Mogogou Ta̱ Hegi 21:3 - Godiha̱ Ta̱ Bolofei̱

³ Godiha̱ duwodi bolo̱do koto͡u ge ta̱ uwo ta hili̱gedo ko͡u gue tobo͡u mo͡u du, na̱ du, Godiha̱ moso̱be o sasa̱i̱ kedia̱ duledu dala. Godi e̱me o sasa̱i̱ kedia̱bo͡u de dalale. Dia̱me yo͟͡u e̱ o sasa̱i̱. Damale̱do, Godibe o sasa̱i̱ kedia̱bo͡u de dogo͡u guo dalale. E̱me die Godi.

Mogogou Ta̱ Hegi 21:3 ပူးပေါင်းရင်းမြစ်များ

2 Korin 6:16

Dibo͡u ogo͡u gai godibo͡u de dabai ta degeleyodema degele idiyo mei. Dibe yo͟͡u kegeno͡u daladi Godi e̱ moso̱, yo͟͡uno͡u kege tobolo͡u kuhe̱, A̱ dia̱bo͡u de duwoli, dia̱ duoya kile siale. A̱me die Godi. Dia̱me ma̱ o sasa̱i̱ dalale. Wok Pris 26:12

Ta̱ Uwo Bolofe̱i̱ Jonha̱ Nala̱i̱ 14:23

Yesuha̱ tobou, o koyoha̱ a̱ tagaibabe, e̱ge ta̱ a̱ hehegieili ke̱me defe̱i̱do sesele. Ma̱ Ayeha̱ e̱ tagaiba, ele e̱moko͡u hagua, e̱bo͡u de tofousogo kegeno͡u dalaguale.

Hibru 8:10

Hiye O a̱ge, sawisiei ta, Israel o sasa̱i̱ kedia̱moko͡u midiho̱ ebele ke̱ hehegie tobo͡u ma walamale̱. A̱ die fima̱i̱du ma̱ kuolo͡u ta̱ dogogulo. A̱ die duledu ma̱ ta̱ olo͡u fe̱i̱do nala̱gale. Kegema, a̱me die Godi dalaba, dia̱me ma̱ o sasa̱i̱ dalaguale.

Hibru 11:16

Ke̱no͡u si dia̱me dio͟͡u die sa koko͡u ta boholo͡u ma̱ yale saga̱i̱ degele ili mei. Sa bolo̱do ta dala ke̱ dugulo saga̱i̱ degele i. Sa ke̱me die sado hebeni. Sa hebeniko͡u fologale saga̱i̱ degemo͡u dalaguali, Godiko͡u be na̱me ei Godiyode tobolo͡u imo͡u be, Godiha̱ge dia̱me tobeko͡u muguli mei, hoho̱no͡u dege delei. Yobe, e̱ge sa hiye bolo̱do ke̱me die biyodema milou dala kaha̱ degemo͡u.

Mogogou Ta̱ Hegi 7:15

Kegei kaha̱ degemo͡u, Dia̱ Godiha̱ duwodi midiho̱ko͡u tafalaguali, Godiha̱ moso̱du agalibo͡u hulia̱mebo͡u de dabai degele idi. Godiha̱ yo͟͡u e̱ duwodi bolo̱do koto͡u duwoli, dia̱bo͡u de dalali, dia̱ dia dalale.

2 Korin 6:18

Hiye O Godi, e̱ nele̱be hiyedo folodo, yo͟͡u ko͡u gue tobolo͡u, A̱ ni̱ aye dege dalaba, haba ni̱me ma̱ sisigo̱ dege dalale. 2 Samuel 7:8, 14

Mogogou Ta̱ Hegi 21:7

O sasa̱i̱ koyo na̱ Tama̱bo͡u de biyama gaba tofo͡u babe, a̱ bi olo͡u fe̱i̱ ko͟͡u na̱moko͡u nele̱. A̱me ne̱ Godi dalale. Na̱me ma̱ dihi dalale.

Ta̱ Uwo Bolofe̱i̱ Jonha̱ Nala̱i̱ 1:14

Ta̱ Bolo̱do kaha̱ o baga hagua fele̱mo͡u, o dibo͡u de delei. Di dugube, e̱ hu̱bo͡u, e̱ nele̱ hiyedo ke̱bo͡u de dalamo͡u dugu. Aye Godiha̱ yo͟͡u e̱ hu̱ya e̱ Dihido ke̱ tobo͡u mo͡u hagua dalali, di habaguguemo͡u, e̱ Ayeha̱ ta̱ damale̱do ke̱ dimoko͡u hehegiei.

Mogogou Ta̱ Hegi 12:10

Kegemo͡u, a̱ ta̱ uwo ta hebenito͡u ge ko͡u gue tobo͡u mo͡u du, Ifibe di Godiha̱ di mamo̱u̱ dala. Godiha̱ e̱ nele̱ hiye ke̱me tama̱ degemo͡u, di wolo͡u daladi O Hiyedo dala. Godiha̱ makai o Kelesu e̱ne hu̱bo͡u nele̱bo͡u hiyedo ke̱ mala̱mo͡u, di wolo͡u dala. Yobe, di mogo dia̱ ta̱ sadi o Tama̱, e̱me e̱sol o Maikelha̱ hebele mugumo͡u sa sibige̱ kuoko͡u fiyei kaha̱ degeimo͡u. Agalibo͡u hulia̱mebo͡u e̱ge Godiha̱ dihi̱le koko͡u tafalali, di mogo dia̱ ta̱ samo͡u haguabe demo͡u, e̱me e̱sol o kedia̱ sa sibige̱ko͡u hebele mugumo͡u fiyei.

Mogogou Ta̱ Hegi 10:8

A̱ ta̱ uwo hebenito͡u ge tobo͡u mo͡u du kaha̱ a̱moko͡u haba, e̱sol o, to̱ dawalabo͡u mihi̱bo͡u koko͡u tafala kaha̱ dobogo͟͡uko͡u kuguo hagua̱ma̱i̱ dala ke̱ na̱ ile mo͟͡uyede tobo͡u mo͡u du.

Mogogou Ta̱ Hegi 10:4

A̱ dibie dioyosi ke̱ fufuei kaha̱ tobou ke̱ ma̱ kuguoko͡u nalala̱mo͡u degeiye, ke̱no͡u si hebenito͡u ge ta̱ uwo ta ko͡u gue tobo͡u mo͡u du, ta̱ dibie kedia̱ tobou ke̱me nala̱da. Na̱ fi̱yeno͡u tawa.

1 Tesalonaika 3:11

Di Aye Godibo͡u, di Hiye O Yesubo͡u dilie ei ni̱moko͡u igale a ke̱ milo͡u yadomo͡u kuhe diho̱ baga̱ tobolo͡u ili.

Hibru 8:2

Yesu e̱ hebenito͡u dalali, Godiha̱ moso̱ damale̱do koko͡u ge dabai degedibe, e̱ mogo͡u du daladi dabai ke̱ degedi. Godiha̱ moso̱ ke̱me obe tegeli mei, Godi yo͟͡uno͡u tegei.

Mogogou Ta̱ Hegi 22:3

Godiha̱ tagale mei bima̱i̱, e̱ igisele saga̱i̱ ke̱me kele ta dalale mei. Godibo͡u Wai Sipsip Wilibo͡u dilie duwodi bolo̱do ke̱me sa gehe̱ kodu dalale. Godiha̱ e̱ dabai degedi o kedia̱no͡u e̱ dabai degele ile.