Mogogou Ta̱ Hegi 21:22 - Godiha̱ Ta̱ Bolofei̱

²² Sa Jerusalem gehe̱ koko͡u be sosi moso̱ ta duwomo͡u duguli mei. Hiye O Godi, e̱ nele̱be hiyedo folodo, e̱bo͡u Wai Sipsip Wilibo͡u dilieno͡u si sa kaha̱ sosi moso̱ saga̱i̱ dala.

Mogogou Ta̱ Hegi 21:22 ပူးပေါင်းရင်းမြစ်များ

Ta̱ Uwo Bolofe̱i̱ Jonha̱ Nala̱i̱ 4:23

Sawisiei ta kelege, damale̱yodei o sasa̱i̱ kedia̱ Aye Godiko͡u diho̱ baga̱ tobolo͡u ilebe, dia̱ Duo Bolofe̱i̱ha̱ nele̱ya ke̱no͡u diho̱ baga̱ tobolo͡u ile. Mo͡u diho̱ baga̱ tobolo͡u ile mei, damale̱yodema diho̱ baga̱ tobolo͡u ile. Ifi ko͡u bo͡u gene, o sasa̱i̱ ilo kele kege degele ili. Aye Godiha̱ge o kegele i kedia̱ e̱moko͡u damale̱yodema, diho̱ baga̱ tobolo͡u ile ke̱ tagali.

Mogogou Ta̱ Hegi 1:8

Hiye O Godiha̱ tobolo͡u, a̱me amulo̱ aliko͡u bo͡u habageko͡u bo͡u de dala. Damale̱do, Godi e̱me afu yo͟͡u kege delei, ifine yo͟͡u kegeno͡u dala, habage e̱ haguale. Godiha̱ e̱ nele̱be hiyedo folodo.

Mogogou Ta̱ Hegi 16:7

A̱ haba Godiha̱ dou moso̱ kaha̱ ko͡u gue to̱u̱mo͡u du, Damale̱do, Hiye O Godi, ne̱ nele̱be hiyedo folodo. Na̱ge o sasa̱i̱be file duguomo͡u, damale̱do, do̱u̱do koko͡u no͡u ta̱ sadi.

Mogogou Ta̱ Hegi 5:6

A̱ haba dugube, Wai Sipsip Wili ta dia̱ woumo͡u tolo i saga̱i̱ kaha̱ Hiye Oha̱ duwodi bolo̱do ke̱ hafe̱i̱ dege tafalamo͡u, fi̱bo͡u bi doso͡u yosi kege kedia̱bo͡u odo kedia̱bo͡u de e̱ sile̱ma̱ tafalaguamo͡u dugu. E̱ widioko͡u be ikoke dioyosi kege, diho̱ne dioyosi kege dalamo͡u dugu. Diho̱ dioyosi kege ke̱me diho̱do mei, ke̱me Duo Bolofe̱i̱ha̱ nele̱ olo͡u fe̱i̱ dioyosi kege, Godiha̱ tobo͡u mo͡u, sa sibige̱ kuoko͡u migigai ke̱.

Kolosi 2:9

Ni̱ tewe, Kelesu e̱me ko͡u Godiye, ke̱no͡u si e̱ sa sibige̱ kuoko͡u migilemo͡u be o baga siei.

Ta̱ Uwo Bolofe̱i̱ Jonha̱ Nala̱i̱ 4:21

Kegemo͡u, Yesuha̱ ko͡u gue tobou, sobo͡u de, na̱ ma̱ ta̱ du. Sawisiei ta, ni̱ bito̱u̱ koto͡u ge Aye Godiko͡u diho̱ baga̱ tobolo͡u bo͡u, sa Jerusalemko͡u ge diho̱ baga̱ tobolo͡u bo͡u ke̱ mei degelebe hagua koguladi.

Mogogou Ta̱ Hegi 15:3

Dia̱ tafalaguali, Wai Sipsip Wili kaha̱ die̱, Godiha̱ dabai degedi o Mosesha̱ afu ko͡u gue fei ke̱ feile imo͡u du, Hiye O Godi, ne̱ nele̱be hiyedo folodo. Na̱ dabai hiyedo degegoumo͡u be, ei duguomo͡u kesigile idi. Na̱me sa sa o sasa̱i̱ kedia̱ wolo͡u daladi o. Ne̱ midiho̱ olo͡u fe̱i̱be do̱u̱dono͡u, damale̱dono͡u. Ta̱ na̱ tobo͡u dibe, damale̱do ta̱ ke̱no͡u tobo͡u di.

Mogogou Ta̱ Hegi 11:17

Hiye O Godi, ne̱ nele̱be hiyedo folodo. Na̱me afudo no͟͡u kegeno͡u delei, ifine no͟͡u kegeno͡u dala. Ei na̱moko͡u bolofe̱i̱yodili. Yobe, ne̱ nele̱be hiyedo. Na̱me sa sibige̱ olo͡u fe̱i̱ dia daladi Hiye O degei kaha̱.

