1 Jone 3:2 - Anatunya Buku Baepole Ole Testamene Pii Lapo dee Nuu Tesamene

² Nambana puu minyingi dupwa epapu namwa Anatunya wane wanakepe ingyuo petamano. Namwa yake panda dokona apiyakale ingyarama lao nolaka napyamopa kando sepa nalyamano. Dopa piramopape Yesu pano eparamo dokopa namwa baa angi rolae kandarama dokome baa yale ingyarama.

1 Jone 3:2 ပူးပေါင်းရင်းမြစ်များ

Jopo 19:26

Nambana yanenge opetae doko anga yakaneme nao kopetame kokwa sinyi nembaramopape Anatu doko kandalopono.

Samu 16:11

Embame kata pao lete pandana penge doko namba lasaka piri. Emba yuu peparae namba repeta karene dokome rae mainyi nembapyasa mona pyakalyuo pyao karalu kararo ingilyamo.

Malakae 3:2

Dopa piramopape baa eparamo yuu gii dokopa api mendeme lambo lao mee kararase? Baa epo maro laramo dokopa api kuma nao mee pyuo serase? Akali baa isareme kapa kiso au pingi dopale ingyuope sopo poraimi wate pingi dokopa karo waiya lao penge dopalepe ingyuo karara.

Matyu 5:8

Wambu mona mendaki palyuo karaminyi dupwame Anatu kandarami dokona nakama rae maiyuo pelyaminyi.

Luku 17:30

Dokona palyuo yuu gii Ikinyingi Akali doko panembena eparamo dokopa dopako pyuo kararami ingilyamo.

Luku 20:36

Nakama aŋala ingyuo papala dee kuma narami. Anatumi nakama lete minyalyuo nyeramo dokopa banya wane wanake ingyuo parami.

Jone 1:12

Yako lao nyii nayaminyipape wambu baa yako lao nyepala banya kingi doko kapa ingingi lao suu pyapala mona maipa piyami dupwa Anatunya wane wanake ingyuo karena lapa piya.

Jone 11:52

Juu wambu dupwanako iki daa Anatunya wane wanake raeyo petaminyi dupwa nyuo mendakinya ingyuo petena lao kumara renge dokona leya.)

Jone 17:24

Rakane, wambu namba jiinyi dusipa namba kararo dokona nakama opetae role pyao karamwali lao leto. Karo dokopa isa yuu ene pyuo wasapa naenepa embame namba mona retapala yanga paupau lenge renge jii doko nakama kandarami.

Orome 8:16

Anatunya Imambu epo namwana imambu dokopa pakapala karapyamo dokome namwa Anatunya wane ingyuo pelyamano lao pano letamo.

Orome 8:18

Yanga paupau lenge epo panara dokome dakepa randa nyilyamano dupwa mee ingyara lao sepala leto.

Orome 8:19

Anatunya bange wasiyamo dupwa peparaeme Anatunya ikinyingi para pyao nyiyamo dupwa pano epo nolakarami dokona kandalana kata kando isaro karaminyi.

Orome 8:29

Anatumi wambo rombo palyiya wambu dupwa nakama banya Ikinyingi yale isa komba pyao parami lapala yapalyuo nyiya. Yapalyuo nyiyamo dokome banya Ikinyingi doko yangonge dolomana baame siki nyuo karara ingilyamo.

1 Korina 13:12

Yuu gii dakepa namwa ketapa kai nyisinya kandenge dopale. Rengya angi Anatunya lenge kambu kandapala dokopa kando rolarama. Epapu dakepa namba soo gisapa nalyo. Anatu nambana mona anda soo gisingi doko suu pyao gii pyaka seramo dokopa nambame baa kando soo gisaro.

1 Korina 15:49

Namwa dakepa akali Atame wambo yuu dokome wasisi kareya dopale karamano. Enakana dokopa akali yake panda piso epeya dopale isa komba pyao parama.

1 Korina 2:9

Anatunya pii poo pyasi dokome dopa letamo. Akalimi see naope kanda naope dee mende pira lao suu pyaa nao pingi angi dokona Anatumi wambu baa mona retenge dupwana lao rapa rapa pyakamyuo kareya.

