karo doko serami. Sepala nambame isa wambu yulu piraminyili pyuo manda manjo kingi kisaro doko serami.