Ta̱ Uwo Bolofe̱i̱ Makha̱ Nala̱i̱ 14:26 - Godiha̱ Ta̱ Bolofei̱

²⁶ Kegemo͡u, dia̱ die̱ tano͡u ta fema fogo͡u mo͡u, bito̱u̱ Olivko͡u fogo͡u yai.

Ta̱ Uwo Bolofe̱i̱ Makha̱ Nala̱i̱ 14:26 ပူးပေါင်းရင်းမြစ်များ

Matyu 26:30

Kegeimo͡u, dia̱ die̱ tano͡u ta fema mei degeimo͡u, bito̱u̱ Olivko͡u fogo͡u yai.

Ta̱ Uwo Bolofe̱i̱ Lukha̱ Nala̱i̱ 22:39

Kegemo͡u, Yesuha̱ yo͟͡u degedi saga̱i̱ ke̱no͡u tefele, sa Jerusalem to͡u fogo͡u, bito̱u̱ Olivko͡u i. E̱ dabai degedi o kedia̱ne e̱ sesele yai.

Mogogou Ta̱ Hegi 5:9

Dia̱ yubu sugulo fiya duwoguali, die̱ gehe̱ ta ko͡u gue feile i, Na̱no͡u si o bolo̱do kuguo folou ko͟͡u mala̱ba, kuolo͡u ma̱i̱ dioyosi kege ke̱ kusiale saga̱i̱. Yobe, o kedia̱ na̱ woumo͡u tolomo͡u, ne̱ kafeiye sa sibige̱ o sasa̱i̱, hu̱ti gehe̱ gehe̱bo͡u, ta̱ gehe̱ gehe̱ tobo͡u dibo͡u, kolo gehe̱ gehe̱bo͡u, sa sibige̱ ko͟͡ubo͡u olo͡u fe̱i̱ mamala̱mo͡u, Godiko͡u ne̱i̱ kaha̱.

Jems 5:13

Ni̱ kilege o tano͡u tae hagi̱ dugubabe, Godiko͡u diho̱ baga̱ tobo͡u yede. Ha, ni̱ kile o tano͡u tae hoho̱ degeibane, Godiha̱ hu̱ hebele foguoba die̱ feyede.

Kolosi 3:16

Ni̱ Kelesuha̱ ta̱ defe̱i̱do tolo͡u bano͡u suluguama. Ni̱ e̱ ta̱ ke̱me ni̱o͡u sie yogoko͡u tewebo͡u de hegiba hegiba deba, egele tobo͡u ba tobo͡u ba degama. Die̱ Fedi Kuguo kaha̱ die̱ ke̱bo͡u, sosi moso̱ko͡u ge feile idi die̱ ke̱bo͡u, haba Duo Bolofe̱i̱ha̱ hehegieimo͡u feile idi die̱ ke̱bo͡u de feileba, ni̱ duleduge hoho̱bolo͡u ba, Godiko͡u bolofe̱i̱yode tobo͡u ma.

1 Korin 14:15

Kegei degemo͡u, a̱ kage degele? A̱ tagalibe, ma̱ duo kaha̱ diho̱ baga̱ tobo͡u babe, ma̱ fima̱i̱yene diho̱ baga̱ tobo͡u yedili. Ma̱ duo kaha̱ die̱ feibane, ma̱ fima̱i̱yene die̱ feyedili.

Dabai 16:25

Kegemo͡u, hulia̱me duodo kelege, Polbo͡u Sailasbo͡u dilie Godiko͡u diho̱ baga̱ tobo͡u de, die̱ fei de dega duwoguamo͡u, didio̱ o olo͡u fe̱i̱ dusua̱ duweguei.

Matyu 21:1

Yesubo͡u dia̱ yolugi, sa Jerusalem hafe̱i̱ degeimo͡u, sa Betfage, bito̱u̱ Olivko͡u dala koko͡u fologamo͡u, e̱ dabai degedi o bolo̱u̱ ta ke̱diliemoko͡u tobou,

Ta̱ Uwo Bolofe̱i̱ Makha̱ Nala̱i̱ 14:25

A̱ ni̱moko͡u damale̱do tobolo͡u kuhe̱. Sa kuoko͡u be a̱ tigi kolo hue̱i̱ gofo͟͡udobe haba ta nale̱ mei ibe deba, Godiha̱ wolo͡u daladi sa koko͡u geno͡u, a̱ haba tigi kolo hue̱i̱ gofo͟͡udobe kuhe nale̱yode tobou.

Ta̱ Uwo Bolofe̱i̱ Jonha̱ Nala̱i̱ 18:1

Diho̱ baga̱ tobo͡u ma mei degeimo͡u, Yesuha̱ e̱ dabai degedi o kedia̱bo͡u de to̱ Kidron dama yai. To̱ kaha̱ ilobo͡u be hebe hai ta delei. Dia̱ yamo͡u, hebe hai koko͡u fologai.