2 Korina 3:18

Dokona lao namwana lenge kambu dupwana mende yambe pyaa napyamopa karamano dokome Kamongona yanga paupau lenge doko nyepala namwa yanga paupau lao baa yale manda manjinyi pyambulyamo. Yanga paupau lenge jilyamo Kamongo doko baa Imambu.

2 Korina 4:17

Epapu dakepa namwa randa kuki waiya lao pao otaramo doko nyimwano dokona rengya yanga paupau lenge renge andake wakasa rao karalu karara doko nyerama. Yanga paupau lenge renge nyeramano doko ama andake ingyaramo dokopa randa wambo nyiyama doko kuki ingyuo peya lao kandarama.

Galasia 3:26

Yesu kapa ingingi lao suu pingi dokome nakama peparae Anatunya ikinyingi ingyuo Koraisa Yesunya arapunya karaminyi.

Galasia 4:6

Epapu nakama banya Ikinyingi ingilyamo dokona lao Anatumi banya Ikinyinginya Imambu, Rakane nambana rakane lenge doko nakamana mona dokona palena leya.

Pilipai 3:21

Anatumi namwana isa wambunya yongo kwaelyamo dupwa kaepala banya yongo yanga paupau lenge dokona makande minyuo alowa pyuo jera. Banya porainya renge isa bange peparae nyuo isa palyingi dokome kapa pira.

Kolosi 3:4

Koraisa baame namwana angi letena renge ingyuo karamo. Rengya baa panembena epara dokopa nakama opetae Kamongona neta renge yulu dokona role pyao ingyuo para.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.

2 Pita 1:4

jeroŋo lao wambo lasaka pilyamo. Ene angi nyerami dokopa isa pandana suu pingi koo wambu kokwa singi dupwa wanjo karapala baa yale ingyuo kararami.

1 Jone 2:28

Kurisene wanenge ikinyingipi dupwa baa pano eparamo dokopa namwa eŋa nembo karo banya lenge kambu dokona inyimungu elya nao karapuli yaka lao epapu banya arapu dokona pisipwape.

1 Jone 2:7

Nambana puu minyingi dupwa lowa enenge mendena pyao langya nalyo. Lowa wambarae nakama yuu wamba singi kandale dokonandeko langilyu.

1 Jone 3:1

Rakange Anatu namwa renge kuiyuo mona reteyamo dokome namwa banya wane wanakepe leya dokona suu pyaokondali pipwape. Namwa mee dopa rapisa lao wane wanakepe laa nange. Namwa banya wane wanakepe angingyuo karamano. Dokona isa yuunya suu pingi wambu dupwame Anatu apa pyuondeme pyuo karamo lao soo pakana palya nayami doko suu pyao namwa apa pyuondeme pyuo karaminyi lao soo pakana palya nalyaminyiko.

1 Jone 3:10

Mendeme yulu rolae pyuo kara nara ramope baame banya yangonge mona reto kara nara ramope doko baa Anatunya ingyuo daa. Dokome api Anatunya wane wanakepe api Satanena wane wanakepe lao kando gisarama.

1 Jone 3:21

Nambana puu minyingi dupwa namwa range koonde karo lao suu pyanyi pyano kararama ramo doko Anatunya lenge kambu dokona eŋa nembo kararamasa pira.

1 Jone 5:1

Wambu Yesu baa Koraisa angi karamo lao suu pilyaminyi dupwa peparae Anatunya wane wanakepe ingyuo karaminyi. Wambu Rakange Anatu mona mairami ramo doko banya wane wanakepe ingilyamo dupwa opetae mona mairamisa pira.

Orepalaisane 2:28

Yuu yangama yangama yakena bui andake yoyo lenge nakama keta mairu. Bui yoyo lenge doko bui doloma nyuo enakaenge doko suu pyao nakama mupwa wakasa ingyuo parami dokonasa letamo.

Orepalaisane 22:4

Nakambame Anatunya lenge kambu kandarami dokopa nakamana enamba dokona banya kingi doko pyasi palira.