Ta̱ Uwo Bolofe̱i̱ Makha̱ Nala̱i̱ 10:19 - Godiha̱ Ta̱ Bolofei̱

¹⁹ Na̱ Godiha̱ kuolo͡u olo͡u fe̱i̱ ke̱ ko͡u tawale hobogou. O hobo͡u woda. Sasa̱i̱ hiyou degeda. Hiyou hobo͡u mo͟͡uda. Gulokou tobolo͡u ba hobo͡u ta̱ sada. Ogo͡u gama o bi hiyou hobo͡u mo͟͡uda. Aye adio͡u diliemoko͡u be midiho̱ bolofe̱i̱ ke̱no͡u hehegieyedei. Kisim Bek 20:12-16

Ta̱ Uwo Bolofe̱i̱ Makha̱ Nala̱i̱ 10:19 ပူးပေါင်းရင်းမြစ်များ

EgeiPolha̱ Sa Rom O Kedia̱moko͡u Nala̱ma Ne̱i̱ 13:9

Kuolo͡u be, ko͡u gue nala̱i̱ dala ke̱me ni̱ ko͡u tewe, Sasa̱i̱ hiyoubo͡u, o hiyoubo͡u hobo͡u mo͟͡udama. Kisim Bek 20:14 O hobo͡u wodama. Kisim Bek 20:13 Hiyou hobo͡u mo͟͡udama. Kisim Bek 20:15 O taha̱ bi ke̱ hobo͡u tagadama. Kisim Bek 20:17 Kuolo͡u ta̱ ko͟͡ubo͡u, ilo kelebo͡u olo͡u fe̱i̱ kaha̱ e̱ sibige̱be tano͡u fe̱i̱ ko͡u gue dala, Na̱ no͟͡usie tagadi saga̱i̱ ke̱no͡u tefele, nogo dia̱moko͡u ne kegeno͡u tagayedei. Wok Pris 19:18

Jems 2:11

Di tewe, Godiha̱ ko͡u gue ko͡u tobou, Sasa̱i̱ hiyoubo͡u, o hiyoubo͡u hobo͡u mo͟͡udama. Kisim Bek 20:14 Haba tobou, O hobo͡u wodama. Kisim Bek 20:13 Na̱ sasa̱i̱ hiyou ta mo͡u li̱ meiye, ha na̱ o ta woumo͡u tolo i debabe, na̱me Godiha̱ ta̱be bo͡u gobou kehe̱.

Ta̱ Uwo Bolofe̱i̱ Lukha̱ Nala̱i̱ 18:20

Na̱ge Godiha̱ kuolo͡u olo͡u fe̱i̱ ke̱me ko͡u tewe. Sasa̱i̱ hiyou degeda. O hobo͡u woda. Hiyou hobo͡u mo͟͡uda. Gulokou tobolo͡u ba hobo͡u ta̱ sada. Aye adio͡u diliemoko͡u be midiho̱ bolofe̱i̱ ke̱no͡u hehegieyedei. Kisim Bek 20:12-16

1 Tesalonaika 4:6

Damale̱yodele i o sasa̱i̱ ni̱ ni̱o͡u sie yogoko͡u to͡u e tagadi midiho̱ kasaga̱i̱ ke̱ milo͡u gaba ogo͡u gadama. O tae kegeibabe, midiho̱ kasaga̱i̱ kaha̱ hebe molo͟͡u ke̱me ei ni̱moko͡u defe̱i̱do ko͡u egele tobou.

Galesia 5:14

Mosesha̱ kuolo͡u ta̱ kaha̱ sibige̱be tano͡u fe̱i̱ dala. Na̱ no͟͡usie tagadi saga̱i̱ ke̱no͡u tefele, nogo dia̱moko͡u ne kegeno͡u tagayedei. Wok Pris 19:18

Galesia 4:21

O sasa̱i̱ dia̱ma, ni̱me Mosesha̱ kuolo͡u ta̱ ke̱ seselamo͡u degele ilibe, kuolo͡u ta̱ kaha̱ sibige̱be ni̱ de tawale ili? Ni̱ a̱moko͡u totodo tobo͡u ma.

EgeiPolha̱ Sa Rom O Kedia̱moko͡u Nala̱ma Ne̱i̱ 3:20

Kegemo͡u, o tae kuolo͡u ta̱ ke̱ seselaba degeibabe, o ke̱me Godiha̱ dihi̱le koko͡u be do̱u̱do o mei dalaba dugulo. Kuolo͡u ta̱ kaha̱si dibe midiho̱ kasaga̱i̱ milo͡u di o sasa̱i̱yodemo͡u hehegiedi.

Ta̱ Uwo Bolofe̱i̱ Makha̱ Nala̱i̱ 10:18

Yesuha̱ sima tobou, na̱ a̱moko͡u kageimo͡u bolofe̱i̱yodeiya? O olo͡u fe̱i̱be bolo̱ ta dala mei, Godi e̱no͡u si bolo̱do.