Mogogou Ta̱ Hegi 5:6 - Godiha̱ Ta̱ Bolofei̱

⁶ A̱ haba dugube, Wai Sipsip Wili ta dia̱ woumo͡u tolo i saga̱i̱ kaha̱ Hiye Oha̱ duwodi bolo̱do ke̱ hafe̱i̱ dege tafalamo͡u, fi̱bo͡u bi doso͡u yosi kege kedia̱bo͡u odo kedia̱bo͡u de e̱ sile̱ma̱ tafalaguamo͡u dugu. E̱ widioko͡u be ikoke dioyosi kege, diho̱ne dioyosi kege dalamo͡u dugu. Diho̱ dioyosi kege ke̱me diho̱do mei, ke̱me Duo Bolofe̱i̱ha̱ nele̱ olo͡u fe̱i̱ dioyosi kege, Godiha̱ tobo͡u mo͡u, sa sibige̱ kuoko͡u migigai ke̱.

Mogogou Ta̱ Hegi 5:6 ပူးပေါင်းရင်းမြစ်များ

Mogogou Ta̱ Hegi 5:12

Dia̱ hili̱gedo ko͡u gue tobolo͡u i, Wai Sipsip Wili, obe woumo͡u tolo i ke̱me bolo̱do. E̱moko͡u no͡u si Godiha̱ hu̱ hiyedobo͡u, bima̱i̱ hiyedobo͡u, tewe hiyedobo͡u, nele̱ hiyedobo͡u de nele̱yodele i. O sasa̱i̱yege e̱ hu̱ hebele foguoba, e̱moko͡u hoho̱bolo͡u ba, bolofe̱i̱yodemabeedei.

Ta̱ Uwo Bolofe̱i̱ Jonha̱ Nala̱i̱ 1:29

Sabiyoumo͡u, Jonha̱ Yesu e̱moko͡u hagumo͡u duguomo͡u tobou, duguma, Godiha̱ wai sipsip wili e̱me hagulu kuhe̱. E̱me sa sibige̱ o sasa̱i̱ di midiho̱ kasaga̱i̱ ke̱ igile mugulamo͡u hagulu.

Mogogou Ta̱ Hegi 13:8

Godiha̱ sa sibige̱bo͡u agudiobo͡u milo͡u li mei kelege, o sasa̱i̱ die hu̱ Fi̱ha̱ Kuguoko͡u nala̱i̱ dala mei kedia̱me kolu̱kua koko͡u yubu sugulo fiya duwoguali, diho̱ baga̱ tobolo͡u ile. Fi̱ha̱ Kuguo ke̱me Wai Sipsip Wili, oe woumo͡u tolo i o kaha̱ e̱ kuguo.

Ta̱ Uwo Bolofe̱i̱ Jonha̱ Nala̱i̱ 1:36

Tafalaguali dugube, Yesu hagua doho͡u go͡u imo͡u, Jonha̱ tobou, ni̱ duguma, Godiha̱ wai sipsip wilibe ili kuhe̱.

Mogogou Ta̱ Hegi 1:4

A̱me Jon. A̱ Yesuko͡u damale̱yodei o sasa̱i̱, sa Esia duo kodu sosi olo͡u fe̱i̱ dioyosi kege koko͡u kefegulo idi ni̱moko͡u nala̱ma neli̱. Godi e̱me afu yo͟͡u kege delei, ifine yo͟͡u kegeno͡u dala, habage e̱ haguale. A̱ge e̱ ni̱moko͡u habagugueiba, ni̱ bologua̱do dalaguale. Haba Duo Bolofe̱i̱, e̱ nele̱ olo͡u fe̱i̱ dioyosi kege, Godiha̱ duwodi kaha̱ midiho̱ko͡u tafaladi, e̱ne ni̱moko͡u habagugueiba, ni̱ bologua̱do dalaguale ke̱ tagali.

Dabai 8:32

Kuguo o kaha̱ husolo͟͡u ke̱me ko͡u gue nala̱i̱ dala, E̱me wai sipsip walamo͡u mala̱ imo͡u degedi saga̱i̱ ke̱no͡u tefei, e̱ ta tali̱ mei. Haba wai sipsip dihi, oe e̱ towe kagimo͡u ne, e̱ ta ta̱diyo mei ke̱ saga̱i̱no͡u tefei.

Mogogou Ta̱ Hegi 22:3

Godiha̱ tagale mei bima̱i̱, e̱ igisele saga̱i̱ ke̱me kele ta dalale mei. Godibo͡u Wai Sipsip Wilibo͡u dilie duwodi bolo̱do ke̱me sa gehe̱ kodu dalale. Godiha̱ e̱ dabai degedi o kedia̱no͡u e̱ dabai degele ile.

Mogogou Ta̱ Hegi 22:1

Kegemo͡u, e̱sol o kaha̱ a̱moko͡u fi̱ ne̱di to̱ ke̱ hegi. To̱ ke̱me sibigibo͡u mei, galase hoho̱no͡u tefei. To̱ kaha̱ e̱ soube Godibo͡u Wai Sipsip Wilibo͡u dilie duwodi bolo̱do koto͡u ge fele̱i̱.

Mogogou Ta̱ Hegi 21:23

Aso̱bo͡u oguobo͡u ne ta duguli mei. Yobe, Godiha̱ hoho̱ hiyedo ko͡u hoho̱gu dala kaha̱. Wai Sipsip Wili kaha̱ge kama̱i̱ baga hoho̱guo dala.

