1 Jone 2:20 - Anatunya Buku Baepole Ole Testamene Pii Lapo dee Nuu Tesamene

²⁰ Dopa piyamopape Imambu Poo Pyasinya renge raa lasi Yesu Koraisa keta jiyamosa dokome nakama peparae rolo silyaminyi.

1 Jone 2:20 ပူးပေါင်းရင်းမြစ်များ

Samu 16:10

Rengedoko embame namba kumunginya porai renge doko neta nembo kyawa minyilini. Embame mendali mona retenge doko wambu kumasi palenge dokona nemba nangepya.

Samu 23:5

Embame nambana yanda pimwainya lenge kambu dokona nenge andake yaowakalana rapa rapa pilini. Embame kyawa dokona mamba kulimbwakao kisakapinyi dokome embame upinili mende epelyamo yako lao nyingi dopale ingyuo namba laku nyingi.

Aisaya 43:3

Namba nakama Isaraele wambunya Kamongo Anatu poo pyasi nakama kyawa lete nyingi doko. Nambame nakama mona seramo karalapase lao Isipi wambu dupwa kyawa yaki nyuo nakama kiiramo nyero. Dee namba Itiopia wambupi Sepa wambupi opetae kyawa yaki nyeroko.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Matyu 13:11

Dokopa baa isingi lao dopa leya. Nakamame yake pandana isingi yulu yalu pisi silyamo renge dupwa kapa silyaminyi. Siminyipape wambu menge dupwa kapa see nalyaminyi.

Make 1:24

Pisipala baa pii porakaiyuo kaeyo dopa pyuo leya. Yesu Nasarete range doko embame namwa apa pinya lao pilinyi? Embame namwa kokwa sela ipisi? Emba apipi lao namba silyu. Emba Anatunya akali yapasi, leya.

Luku 4:18

Kamongona Imambu doko namba maralyipyamopa karo, dokona lao wambu pendewa dupwa waili pii keyange doko boo pyao lamaiyuo karape lao rombo palyapya. Puu maisi karaminyi dupwa mokwarami laope lenge kwaelyamo dupwa lenge rao kararami lao boo pyao lamaiyala pupi lapyasa epelyo. Wambu isare rao iso karaminyi dupwa mokwala pupi lao

Luku 4:34

Aa, Yesu Nasarete range embame namwa apa pinya lao pilinyi? Embame namwa kokwa sela epase? Emba apipi lao namba silyu. Emba Anatunya Poo Pyasi Akali, leya.

Jone 14:26

Dopa pirunupape Nyisingi Imambu Poo Pyasi Rakaneme nambana kingi lao mapanyi peeyaramo doko pii peparae mana langyuo pii langilyu dupwa peparae nakama suu pyanyi pyambwakara.

Jone 16:13

Kinyi lengena Imambu doko epapala dokopa baame nakama pii kinyi peparae mana langira. Dokona lao baame range sisu lao larande daa. Baa renge seramuli pyuo polo langyuo karara. Baame ene pipa nalyamo dupwa wambo nolakao lao karara.

APOSELENA YULU 10:38

Yesu Nasarete range doko Anatumi Imambu Poo Pyasipi renge porai dokope maiya. Maiyapala Anatu baa role pyapeta kareyamopa baa yuu dupwana papyuo yulu keyange pyuo imambu koo dupwa raka lanyi nembo wambu pyuo nyepa piya.

APOSELENA YULU 3:14

Anatumi baa yanga paupau lanyi pyambuyamopa wambo poo pyasi rolae pingi doko nakamame mata maipala akali koo mende wambu yango pyao kumakange doko peyakana leyami.

1 Korina 2:15

Akali Imambu nyepala karamo doko koo panda rolae lao soo pakana palyaramopa mee akali mendeme baa keta koo larami ingya nalyamo.

Ipuru 1:9

Emba yulu rolae dupwa rae maipala koo dupwa epekanda nao karene. Dopa pyuo pipinyipa embena Anatu baame emba mamba wele kiso kiŋi inginyi pyambuyamopa rae maiyuo iso karalu karare. Doloma embapa manda manja nara.

Ipuru 8:11

Nakamana andare dokona yango sukusa dopa pinya dopa pinya lao kara naramioko. Yangonge dupwa kandowape emba Kamongo doko soo nyinya lao laa naramioko. Yuu gii dokopa wambu kuki andakepe peparae namba soo nyerami.

1 Jone 2:27

Jipunupape Imambu renge raa lasi Yesu jiyamo nyiyami doko nakama keta singi dokona akali mendeme nakama mana langira ingyuo yangya nalyamo. Banya Imambu renge raa lasi dokome kyambo laa napala angi palipyamuli pyuo bange peparae dupwana mana langyuo karamo. Dokomeko Yesunya arapu dokona karalu karalapape lao mana langiyamo dokonako suu pyao pyuo karalu karalapape.

1 Jone 4:13

Baa range Imambu jiyamo dokome namwa banya arapu dokona karamwanopa banya Imambu namwa keta epo maralyalyamo lao soo gisilyamano.

Juti 1:5

Anatumi Isaraele wambu dupwa Isipi dokona neta nyuo lete wai pyao lanyuo peya. Lete wai pyao lanyuo peyamopape lapo baa kapa ingingi lao suu pyaa nayami dupwa enakana kokwa siya. Dopa pyuo piyamo doko nakama soo gisilyaminyi dokona kame see nalapa lao dee kamba langilyu.

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.