1 Jone 1:2 - Anatunya Buku Baepole Ole Testamene Pii Lapo dee Nuu Tesamene

² Letena renge pii nolakaya. Nolakayamo dokopa namwa kandeyama. Kandapala namwa angi kandeyama lao nakama boo pyao langilyamano. Letena renge kulisa palu palenge Rakane karamo dokona paleya doko namwa kandalapase lao pano nolakaya.

1 Jone 1:2 ပူးပေါင်းရင်းမြစ်များ

Jone 1:18

Mendeme Anatu kanda nange. Ikinyingi mendaki iki doko Rakangena mona enge dokona karenge dokome baa apiyakalende lao rolo leya.

Jone 1:4

Baa letena renge doko renge kuiyuo kareya. Letena renge doko isa wambu keta yanga paupau lanyi peeyakamiya.

Jone 10:28

Dokopa nambame nakama letena renge kulisa palu palenge doko mailyunusa nakama kumalu kumuo kuma naraminyipa nambame minyaro kararonopa mendeme kingi raka lao nyii narami ingilyamo.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 15:27

Nakama wambo kanda soo nambamoo pipya kareyama dokona ingyuo nakama dopako pyuo nambana lao polo lao kararami.

Jone 16:28

Rakane karamo dokona karo epapala isa yuu dakena epeyo. Dopa pipala isa yuu dake yaki nyuo Rakane karamo dokonako pelyo, leya.

Jone 17:3

Isa wambumi emba Anatu angi karenge dokome Yesu Koraisa mapanyi pee doko kando serami doko kyakana renge kulisa doko nakama keta palira.

Jone 17:5

Rakane, isa yuu doko ene wasa nange siyamo dokopa embapa nambapa yanga paupau lao kareyamba dokona suu pyao embena lenge kambu seramo dokona kararonopa embame namba yanga paupau lanyi pyambwape.

Jone 19:35

Dopa pyuo piyaminyi kandeya akali dokome nakama opetae kinyi leelyamo lao suu pyalapape lao rolo leya. Banya rolo lenge pii doko kinyi keta karelyamopa kinyi letono lao soo gisingi.

Jone 21:14

Yesu kumuo palyuo lopo epapala range disaepole dupwa kandena lao yuu repo maro leya.

Jone 3:13

Akali mende yake panda sukusa dokona pulyuo paa nange. Ikinyingi Akali yake panda dokona karo lupyuo epeya dokoko iki penge.

Jone 7:29

Baame namba mapanyi peeyamo dokona karo epeyo dokome nambame baa kandenge leya.

Jone 8:38

Nambana Rakangena lenge kambu dokona kandeyonuli pyuo lao karo, nakamame nakamana rakange langilyamo nyili pyuo pyuo karenge leya.

APOSELENA YULU 10:41

Baa sipurao epapala kareyamo doko wambu peparae kanda nayami. Anatumi wambo dokopa namwa yapo nyiyamopa namwa banya yulu dupwana lao kararama dupwa iki kandeyama. Anatumi baa lopo nyiyamopa lete kareyamo dokopa namwa baapa nenge nao yalya kando peteyama.

APOSELENA YULU 2:32

Yesu doko Anatumi lopo nyiya doko namwa peparaeme kandapala lao karamano.

APOSELENA YULU 3:15

Lapala letena renge renge kuiyuo karenge doko pyao kumakayami. Pyao kumakayaminyipa kumuo paleyamopa Anatumi lete minyalyuo nyiya. Dopa piyamo doko namwame kandapala pii doko selapape lao langyuo rolelyamano.

APOSELENA YULU 5:32

Yulu doko namwa kandapala epapu lao rolelyamano. Namwa iki laa nalyamano. Anatumi wambu dupwa baa letamuli pyuo karenge dupwa Imambu Poo Pyasi maingi dokome opetaeko yulu dokona lao rolenge, leyami aposele dupwame.