Mogogou Ta̱ Hegi 17:14

Dia̱ kegema ya, Wai Sipsip Wilibo͡u, o sasa̱i̱ yo͟͡u haguisoumo͡u dulo haguasieimo͡u makai kedia̱bo͡u de biyoubabe, dia̱ ta gabama fologale meido. Yobe, Wai Sipsip Wili e̱me gamani hiye o olo͡u fe̱i̱ kedia̱ die Hiye O kaha̱ degeimo͡u. Damale̱do, e̱me hiye o olo͡u fe̱i̱ kedia̱ die Hiye O.

Mogogou Ta̱ Hegi 12:11

Di mogo dia̱ge sa sibige̱ kuoko͡u tafalagualebe defe̱i̱ tagale idiyo mei. Dia̱ Wai Sipsip Wili kaha̱ kafeibo͡u, Godiha̱ ta̱ dia̱ hehegie tobolo͡u idi ke̱bo͡u de fima̱mo͡u be, tofigile ke̱me ta gue̱ degele idiyo mei. Kegeimo͡u, dia̱ ile, Tama̱bo͡u de biyolugi, dia̱ gaba tofou.

Mogogou Ta̱ Hegi 6:16

Dia̱ duwoguali, ko͡u gue tobolo͡u imo͡u dugu, bito̱u̱bo͡u bogobo͡u ni̱ge Hiye O, duwodi bolo̱do koto͡u duwodibo͡u, Wai Sipsip Wilibo͡u dilie eimoko͡u gofo͟͡u dege haguasieiye domo͡u, ni̱ge ei dio͡u guoba wo̱mogo͡u dalaguamabeede tobolo͡u imo͡u du.

Ta̱ Uwo Bolofe̱i̱ Lukha̱ Nala̱i̱ 1:69

E̱ degeiye, e̱ dabai degedi o Devitha̱ soso͡u o nele̱do ta makama̱i̱, di mamo͟͡uyadomo͡u.

Mogogou Ta̱ Hegi 4:8

Fi̱bo͡u bi doso͡u yosi kege tano͡u tano͡u kedia̱, die tifigiya olo͡u fe̱i̱be wala̱i̱yosi kege, die to͡u guebo͡u be diho̱ su̱do, tifigiya hayedune diho̱ su̱do dugu. Fi̱bo͡u bi kedia̱ge agalibo͡u hulia̱mebo͡u olo͡u fe̱i̱, Hiye O Godi, e̱me nele̱ hiyedo folodo. Godi e̱me bolo̱do. Godi e̱me afu yo͟͡u kege delei, ifine yo͟͡u kegeno͡u dala, habage e̱ hagualeyode tobolo͡u no͡u dalaguadi.

Mogogou Ta̱ Hegi 5:11

A̱ haba dugube, e̱sol o su̱u̱do kedia̱ ta̱ uwo du. E̱sol o su̱u̱do, hu̱ so͟͡uba hu̱ solo͟͡u hobogolo͡u saga̱i̱ meido. Dia̱ Hiye Oha̱ duwodi bolo̱do ke̱bo͡u, fi̱bo͡u bi doso͡u yosi kege kedia̱bo͡u, odo 24 kege kedia̱bo͡u de sile̱ma̱ tafalaguamo͡u dugu.

Mogogou Ta̱ Hegi 5:13

Kegemo͡u, bi Godiha̱ milo͡u gai olo͡u fe̱i̱ kedia̱ne ta̱ i. Bi hebenito͡u dalaguadibo͡u, sa sibige̱ kuoko͡u dalaguadibo͡u, mihi̱ hayemo͡u dalaguadibo͡u, to̱ dawala tageto͡u dalaguadibo͡u, dawala dulemo͡u dalaguadibo͡u olo͡u fe̱i̱ kedia̱ ko͡u gue tobolo͡u imo͡u a̱ du, Di duwodi bolo̱do koto͡u duwodi Hiye Obo͡u, Wai Sipsip Wilibo͡u diliemoko͡u tofousogo kegeno͡u bolofe̱i̱yode tobolo͡u ba, dilie hu̱ hebele foguoba, hoho̱bolo͡u ba, dilie hu̱be hiyedoyodemebeede tobolo͡u imo͡u du.

Mogogou Ta̱ Hegi 5:14

Kegemo͡u, fi̱bo͡u bi doso͡u yosi kege kedia̱ damale̱do-yode tobolo͡u imo͡u, odo 24 kege kedia̱ yubu sugulo fiya duwoguali, diliemoko͡u diho̱ baga̱ tobolo͡u imo͡u dugu.

Mogogou Ta̱ Hegi 14:1

Haba kegemo͡u dugube, Wai Sipsip Wili ke̱me bito̱u̱ Saionko͡u tafalamo͡u dugu. O sasa̱i̱ 144,000 kege, Wai Sipsip Wili kaha̱ hu̱bo͡u e̱ Aye Godiha̱ hu̱bo͡u de die wodemeko͡u nala̱ga i dala kedia̱me e̱bo͡u de dalaguamo͡u dugu.

Mogogou Ta̱ Hegi 21:22

Sa Jerusalem gehe̱ koko͡u be sosi moso̱ ta duwomo͡u duguli mei. Hiye O Godi, e̱ nele̱be hiyedo folodo, e̱bo͡u Wai Sipsip Wilibo͡u dilieno͡u si sa kaha̱ sosi moso̱ saga̱i̱ dala.