Mogogou Ta̱ Hegi 4:8

Fi̱bo͡u bi doso͡u yosi kege tano͡u tano͡u kedia̱, die tifigiya olo͡u fe̱i̱be wala̱i̱yosi kege, die to͡u guebo͡u be diho̱ su̱do, tifigiya hayedune diho̱ su̱do dugu. Fi̱bo͡u bi kedia̱ge agalibo͡u hulia̱mebo͡u olo͡u fe̱i̱, Hiye O Godi, e̱me nele̱ hiyedo folodo. Godi e̱me bolo̱do. Godi e̱me afu yo͟͡u kege delei, ifine yo͟͡u kegeno͡u dala, habage e̱ hagualeyode tobolo͡u no͡u dalaguadi.

Kolosi 1:19

Godiha̱ge yo͟͡u e̱ fi̱ olo͡u fe̱i̱ ke̱ e̱ Dihiha̱ duledu ama̱ma dalayadomo͡u tagai.

Ta̱ Uwo Bolofe̱i̱ Jonha̱ Nala̱i̱ 10:30

A̱bo͡u ma̱ Ayebo͡u elebe tano͡u fe̱i̱.

Mogogou Ta̱ Hegi 19:15

O e̱buko͡u hagulu kaha̱ e̱ mogouduge aweki tafa̱do kaha̱ telema̱ migimo͡u dugu. Aweki kaha̱ge sa sa o sasa̱i̱ olo͡u fe̱i̱do kedia̱bo͡u de biyale. Biyamaba, o olo͡u fe̱i̱ e̱ hayedu dalaguaba, e̱ biya gofo͟͡udo ke̱ tolo͡u ba, o sasa̱i̱ nele̱do dege wo͡u ma dalale. Buk Song 2:9 E̱ge Godi nele̱do kaha̱ e̱ gofo͟͡u hiyedo folodo kaha̱ nele̱ya ke̱ sa sa o sasa̱i̱ olo͡u fe̱i̱be hebe kolo kefeguomo͡u mihi̱ daiko͡u hebesama, koto͡u tofo͡u tofolo͡u idi saga̱i̱ ke̱no͡u tefele, kege degele.

Mogogou Ta̱ Hegi 16:14

Sai bagai kedia̱me duo kasaga̱i̱do, midiho̱ gehe̱ gehe̱ ke̱ milo͡u ga idi. Dia̱ ya, sa sa olo͡u fe̱i̱ suluguali, sa sibige̱ hiye o kedia̱ die biyadi o kedia̱ mo͟͡uma haguasie kefeguoba, uwage sawisiei kelege Godi, e̱ nele̱be hiyedo folodo, e̱bo͡u de biyamabeedema haguasie kefegulo ile.

Matyu 24:2

Kege tobolo͡u imo͡u, Yesuha̱ ko͡u gue tobou, a̱ ni̱moko͡u damale̱do tobolo͡u kuhe̱. Ni̱ ifi moso̱ olo͡u fe̱i̱ ko͟͡u dugulube, habagebe igi taha̱ igi yogoha̱ tageto͡u ta tilaba dugulo mei. Obe biyolugi, moso̱ olo͡u fe̱i̱ igisema mei degele ile.

Mogogou Ta̱ Hegi 7:15

Kegei kaha̱ degemo͡u, Dia̱ Godiha̱ duwodi midiho̱ko͡u tafalaguali, Godiha̱ moso̱du agalibo͡u hulia̱mebo͡u de dabai degele idi. Godiha̱ yo͟͡u e̱ duwodi bolo̱do koto͡u duwoli, dia̱bo͡u de dalali, dia̱ dia dalale.

Mogogou Ta̱ Hegi 7:17

Yobe, Wai Sipsip Wili, Godiha̱ duwodi bolo̱do ke̱ hafe̱i̱ dege tafala kaha̱ge o sasa̱i̱ kedia̱me, fi̱ ne̱di hue̱i̱ sou su̱do koko͡u wo͡u ma ile, hue̱i̱ ne̱i̱ba, Godiha̱ die diho̱ hue̱i̱ ke̱ olo͡u fe̱i̱ to̱gueiba, dia̱ haba ta gosolo ile meido.

Mogogou Ta̱ Hegi 14:4

O kedia̱me sasa̱i̱ hiyou suluguadiyo mei. Die duledu sibigi ta dala mei, Godiha̱ dihi̱le koko͡u do̱u̱dono͡u dalaguadi. Dia̱me Wai Sipsip Wili kaha̱ sulu ke̱no͡u sesele suluguadi. O sasa̱i̱ kedia̱me bi yomogo͡u do, Godiha̱ Wai Sipsip Wilibo͡u dilie biyodemamo͡u mamo̱u̱.

Ta̱ Uwo Bolofe̱i̱ Jonha̱ Nala̱i̱ 13:32

Godiha̱ e̱ Dihiha̱ degeiye, dia̱ Godiha̱ hu̱ damale̱do ke̱ solo͟͡uba hebele fogulo ibabe, e̱ne e̱ Dihiha̱ hu̱ hebele fogulo. E̱ Dihiha̱ hu̱be totono͡u do hebele fogulo.