Orome 8:3

Yanenge dokome poraiyuo Lowa kata dokona pira ingya nayamo dokona Anatumi piya. Baame banya Ikinyingi yeelyo pena leyamopa namwana koo yanengena palamo doko nyuo nembeya. Dopa pyuo pena leyamopa Ikinyingi doko mee isa wambu koo dopale ingyuo koo doko nembaroŋo lao epeya.

Galasia 4:4

Dopa piyamanopape yuu gii angi rolae epeya dokopa Anatumi banya Ikinyingi doko epena leya. Baa isa wane ingyuo Juu wambunya Lowa doko moko minyuo pyuo kareya.

1 Timoti 3:16

Elyambu Pingi doko anda pinginya ingyaro Anatunya Imambunya yulu dokona renge yalu pyuo siyamopa kando nyiyama doko mendeme mupwa daa lao matarena pii larami ingya nalyamo. Wambu wai pyapala akali lenge kambu nyuo paneyamopa, Imambumi baa rolae wakasaŋa lao lao paneyapya. Aŋala dupwame baa kandeyamiko. Rara wakale dupwana baa dokona lao lamaiyuo peyami. Yuu muu dupwana baa kapa ingingi lao suu pyao mona maiyami. Baa lopo epapala yake panda peya.

2 Timoti 1:10

Namwana Lete Wai Pyao Nyingi akali Koraisa Yesu baa epo panapala Anatunya mona keyange palyuo ipingi doko baa keta paneya. Koraisame kumunginya rengena porainya renge namwa keta palenge doko nyuo anameya. Anamo waili pii keyange dokome kuma nange renge doko nyuo nolakaya.

1 Pita 5:1

Elyambu Pinginya akali kyawa dupwana pii mende palamo doko epapu langilyu. Namba range Elyambu Pinginya kyawako ingyuo karo. Koraisa baa randa neyamo doko kandeyoko. Dokona namba opetae baa neta renge ingyuo pano eparamo dokopa baapa mendeke ingyuo paro.

1 Jone 1:1

Yuu wamba kanda soo dokopa mende paleyamo doko namwa siyama lenge dokome kandeyama kandapala kingi dokome minyandeyama doko letena renge pii angi dokona lao pepa pyao retelyamano.

1 Jone 2:25

Dokonako ingyuo namwa baame langyuo lalu lao leya. Nambame nakama kyakana renge kulisa palu palenge doko jeroŋo leya.

1 Jone 3:5

Yesu baame namwana koo dupwa ramanyi nembala pano epeya lao soo gisilyaminyi kande. Baa koo mende pali nange.

1 Jone 3:8

Satane dokome ene lokoyamo dokopa piso yulu koo pyuo karenge dokonako ingyuo mendeme yulu koo pyuo karara ramo baa Satanena ingyarasa pira. Anatunya Ikinyingi epeyamo renge doko Satanena yulu dupwa ukiaki minyala pano epeya.

1 Jone 4:14

Rakangeme banya Ikinyingi isa wambu dupwa lete wai pyao nyela pena leyamo epeya dokona kandapala angi kandeyama lao letamano.

1 Jone 4:2

Mendeme Yesu Koraisa baa mee yanenge nyuo epeya dopa lao suu pyapala laramo dokome nakamame baa Anatunya Imambumi minyapyamo karapyalyamo lao serami.

1 Jone 5:11

Pii doko Anatumi namwa kyakana renge palu palenge doko jero lao leyasa piya. Kyakana renge palu palenge doko banya Ikinyingi keta namwa jiya.

1 Jone 5:13

Nakama Anatunya Ikinyinginya kingi doko kapa ingingi lao suu pyao karaminyi dupwa kyakana renge kulisa palu palenge doko nakama pipwa palamo lao soo gisalapape lao pepa dake pyao jilyu.

1 Jone 5:20

Anatu kinyinya renge renge kuiyuo lao karamo doko apa pyuo namwame serama lao saka nayamano dokona Anatunya Ikinyingi epapala mana langiyamo dokona epapu silyamano. Dokona lao kinyi renge kuiyuo lao karamo doko baapa banya Ikinyingi Yesu Koraisa dokopana arapu dokona petamano. Anatu doko kinyi karenge. Kyakana renge kulisa palu palenge doko kinyi.